نزول دم كثير مثل الدورة وانا بالشهر الاول

[جفى الصمت]

نزول دم زي الدورة كثير وانا بالشهر الاول ،مرة خايغة ، رحت الدكتورة اليوم سوت لي اشعة قالت لي مو مبين الكيس تعالي لي بعد 10 ايام بس قالت نامي على ظهرك ولا تسوي اي مجهود وممنوع الجماع، مين حصل لها زي واكتمل حملها ؟!

[جفى الصمت]

وقالت لي ما اقدر اعطيكي مثبت الين ما يبين على الاشعة

[تمأإرآا]

حبيبتي دامك حامل
كلي حبوب دوفاستون
عشان لو فيه حمل تثبته

والله يثبت حملك ويقر عينك بشوفته ويتمم فرحتك ع خير

[جفى الصمت]

الدكتورة ما نصحتني على المثبت الحين
ممكن يكون من الجماع لانه الدم نزل بعده وكمان عندي الم شديد في الظهر واسفل البطن .

[fo0fo0]

لاتحاتين. ،، ووكلي امرك لربگ. ،،
واللي كاتبه ربي بيصير
أختي كانت وربي تنزف من الشهر الأول الئ الشهر الثامن اقسم بالله لما تصحي من النوم لازم تغير الفرشه
وربي كاتب للجنين حياه والحمد لله
انتي استودعيه الله وارتااااااحي والله يكتب لك الخير ،،

[ورد القلوب]

ماتشوفي شر

الله يحفظ جنينك

[ديسمبرية]

أنا مريت بتجربتك وآخذ حبوب مثبت دوفاستون
تعبت نفسيتي بعدين وكلت أمري لله أنتبهي لنفسيتك أهم شيء
أعطاني الدكتور موعد بعد أسبوعين لأن ما بان لا كيس ولا جنين بالأشعة ولسى خلصت الشهر الأول
أستودعي جنينك ليل ونهار عشان ربي يحفظه لك
الله يطمنك على جنينك

[جفى الصمت]

والالم اللي في اسفل البطن مو قادرة استهملها .. وش اسوي ؟؟

[AKS]

اناانصحك تروحين دكتوره ثانيه والله يثبت حملك

[تاج راسي يابو متعب]

ما تشوفين شر

[نـرسيآن]

روحي طبيبه ثانيه

[farfocha]

روحي طبيبة ثانية ، الله يثبت حملك

[ربي اغفرلي وارحمنى]

شوفي خيتوو انا مرت بنفس تجربتك لدرجه استغفر الله كنت اتمنى انه ينزل لانى ظليت حيل متوتره اسوي تحليل في حمل ودم لسه ينزل وبغزاره نفس الدوره وعلى الرغم انى كنت مرتاحه واخذ دفستون مرتين باليوم لرحت لطوراى الحكومه وتنومت وعطونى ابر مثبته وعلى الرغم ماكان باين الكيس واخذتهم وكل اسبوع ابرتين ولسه الدم مكمل وعطونى موعد بعد شهرين تخيلى وانا انزف ورحت لمستشفى خاص وعملت لى اشعه داخليه وسمعتنى النض وقالت لى روحى لطوارى الحكومى بس توكلت على الله ثم على علاجه عطتنى دفستون وتحاميل مثبته والحمد لله صرت احسن بس الدم لازال مستمر لين الرابع والحمد لله انا الحين في السادس والحمل سليم ادري قلت قصه حياتى بس حاسه في احساسك فحبيت اطمنك وربي يطمنك وبشرينا عنك

[جفى الصمت]

شكرا اخواتي على ردودكم وعلى اهتمامكم و يجزيكم بالخير ،الكل نصحوني بالراحة ، ولكن مشيئة الله نزل علي قطعة دم صغيره كانها كبده اكرمكم الله بعد المغض والآلام ، شكلي اجهضت الحمدالله على كل حال .

[كاريزما السيبانيه]

حالتك نفس حالتي ومن الجماع كمان
لما فقدت حملي الاول

بس انا اهملت حالي ولا جلست على راحتي
انتي ارتاحي وخذي مثبتات حمل ولاتسوي ولا حركه
غير من السرير الي الحمام وامتنعي من الجماع
وخذي راحه كااااااااااااااااااااااااااااااامله وربي راح يثبت حملك ان شاء الله
وعليك بسورة البقره والاستغفار وتاملي خير تجدينه

[جفى الصمت]

حتى بعد نزول القطعة الآلام مستمرة عندي .. وش السبب؟؟

[ديسمبرية]

القطعة مو دليل إجهاض يمكن من المشيمة
روحي المستشفى وسوي تحليل هرموني رقمي شيكي على هرمون الحمل والدكتور يتابع معك حالتك
لا تتركين نفسك والله يثبته لك ويرزقك بالطفل السليم

[جفى الصمت]

ممكن اللي سقط مو كيس الجنين .. عشان كدة الالم ما اختفى !

[جفى الصمت]

رحت الدكتورة مرة ثانية سوت لي اشعة من تحت وما بان كيس الجنين .. وبعدين سوينا تحليل لهرمون الحمل طلع ضعيف وقالت لي تعالي لي بعد اسبوع عشان نعيد التحليل ...

[جفى الصمت]

هي قالت لي انه الجنين ممكن سقط مع الدم عشان كدة مبين ضعيف في التحليل او الحمل في بدايتها .

[noujy]

ربنا يقدرلك الي فيه الخير
نشالله تبشرينا و تفرحي بثبات جنينك

[ديسمبرية]

أنا نفس حالتك بالضبط ولسى أنتظر موعدي
الله يطمنك ويطمني ويرزقنا ونشوف الجنين سليم

[أميرة عبدي]

الله يطمنك يارب

[بنت الذوق]

ماعندي خلفيه عن الموضوع
بس حبيت ادعيلع ربي يثبت حملك يارب ويطمن قلبج يارب
واستغفري وعليج بقراءة سورة البقره

[نسمة بحر]

وإلله نفس مشكلتك يارب يثبت اجنتنا يارب

[جفى الصمت]

للاسف اجهضت .. الحمدالله على كل حال

[جوري جوري]

انا تأخرت دورتي يومين وحللت منزلي وطلع حمل ولحين ينزل دم مثل الدوره ماعرف ايش اسوي