حامل بالشهر الثاني ومشكلة بشرتي ظهور الحبوب؟؟

[لوللا]

عزيزاتي واخواتي ..

صباحكن أزهر ..

انا الآن حامل لي بالتمام شهرين ..
انا عندي مشكله من قبل الزواج طبعا ببشرتي وهي ظهور الحبوب عليها وقبل ما اتزوج عالجتها واهتميت كثير بها وعملت تقشير الكريستال وكان قمه في الروعه ..
انا متزوجه من 3 شهور فقط ..
الآن بعد الحمل عادت الحبوب لوجهي ولكن بشكل غير طبيعي .. جدا جدا مضايقاني ..
هل ممكن تقولوا لي شنو الشيء الطبيعي اللي ممكن استخدمه ومافيه ضرر للتخفيف على الأقل من الحبوب
؟؟؟

ولو استشرت طبيبتي هل تتوقعون ستفيدني بهذا الموضوع .. خاصة انها نساء وولاده طبعا وليست جلديه ؟؟؟

ارجو ممن لديها فكره عن الموضوع تخبرني
علما ان بشتري للأسف دهنيه

[sweet moon]

هلا فيك اختي

الافضل تستشيرين دكتوره جلديه

هي اللي بتفيدك اكثر من دكتورتك

[الفتاة الذهبية]

انا بعد في حملي طلعت لي حبوب
لكن استخدمت صابونة اسمها صابونة الشاهي
ولون الصابونة خضرةو علبتها بعد خضرة
تستخدم 3 ايام وتخلينها على الويه لمدة دقيقتين
بس بصراحة استفدت منها انا شريتها من عطار بالسعودية بس يمكن تلاقين منها عند أي عطار

[abrar]

عادي لاتحاتين انا مثلك لي 3 شهور ومن حملت وجات الحبوب
ترى مع الحمل تصير كثير اعرفهم كيذا عقب الولاده تصفى البشره وترجع مثل ماكانت واحلى بعد بس اهتمي بصحتك والله يسهل علينا وعليك

[اميرة الخيال]

حتى انا مثلك طلع لي حبوب في بدايه وخفت ...
انت لاتشيلي هم يالغلا باذن الله تروح بعد الولاده..

[نبع المحبة]

ان شا الله بتروح بعد الولادة
والاحسن تروحي لطبيبة جلدية يمكن تلقى لج حل
وبالتوفيق خيتوو

[لوللا]

الجميع الف شكر لردودكم يالغالين ..

يمكن استشير طبيبه .. لاني ادري انه هذه من مشاكل الحمل لكن متضايقه منها عشان كذا ودي بشي يخففها عشان النفسيه يعني