ارجوكم تنصحوني بعملية اطفال انابيب؟

[همس الآمومة]

السلام عليكم بنآت ..

بنات انه صار لي سنة ونص متزوجة قريب ان شآء الله بكمل سنتين والحمدلله على كل حآآل الله ما رزقني بطفل ،

قصتي مع الحمل بدات من اول ما اتزوجت خلال 4 شهور قلت لزوجي خلنه نفحص علشان اذا طلع فيه مشكلة نتعآلج فهذا الشي افضل ..

حللنا و طلع المشكلة الاساسية في زوجي الله يحميه من كل شر ..

طلع عدد الحيوانات المنوية ( صفــر) و الحركة ( لا يوجد حركة ) و( شكل الحيوانات مجرد دوائر بدون ذيل ) و لله الحمد .. hwaml13

صح كل وحدة تحلم بطفل بتنصدم من هالشي فبكيت لما دخت hwaml93hwaml21

وانه لله الحمد رحمي سليم .. وكل شي تمام .. وحجم البويضة 26 لكن الدكتورة قالت نطمح ل 30 .. وطلع عندي تكيس متلازمة المبايض اتوقع في الجانب الايسر اهو في جانب واحد فقط .. وقالت الدكتورة هالشي وراثي .. و نصحتني بحبوب السكري علشان يروح لكن للحين ما استخدمته ..

المهم ..

امي نصحتني بحواج للاعشاب .. الله يجزيها كل خير رحنا وعطانا وصفة خلال 15 يوم من صفــر الى 2 مليون وسجدت لربي ركعتين شكر .. صح النتيجة مو كثير بس ارتفعت وهذا الشي عطاني امل انه في تقدم :)

ما فقدت الامل :) و خلال شهر رمضآن استغفرت ربي بنية الانجاب و واصلت على الخلطة لكن!! طلع نفس الشي خلال شهر كامل بعد ماتغيرت نتيجة زوجي وطلع النتيجة ايضا 2 مليون ..

الحمدلله رب العالمين اهو احكم الحاكمين في تاخر الانجاب ..

لكن زوجي يقول لي يبي عملية اطفال انابيب يقول جذي رآآآآح نطوووول كثثثير ..

وانه حاليا اتعالج عند الدكتورة خلود الدرازي في البحرين :) و اهي جدا شاطرة في عملية اطفال الانابيب لكن الا مخوفني انه كذا وحدة كانت تتعالج عندها و مانجحت العملية من اول مرة والعملية تكاليفها جدا مرتفعة ..

من سوت عملية اطفال انابيب ؟؟ لانه بجد خايفة من شي اسمه عملية اخاف من ابرة فما بالكم عملية ؟؟

تنصحوني اخواتي اسووووي ولا لا ؟؟

احبكممم في الله

و الله يرزق كل محرووومة بطفل يناديها مـــــــــــامـــا hwaml53

مع السلامة

[asmabb]

انا يا حبيبتي ما عندي معلومة بس حبيت ادعيلك و يفرج عليك و يرزقك الحمل اجلا غير اجلا و تقري عينك بشوفته اميييييين يا رب العالمين
و الله يا حبيبتي حالتك تشبه كثير حالتي ربي يطمنا

[همس الآمومة]

يارب تسلمين حبيبتي asmabb على الدعوة الطيبة

الله يرزقج كل خير يا رب hwaml13

[سوزان الرياض]

اختي اذا زوجك نسبه الحيوانات ٠ ما يسوون لك اطفال انابيب
اول حاجه خلي زوجك يعالج بدون مستشفى اقولك كيف
اول حاجه خليه يحجم ٣ مرات
وسويله خلطه عسل سدر كع غذا ملكات النحل وطلع النخل خليه عليها شهر
وحافظي عليه خلي اكله كله صحي
والله يرزقكم الحمل السليم

[الريم الشرقي]

حبيبتي عشان ارفع معنوياتك واطمنك انا الحمد لله سويت اطفال الانابيب وانجحت من اول مرة...
وبالنسبه لزوجك خليه يستمر ع الخلطه وعندك خلطة العسل والقسط الهندي مرة مفيدة وسووا اطفال انابيب لان نسبة2 مليون كافيه للانابيب
ولاتتخوفين من العملية جدا عاديه وفيها تخدير كامل ماراح تحسين بشي ولا بتشوفين شي ...
الله يكتبلك الحمل يارب عاجلا غير اجل

[حنان معوض]

اكيد حبيبتى سوى اطفال انابيب

انا حالة زوجى مثل زوجك تمام
كان العدد صفر
لكن هو كان عنده دوالى وسوى عمليتين
ووصل العدد ل5 مليون وبعدين تراجع ولفى حوالى 3 مليون
وانا الحين باخد ابر التنشيط للعمليه
وربى ييسر كل خير الى والك
وما تخافين من شئ ربى كريم
صحيح كثرة الابر بتوجع وكمان بتورم لكن كله يهون علشان النونو ههههههههههههه
وتحملى حبيبتى ترا الدنيا فيها ابتلاءات كثيره فاللهم لك الحمد ان احنا ما عندنا شئ خطير
وامورنا لها حل فاحمدى الله وتوكلى على الله وتحملى الابر
والعمليه ان شاء الله سهله ﻻ تخافين
واهم شئ الاستعداد الجيد نفسيا وجسمانيا وتاكلى ماهو مفيد لكل مرحله ابحثى فى المنتدى عن ذالك وربى ييسرلك امورك

[همس الآمومة]

اختي سوزان الرياض
تسلمين انه اقول ليش لما سو حجامة ارتفعت 2 مليون مع الخلطات طبعا ..
ولما جينا نسوي فحص ثاني طلع نفس النتيجة بالخلطات فقط بدون حجامة ..
ان شاء الله رح اقول له يسوي حجامة تسلمين على الخلطة رح اجربها الله يجزيج كل خير حبيبتي hwaml13

اختي الريم الشرقي
والله انك رفعتي معنوياتي الله يجزيج كل خير و الله يعطيج الا تتمنينه يا رب يا كريييم
ان شاء الله عندي موعد الاربعاء هذه زوجي بخبرها انه رح نسوي انابيب والله يكتب الا فيه الخير بس قبل لا اسوي اطفال الانابيب رح احاول استمر مع زوجي بالعلاج علشان ترتفع النسبة شوي بعد .. اشكرج من كل قلبيhwaml13

اختي حنان معوض
الله يعطييييييج الا في بالج و الله يرزقج بطفل سالم و معافي يا ربي وبار لوالديه يا كريييم
اييي علشان يروح القلق قاعدة اقرا في الانترنت عن العملية والله يهديني و استعد نفسيا ياربي ويجي النوووونوو الحلووو hwaml13

[الريم الشرقي]

استمري بالعلاج الى العملية ولا تأخرين العملية عشان العلاج حاولو تستغلون العدد الموجود لان عدد الحيوانات المنويه متذبذب وممكن يتغير بأي وقت ومع اي تحليل...
يعني لاتتاخرين ياعسل .. والله يرزقك بالذريه الصالحه

[سوزان الرياض]

يا حبيبتي الله يرزقكم اجمل توام

[أمنية ..]

حبيبتي ، الله يوفقك ويرزقك الذرية في القريب العاجل يا رب / إنت وكل المحرومات ..
ما دام الحيوانات كانت صفر وارتفعت ، نصيحة .. سووا العملية في أقرب فرصة ، لأنو ما تدرين وش يصير بكرة / وما يهم كم حيوان منوي موجود ، لأن في النهاية هم إلا بيختارون أحسن شيء وبيحقنونه في المختبر ..
وكمان لازم تبدئين على حبوب السكر ضروري ، لأن التكيس له مشاكله بعد .. ما أبغي أخوفش ، بس الاستمرار على العلاج ضروري ، حتى لبعد الحمل ..
والعملية ما تخوف أبداً ، مو شيء مرعب .. والأبر شيء مؤقت ، والواحد يتحملها لأجل الذرية ..

بالتوفيق يا رب :)

[همس الآمومة]

مرحبا بنات
خلاص رحنا تاريخ 28 -8 و قالت لنا ها للحين مصرين على العلاج بس !!
زوجي قال لها نفكر في الانابيب ..
قالت بكل ثقة انه اقدر اسوي لكم هذا الشهر .. بس انه خفت وقلت لها لا خليها الشهر الجاي افضل .. علشان ارتاح نفسيا واقرا اكثر عن الانابيب ..
تدرون انه انصدمت من شغلة فحصتني وكان لي ثالث يوم من الدورة
قلت في خاطري واهي تفحصني اكيد في مشكلة بس تعوذت من بليس واستغفرت ربي واهي تفحصني !!!

الا تقوووووووووول مافي تكيييييييييييس راح !!! شلووووون اقول في خاطري ما اخذت ولا علاج حتى حبوب السكري شريته بس خفت ما شربت ولا حبة منه

بس الا قلته لها من الصدمة : صدق!!!!

فوائد الاستغفار يا بنات استغفرو قد ماتقدرون والله بيعطيكم الا في بالكم احلف لكم ما تعالجت عن التكيس وانه عندي متلازمة المبايض صعب يروح شلون خلال شهر راح ..

الريم الشرقي حبيبتي الدكتورة الحين اهي عطتني خطة للعلاج من الحين لتاريخ 15-10 والله يعيني على التوتر من الحين مو عارفة انام واقعد من وقت من خوفي و قلقي ...ادعي لي الله ييسر لي اموري الله يوووفقك لكل خير

سوزان الرياض يا الله اجمممل دعوة .. يارب الله يعطيج توائم ويعطيني يارب لاتحرمنا وارحمنا يا كريم

اختي أمنية .. وربي راح التكيس شلون ما ادري حتى اخذت حبوب السكري وقريت عنه انه يقلب المعدة و و و وبقدي خوافة فما شربت شي وداومت على الاستغفار و التسبيح وربي راح منصدمة بس الله فوووووق كل شي رحمممممة الله واسعة
اييي خلاص عطتني خطة من بخاخ وابر و و و وان شاء الله الله يييسر لي اموري وييسر امور كل مسلمة تتمنى ذرييييية

احبكممممhwaml13hwaml13