""مساعده الأخت الفجر المشرق "" بخصوص عدم نبض الجنين

[سحابة الماضي]

صباح الخير صبايا


كيفكو .. شو الأخبار ؟؟!

ببلش بموضوعي ...... في معانا أخت بالمنتدى اسمها الفجر المشرق
عملت أطفال أنابيب اول شهر 7 في تاريخ 5/7 الي هو تاريخ إرجاع الاجنه
وهي هسا بالشهر التالت .. عملت كم مره سونار على البطن وكل مره الدكتور بحكيلها ما في نبض
آخر مره عملت السونار برضو ما كان في نبض بس كيس الحمل مبين والجنين حتى مش مبين

اتصلت على دكتورتها اللي عملتلها العملية ... وحكتلها أزا ما في نبض لهسا لازم يصير إجهاض ... مع العلم انو هرمون الحمل عندها برتفع ما بقل ...
وما عملت سونار داخلي للرحم لأنو في منطقتهم مش موجود هاد الجهاز ..
ومكان ما عملت العملية لازمو سفر بالطياره لمده ساعه.. وإنتو عارفين صعب اول تلت شهور حمل تسافر .....

هسا بدي منكو تقترحوا عليها ايش تعمل ... تجهض الجنين اللي لسا نبصر ما بين ولا تستنى .. وترجع تعيد فحص الدم وتشوف أزا الهرمون بيرتفع ولا لا؟

وهي كتير خايفه ... طبعا ما بتحس باي أعراض أو أوجاع ... دم ما بينزل عليها ... حتى أنهم رجعوا اربع اجنه وما صار اي اشي .. طب وين اختفوا .. ما نزل قطره دم حتى ..؟







يا ريت تفيدوها صبايا ... مستنيه ردودكم ..

وسوري طولت عليكم ...

[حبيبت عمر]

مساء الخــير حبيبتي انصح صديقتك انها ماتجهض الجنين. احتمال كبير يكون الجهاز السونار قديم او غير واضح مدام مافي دم ينزل ولا اوجاع معناه ان شاءالله الحمل ماشي وطبعا لازم كل فتره تسوي تحليل الدم تشوف في تطور بالنسبه للحمل واذا في تطور في النسبه يكون اكيد في حمل. بس جهاز الالترساوند قديم وخليها تغير الدكتوره واتصور هـيك لازم تسوي وريارب يطمن قلبها وتشوف النبض يارب وفي كثير حالات نادره مايبين النبض لفتره معينه الله يسلمها من كل شر ويارب يطمن قلوبكم

[سحابة الماضي]

يسلمووووووو حبيبتي على ردك وانا بحكي نفس الاشي زي ما حكيتي

والله يجيب اللي في الخير

ويسلموووو كتييرررر على مرورك

[حنان معوض]

والله شئ يخوف مره
الله يعينها وينجيها من هالكرب يارب امين
انا اسفه ما اعرف ايش تسوى لكن بدعيلها ربى يجعل من امريها يسرا وينور بصيرتها

[سحابة الماضي]

حبيبتي يسلمووووووو كتير على مرورك ودعواتك

اميييييين يا رب العالمين ....

[غصن ألبان]

اولآ أحب اشكرك على طيبتك وتعاونك وروحك الحلوة
ثانيآ نصيحتي للاخت فجر انو تنتظر وماتستعجل بعملية
الاجهاض يمكن يكون الجنين بعده صغير او الدكتور اخطأ
كل شي وااارد ومحتمل ، وربي يكون بعونها ويفرج همها
ويحفظ جنينها ويفرح قلبها ، ويتمم حملها وحملك حبيبتي
سحوبة بألف سلامة .. اللهم آمين ... تحياتي ♥

[سمر الليل]

نصيحة مادام مانزل دم معها لا تنزل الجنين
اسالني انا مجربة اذا قالو مافية نبض انتظر وينزل لوحدة
خليها تصبر لا تستعجل

[ابتسامه رغم الالم]

لا حبيبتي لا تفكر بالاجهاض ابدا طالما التحليل بيرتفع بترجع كل يومين تعمل فحص

وبتشوف اذا متوقف وعم ينزل او مستمر بالطلوع يارب يتمم لها على خير ويقر عينها بشوفته يارب

[الريم الشرقي]

حبيبتي انا امر حاليا بنفس حالتها والكل نصحني الانتظار الى بعد الشهر الرابع او الخامس او لما ينزل الكيس بنفسه
بعد اللي حصل صديقتي تقول مااكتشفوا الجنين والنبض الا بالشهر الثالث وقبلها قالو نزلي الكيس والحين ولدها بصف خامس
وزوجة اخوي مااكتشفوا النبض الا بالرابع وكذلك كانوا يعطونها حبوب تنزل الكيس ولاتأخذها والحين ولد اخوي يدرس بسنة اولى لاتستعجل وقوليلها تطمن وان شاء الله تكون حامل بتؤم يااااارب

[فلسفة الحب]

الله يكون بعونها ويطمن قلبها ويكتب لها اللي فيه الخيره يااارب ... ماعندي خلفيه عن الموضوع بس حبيت ادعي لها

[رضاك يارحيم]

مادري بس الله يثبت جنينها ويفرح قلبها
انا عني مابين النبض الابالاسبوع العاشر

[سحابة الماضي]

صبايااااا للأسف خبر مش حلو بالمره
الهرمون بلش ينزل معها والدم بلش ينزل معها راحت عالدكتور اليوم وحكالها البيبي مات وهي غيرت الدكتور وللأسف نفسيتها كتيييييير تعبت

ويسلمووووو كتير صبايا على وقفتكو معها وعلى ردودكو واهتمامكم

وقدر الله ما شاء فعل

[الريم الشرقي]

الله يعوضها خير ......
والله يرزقها بلاعلاج ياااااااارب ويفرح قلبها....

دعواتكم لأني متخوفه من وضعي بعد والله يستر

[نـرسيآن]

لاحول ولا قوة الا بالله

[حنان معوض]

الله يعوضها خير ......
والله يرزقها بلاعلاج ياااااااارب ويفرح قلبها....

دعواتكم لأني متخوفه من وضعي بعد والله يستر




خير حبيبتى طمنينا عليكى الله يسترها

[سحابة الماضي]

يسلمووو على وقفتكم معها صبايااااا

الله يجيب اللي في الخير

شو مالك حبيبتي ايش صاير معك