معاناتي الشخصية مع أهل زوجي - تسلط - استغلال - ازعاج

[بنت الشآم]

بسم الله الرحمن الرحيم

http://forum.hwaml.com/imgcache2/hwaml.com_1378196939_326.jpg



رح اكتبلكون و قلبي مقهور .. حبيت زوجي من ال 2005 اتزوجنا ب 2012 و الحمد لله الله رزقنا بطفل الله يحميه ,, ببداية زواجنا سكنا ببيت لحالنا .. بسبب الاوضاع بدمشق و الغلى و سفر ابوه و اخوه اضطرينا نقعد مع امو و اخواتو بنفس البيت


نقلت غراضي انا و عم اعتصر قهر و زعل طبقناهون فوق بعض بغرفة عالتراس سقفها صناعي و كلها واجهات زجاج يعني ساونا بتقعدي فيها بتحترقي و بالشتاء بتلجي
انا سكتت و صبرت و قلت بس يرجع ابوه او اخوه رح نستقل اكيد لانو ما بجوز انكشف قدامون .. بس الظاهر ابوه و اخوه كتير مرتاحين و عرفانين المصايب اللي تاركينها فوق راس زوجي
زوجي عندو 3 اخوات 2 مخطوبين و وحدة عازبة و بهالحالة بكون عندي 4 حموات
ولله كرهت حياتي و عمري معهم
علما انو الفضل لله - انا الي فضل عليهم كلهم قبل ما اتزوج كنت درسهم دائما وقت فحوصاتهم
و يهلكوني بتدريسهم
انا اكبر من اكبر وحدة فيهم بخمس سنوات
تعبت معاهم كتير و مشكلة زوجي كل ما حاكيه كلمة بيوقف محامي دفاع عنهم
اكيد بيحبون اكتر مني مع انو بينكر هالشي .. و مع اني حبيتو حب ما حدا حبو للتاني
انا تعبت من التقييد ما بيتغدوا للساعة 8 بيكون صار وقت نيم ابني و نام لانو عندي دوام تاني يوم
وحدة خطيبها رايح و وحدة خطيبها جاية و انا بنأسر كتير و بنحبس بغرفة شي 7 ساعات كل واحد منهم بيلزق


سأكمل لاحقاً ان شاء الله

[بنت الشآم]

برجع من الشغل تعبانة و جوعانة و عندي طفل 4 شهور و ورايي غسيل و كوي و مسح غرفتي و ضبها و فوق هالشي بفيقوا الساعة 2 او 3 على موعد قدومي من الشغل بيحلى بعينهم كل التعزيل و الضب و كل يوم بخلوني اجلي الجلي كلو بضل شي ساعة و نص فيه لانو ما شالله 6 اشخاص
غير لسا قشري هالبطاطات و شطفي البلكون و ساعدينا بكذا و كذا و ما بيتغدو للساعة 8 بيكون صار موعد نوم ابني بنيمو و بنام
و هنة بتكون بلشت سهرتهم مع زوجي طبعا بيسهرو للساعة 5 الصبح و انا بنام بكير كرمال شغلي
ما بشوف زوجي ابدا
هي غير القيود و القواعد الصارمة اللي ما بتطبق غير عليي انا ( غسلي الحمام من بعدك و هوة بيقرف ما حدا بيمسكو اصلا و لا تشغلي الغاز شغلي السخان تبع الكهربا و لا تحطي تياب بالحمام و هنة تيابون معباية الحمام !! )

["ام تولين"]

الله يعينك حبيبتي وربي يفرج همككك ويششرح صددرك:)

[بنت الشآم]

دائماً تسميع حكي و كلام جارح بحجة المزح
اهلي ما بيجوا لعندي لانو بيعرفوا انو غير مرغوب فيهم من قبل اهل زوجي و زوجي ما بيزورهم علما انو قبل الزواج كان كتير يجي لعنا !!
امنيتي اطلع انا وياه و ابني برا البلد لأخلص منهم و من تسلطهم و لنأسس حياة جديدة متل اللي كنت احلم فيها من قبل و ليصير زوجي يشتغل بدل قعدتو بالبيت و لنخلص من قيودهم
بس ما في امل !! زوجي مسؤول عن 3 بنات و امهم و لا و الاحلى مسؤول كمان عن عماتو التنتين الغير متزوجات و ساكنين بالبيت اللي مقابلنا يعني مسؤوول عن 6 اشخاص غيري و غير ابني
كل ما اشتري شغلة خاصة الي بسمع كلام منو و من امو و كل ما اشتري لعبة لابني باكل بهدلة علما انو من راتبي عم اشتري !!
اختو بتاخد مني نص الراتب .. اي .. نص تعبي و شقايي .. ليش يا حزركون ؟؟ لانو بتدير بالها على ابن اخوها بغيابي !!!!! مع انو هوة ابنهم قبل ما يكون ابني
بس ما بقدر احكي شي لانو بيهددني اترك الشغل و انا ما اتعبت كل هالتعب و درست و اتنقلت من وظيفة لوظيفة اعلى كرمال اترك الشغل
و بس اطلب منه حط الصغير عند اهلي بيصير بيصرخ بوشي انا ابني ما بيطلع برا البيت !!
و غير هيك قبل ما اولد وقت كنت حامل كان يقلي عطيني مبلغ كذا بدي اعطي فلان و بكرا اكيد برجعلك و كل راتب يعمل فيني هيك و كل ما اسألو ايمت بترجعلي يقلي بكرا و ازا حكيت كتير بالموضوع يزعل

و انا بصراحة مو مسامحتون بتعبي ابدا و خصوي اني كنت متعودة عند اهلي اشتري اللي بدي ياه و ما انحرم من شي و كنت ساعد امي كمان و هلق ما عدت اتعرفت على مساعدتها ابدا
بصراحة زوجي ما كان هيك قبل الزواج !! كان يساعدني احيانا بالمادة بس وقت اتزوجنا بلش يتغير يمكن امو بتعلمو !!

[بنت الشآم]

بصراحة انا بحياتي ما اتعودت عالأسر عند اهلي كنت دائما اسوي اللي بدي ياه
و امي حاسة فيني بس ما بقدر قلها شي و لا بقدر اشكي همي الا الكون و لله لانو ما بيصير افشي اسرار بيتي طبعا بيتي المعنوي لانو ما عندي بيت
حلمي كان متل اي بنت اعمل احلى عرس و انحرمت منو و قلي بعوضك بشهر عسل و انحرمت منو و انحرمت من ابسط حقوقي
حتى تخت للبيبي ما جبلي امي اشترتو !!
ولله مقهورة من قلبي و ما في شي بيصبرني الا هالولد الله يحميه

[مرهفة الإحساس]

ياقلبي والله وعلت جدا عشانك قصيتك ابكتني فعلا معلش يا الغلا مرة قولي لزوجك نفسي احكي معك واحكيله هذا الكلام كله فضفضيله باللي نفسك اياه اخرجي انتي وهو لمول لاي مطعم واجلسي معه قوليلي كا حياتي صعبه واحكيله لعل الله يلين قلبه عليكي ايد هذا كله ضغوط عليه يعني غصب عنه ماعندهم اخ رجال غيره اللي مجود لحين اكيد لين ما والده يرجع بتتعدل الامور ان شاء الله

[إيفان]

والله والله مكانك لأربيهم
أولب شي بتعملية وردي علي وما بتخسري لتشوفي كيقف راح يصير و معك بس الرضى ترضي شوفي شو تعملي اول شي سيبي الشغل اه سيبي الشغل هو الزلمة هو يصرف بكره بس تقعدي ويصير فش راتب يجيهم وفش مصروف زي أول بعرفو قيمتك قوليلهم أنا مش ملحق شغل بيت وزوج وطفل وشغل برى البيت انا تعبت ومش قادرة والله لو تقعدي بس شهر صحيح اولها راح يدايقو وينجنو وينكدو عليكي بس بالنهاية راح يقولولك إرجعي ع الشغل وبنعملك غرفتك والأكل وأغراض زوجك وكل شي بس إرجعي جيبي مصاري للبيت وع وضعك بطلي من الشغل وإقعدي بغرفتك لا تطلعي منها خليكي نايمة قولي مكسور علي نوم او لو تنفلي خزانتك وقولي برتب بغرفتي وبعزلها حتى لو مرتبة حاولي لا تطلعي وتجنبيهم وكإنك لسة بالغشل وحبيبتي بدك شي زوجك يجيبو من أغراضك وأغراض غبنك بعرف الوضع بسوريا صعب ماديا بس هم مش مقدرين تعبك لهيك ما بستاهلو تيجي ع حالك مشان هم بالأخر يقبضو والله ما في غيرلا هيك حل ولو زوجك محامي الدافع دافع أصلا طنشية وسيبية يحكي مع الحيط ولا تقفتحي ولا عملو ولا سوى إسمعي من هون وطلعي غعتبريهم مش موجودين جربي هيك انا هيك عاملة مع زوجي مستحيل أقولو عملو ولا سوى لغنو مش ماحمي دافع عشر محامين بصير عنهم معنو عارف إنهو غلطانين بس ما حد بهولو بأهلو وإلبس وصير روحي ع اهلك وأقعدي بالأيام أو إسهري وإرجعي يعني عيشي حياتك ولا تقولي بجوزوة علي ومن الحكي زوجك معوش يأكل ولا يطعميهم ليفكرو يعملو ولا يقولولو هالحكي كوني أكيدة إنتي أدرى شي بالوضع

[Boosha]

الله يصبرك حبيبتي ويهديلك زوجك ويسخره لك
ادعي ربي كثير واستغفري و خذي اجازه شهر وقولي لزوجك واهله انك فصلتي من عملك وشوفي ايش يصير يمكن ربي يصلحه ويهديه ويتعدل

[farfocha]

مالقيت شيء اقوله غير الله ينتقم منهم يارب والله يرجعك لبيتك او تسافري بعيد عنهم يااارب

[الاميرة 2014]

ربنا يهونها عليكي حبيبتي
ادعي ربنا واستغفريه كتير
وقولي يارب سخر لي زوجي الي كل الخير ان شاء الله
وربنا يهدي سركم ويهديلك اهل زوجك يارب عن القريب العاجل
امين يارب العالمين