**نزول المشيمة وحبوب التثبيت**

[*mimi*]

يسعدلي مساكم بناات

انا مسافرة ع الاسبوع الجاي وسويت سونار قالت لي الدكتورة عندك نزول بالمشيمة بس هذا طبيعي بالشهر الخامس .. وانشالله انها بترتفع بالسادس

وقالت لي اخذ حبوب مثبته قبل السفر بثلاث ايام ويوم السفر وبعد السفر بثلاث ايام :(

انا خااايفه والله واحاتي كثيرر ان المشيمة بتظل نازله او تنزل اكثر مع السفر

وخايفة من الحبوب المثبتة لاني سمعت ان كثرتها مو زين :( :(

احد عنده خلفية عن هالموضوع الله يسعدكم hwaml78

[اميرة بيتي]

كيف يعني كثرتها مو زينة ؟؟؟ من اول حملي باخد حبوب تثبيت واخدت ابر كمان بالشهر الرابع عشان موضوع نزول المشيمة .... الافضل انك تاخديهم الحبوب الله يثبتلك جنينك يا رب

[*mimi*]

كيف يعني كثرتها مو زينة ؟؟؟ من اول حملي باخد حبوب تثبيت واخدت ابر كمان بالشهر الرابع عشان موضوع نزول المشيمة .... الافضل انك تاخديهم الحبوب الله يثبتلك جنينك يا رب


اميين يارب ويثبت حملك ..

اللي سمعته ان كثرتها تسبب عسر في الولادة يعني الجنين يصير ثاابت بالرحم ماينزل بسهولة

والله اعلم :(

[ثابتةعلى قيمي]

انا عندي نزول في المشيمه ... وجاني نزيف ... ووقف ولله الحمد
لكن طبيبي وقف حبوب التثبيت قال ماله داعي لانه مارح يعمل شئ للمشيمه
والنزف كان منها ... نصحني بالراحه التامه على الفراش ...
نصيحه اذا ماكان ضروري سفرك ريحي ...

[نـرسيآن]

اذا مو ضروري سفرك لاتروحي

[fammr]

انا بالسادس وواكل حبوب دوفاتسون مثبتات من اول شهر وبالثالث نزل دم وصرت
اكل اربع حبات باليوم جرعه كبيره لانه المشيمه نازله عندي ويوم رحت بالخامس
ارتفعت شوي الحمدلله لانه مع كبر الجنين يسحب المشيمه للاعلي فتدرجت صرت اكل حبتين
المثبت يمنع التقلصات ويشد الرحم ولا له دخل بتعسر الولاده
نصيحه لاتسافرين سافرت ساعتين ونزلت المشيمه لانه السفر متعب وولازم تنامين ع ظهرك
بالاضافه الي مطبات الطريق وحفريات بعض الشوارع مشكله والله

[*mimi*]

انا مسافرة مع زوجي انشالله لانه يدرس برا .. واللي سمعت انه الطياره اكثر وسيلة امان للحامل .. وسألت 3 دكاترة قالوا مافي مانع تسافرين خصوصا بأشهر الامان الثلاثة .. وللاحتياط لازم اخذ حبوب التثبيت

الله يعين ويسهل ويثبت حملنا ويتمم علينا بكل خير يارب