محروق قلبي , اكتشفت ختان ابني مو زابط !!

[-قطر الندى-]

بسم الله الرحمن الرحيم

ااااه ولله قلبي مقهور من جوا ,, متضايقة من هالمطهر اللي سبب آلام لطفلي عالفاضي ..

مشان السنة وقت خلق طفلي قرر زوجي يأجل ختانه لليوم السابع ,, وقت اجى اليوم السابع كان الطفل مصاب بالريقان ,, انتظرناه لشفي ( الحمد لله ) قام اصيب بالاسهال ( اعزكم الله )

نطرناه لشفي ,, صار عمره اربعين يوم ... صار بيحس اكتر
قرايبة زوجي قالتلنا لاناخدو عند الدكتور لانو ما عرف يطهر ابنها .. قرر زوجي يجبلو مطهر مشهور جدا في سوريا و في دمشق تحديدا
و ما رضي يجبلو الا المطهر الكبير ( لانو هية مصلحة بيتوارثوها )
المهم طهرو بالمقص الحامي و يا قلبي صار صواتو لآخر الحارة
المهم بعد شي شهر شافتو دكتورة لابني قالتلي الجلد تبع القضيب لازق و بيعمل التهاب بدك ترجعيه لورا و تدهني زيت و كتبتلي كريم مضاد التهاب كمان
المهم كل المقربين و حتى انا لاحظنا انو طهوره لهالصبي مو راكز ابدا
يعني الجلد اللي تحت اكتر من فوق مو متناسق كأنو في جلد ما قصو هالمطهر
و لله كتير قلبي محروق انو ابني رح يرجع يعاني بعد ما صار 4 شهور ( الحمد لله ) يرجع يتوجع هداك الوجع و هوة هلق بيحس اكتر بكتير من قبل ولله بدعي عليه من قلبي لهالمطهر و بقول الله لايسامحو ازا ما بيفهم ليش يعمل هيك مع الناسhwaml4


بنات بدي رأيكم ؟؟
ساعدوني انتو عندكم خبرة
لازم نرجع نزبطلو طهورو و لا نتركو ؟؟
بيصير بعد ما صار 4 شهور نرجع نعذبو ..؟؟
و وين لازم ساوي هالعملية ؟؟ عند دكتور و لا بالمشفى ؟؟

[dr.loly]

حرام عليه والله .. اول شئ اختي عليك باتباع اوامر الطبيب بحذافيرها
واذا ماتحسن عليك بمراجعته..
وعن نفسي ماسمعت بأحد سووله اعادة طهور او ختان ..
واذا كان يمكن يسوله اعادة فأكيد لاتعمليها عن طبيب جراح مختص بالمستشفي..
وان شاء اللله خير

[-قطر الندى-]

شكرا ام فراس
مشكورة حبيبتي

[عيون امها]

سلامته ياقلبي
المفروض من الاول ختنتوه عند واحد متخصص للختان مو مقص حامي حرام عليه عذب البيبي مسكين قطع قلبي
اعرضيه ع اخصائي حتى يشوف حالته وهل تستدعي اعادة الختان

[-قطر الندى-]

ان شاء الله
ولله انا ما كان عندي خبرة يا عيون المها
اول ولد
و عيلة ماما و بابا مو بالشام :( ما شفت حدا ولد لحتى يصير عندي فكرة او خبرة

[& زهرة حياتي &]

الله يساعدك ياقطورة ويساعد قلبك
اوي انا اقره وقلبي محروق على ابنك
الله يطمن قلبك علي يارب
بس نصيحة ودي عند طبيب اختصاص
انا صديقتي مثلك هم كان ختان ابنها مو مظبوط ودته عند دكتور اختصاص واعدلولهيا
يارب الف صحه وسلامه على قلب ابنك

[نور العمر]

والله قطع قلبي لانوالختان صعب ومابصدق الواحد متى يخلص منو الله يكون بالعون ... اناعملتو لاابني بعمر خمس شهور عند دكتور بعياده خاصه ..

ربنا يحفظلك ابنك ...

[-قطر الندى-]

زهرة حياتي شكرا لدعمك المعنوي
نور اشكر مشاركتك و تشجيعك و الحمد لله عسلامة ابنك

[ام نادين]

مسا الخير حبيبتي لا تتداياي ولا شي انا صار مع ابني نفس الشي كان عمره بالطهور الاول 15 يوم وما كان زابط ورجعت طاهرتو وعمره5 شهور الله بيعينك اتحملي شوي معه الله يحميلك اياه

[-قطر الندى-]

الله يسلمك ام نادين شكرا لمساندتك الي

[أم تااالين]

حبيبتي لازم توديه المشفى افضل
قدامه العافيه يارب

[-قطر الندى-]

هوة هيك ان شاء الله

[وحيدة ببحر الغربة]

الله يعينك ويسهلها على ابنك نصيحتي تاخديه لعند طبيب مختص وهو يقرر ونصيحة تانية لوجه الله لا تاجلي الموضوع اكتر كل ما زاد عمره كل ما توجع اكتر الله يشفيه

[حنونة المشاعر]

الختان مو لعبة لازم تودية عند واحد استشاري كمان مو اي دكتور


كيف فكرتو من حالكم تسووه


الله يشفيلك اياه


دعواتك انى اقوم بالسلامة

[-قطر الندى-]

وحيدة شكرا

حنونة مو نحنا اللي سويناه .. عأساس شخص مختص و نص دمشق مطهرها هوة يعني خبرة

[سيدة العمر]

انا من رايي انو من هلئيت تتابعى حالة ابنك وتروحى لمتخصص بهاى احالة هو اى نعم كبر لكن لسا ما صار سنة احمدى الله انك اكتشفتى المشكلة من هلئيت وقوى قلبك وتابعى حالته ولو استدعى الموضوع تعيدي الموضوع اعمليه
لا حول ولا قوة الا بالله

[ward22]

طبعا توديه لجراح بمستشفى ويكون مشهور بالختان حتى تتطمني
وراح يعدل الموضوع وانشالله ترتاحي من هالقصة ..
وراح يكون ببنج فماتخافي ع المه .. والان افضل لاتتاخري اكثر لانه مايجلس فالالم عليه هيكون اقل ..
الله يحميلك ابنك يارب ويعينك ..

[حياتي توأمي]

ياقلبي أسفه شفت موضوعك متأخر
قلبي قطعني علي ولدك ربي يحفظه لكي يارب
شوفي ياحبيبتي من الضروري استشاره دكتور مسالك بوليه
وهو بيقرر إذا ابنك محتاج جراحه مرة اخري وتشيلي الجزء البارز او لا
واحتمال اصلا ابنك مأيحتاج اي شيء
استشيري دكتور مختص بالمسالك البوليه. وان شاء الله ماعليه اي شر. ولاتخافي ولو احتاج جراحه راح تكون بسيطه وطبعاً تحت مخدر
الله يهون امرك يارب