المرقدوش والبرولاكتين

[أم عمران]

السلام عليكم ورحمه الله وبركاته
شخباركم خواتي من يومين رحت حق نتايجي وطلع عندي هرمون الحليب مرتفع واصل 54 والدكتورة تقول الطبيعي 24 او اقل فقالت لازم ينزل هرمون الحليب او صعب تحملين اني حملت 3 مرات قبل وأجهضت وحاليا عندي موعد شهر 9 حق يشوفون حالتي وقالت الدكتورة على الاغلب بيعطوني حبوب تنزل الهرمون بس اني سمعت عن المرقدوش انه ينزل هرمون الحليب واحنا ف البحرين عدنا يبيعون غراش مرقدوش جاهزة فهل ينفع استخدمها او لازم العشبه من الحواج؟ من استخدمت المدرقدوش الجاهز وجم الكميه والمده اللي احتاجها عشان ينزل الهرمون عندي
وجزاكم الله الف خير

[ام جمال ان شاء الله]

الله يشفيك
ويفرح قلبك بالحمل عن قريب ان شاء الله
حبيبتي ما عندي فكرة بس حبيت ادعي لك

[أم عمران]

مشكورة اختي ام جمال والله يرزقني ويرزقك ويرزق كل من تتمنى الحمل

[غصن ألبان]

ام عمران غاليتي اني استخدمت البردقوش والميرمية
لكن اعشاب لمدة 20 يوم ماشاء الله تبارك الرحمن
الهرمون نزل عندي وماارتفع مرة ثانية ... تحياتي♥

[ويدو الحبوبة]

والله العضيم اني استعملتها و جابت نتيجه مذهله

[عااايشة]

والله يا اختي ماجربتهم بِــ̯͡سّ مٍْْـٍْْ♡̷̴̬̩̃̊ـٍْْن اللي اسمعه
يقولون زين

[أم عمران]

هلا اختي غصن البان اذا ما عليك امر شلون استخدمتينهم؟؟ مع بعض البمرقدوش والمراميه من الحواج؟ لو كل عشبه بروحها وشلون طريقه عملهم؟؟
هلا اختي ويدو الحبوبه كم المده اللي استخدمتي المرقدوش فيها؟ وهل كان اعشاب لو غراش جاهزة؟؟ لانه عدنا في البحرين يبيعون غراش مرقدوش مع اعشاب مثل المراميه والحلبه والزعتر والهليلج
مشكورة اختي عايشه