والله أحترت شسوي

[ريتاج2009]

بسم الله الرحمن الرحيم
السلام عليكم ورحمة الله وبركاته


أخباركم بنات
مثل ماعلمتكم من قبل إني متزوجه من سنتين و3شهور وماحملت أبد وأحنا سليمين ولله الحمد وبشهر شعبان قررت أنا وزوجي نسوي التلقيح الصناعي بالبحرين وماتتخيلون شقد فرحتي يعني كنت حاطه أمل كبيييييييير أنها راح تنجح دخلت عالدكتوره
وسوت لي تصوير من داخل الرحم وهنااااااااااااا كانت المفاجأه قالت لي أنتي معاك تكيس من النوع الخفيف قلت لها بس أنا مسويه بالسعوديه وقالوا لي أنتي سليمه مافيكي شي قالت شوفي شلون واضح بالتصوير ماأدري أحس أني ماصدقتها وخلصنا وقلت لها أحنا قررنا نسوي تلقيح صناعي وحددت لنا اليوم اللي نجي عندها ومشينا لبلادنا وقبل اليوم اللي حددته لنا رحت المستشفى وأخذت أبرة تفجيرواليوم اللي بعده مشينا البحرين ورحنا للدكتوره وقالت التلقيح بثلاث الآف ريال قلنا أوكي
وأثناء ماتحط الدكتوره السائل المنوي فيني كنت سرحانه ورايحه في خبر كان جلست أتخيل شلون بطني راح يكبر ومع الوقت يكون عندي أحلى طفل بعد ماخلصنا قالت بعد أسبوعين سوي تحليل حمل رحنا الفندق تروشنا أنا وزوجي ومشينا البيت ماتتخيلون شلون مشوا هالأسبوعين ورحت المستشفى وسويت تحليل الدم قالوا لي أنتظري 20 دقيقه وهنا كانت الطامه الكبرى النتيجه نييييييييييييييييييييييييييييييييييقتف والله العظيم كرهت هالكلمه من كثر ماسمعتها
ساعات أفكر أسوي حقن مجهري وساعات أقول بجرب القسط الهندي مع أني تمرخت مرتين ورحت لحرمه ثالثه تمرخ كشفت على بطني وقالت لي ماتحتاجين تمريخ أنتي مافيكي شي وجربت الكلوميد ومانفع معاي
والله أحترت شسوي مع أني بنت ملتزمه مصليه وصايمه وماأسمع أغاني وأقرا قرآن أنا اللي ابغيه نصيحتكم شسوي؟؟؟؟؟؟؟؟؟؟؟؟؟؟

آسفه طولت عليكم من الحرقه اللي في قلبي

تحياتي

[امنيه تتحقق]

اسال الله اسال الله اسال الله في هذا الشهر الفضيل وفي هذه الايام الفضيله ان يرزقك الحمل عــــــــــــــاجلا غير اجل وان لايجعل هذا الشهر ينتهي الابحملك انتي وكل محرووووووووووووووووومه في جميع المنتديات والعالم
حبيبتي انا لي ست سنين ماحملتوسالفتي طويله
الله هو طبيب الاطباء الجأي له وارقي نفسك بالفاتحه سبع مرات والبقره يوميا ختمها في جلسه واحده والمعوذات ثلاث مرااات (والاستغفار اليومي اكثري منه والصلاه ع النبي هذي داااايم)لمدة سبع ايام وانا جالسه استخدم القسط خلينا نبدا فيه سواء\ انا بدات اليوملمدة شهرين ان شاء الله

[بنوتة ناعمة]

حبيبتي الله يعطيك ويرضيك ياااارب عاجلا غير اجل
بس شوفي اذا عندك تكيس في المبايض لازم تعلجينها لانه ممكن السبب منها بعد مشيئة الله
لا تخافين روحي عند دكتورة ثانية والامل في الله كبيييير وبالتوفيق

[آم خليل]

آسال الله الكريم رب العرش العظيم يرزقك الذريه الصالحه وتكون قرة عينك وكل محرومه

ونصيحه مني اصبري الصبر مفتاح الفرج ويمكن تكون خيره لك وتذكري كل شئ بيد الله اذاقال كون فيكون سبحانه حبيبتي انتظري يمكن يكون اختبار من الله اصبري (اللهم لاتذرني فردا وانت خير الورثين)استغفرالله استغفرالله استغفرالله استغفرالله استغفرالله استغفرالله

[ريتاج2009]

امنيه بنوته أم خليل
مشكورين على ردودكم بس ماقلتوا لي أعيد التلقيح الصناعي ولاأجرب الحقن المجهري وبخصوص القسط الهندي مو متواجد عندي حاليا وماراح أقدر أروح السوق إلا بعد العيد لأن زوجي يغيب عني شهر

[غيمة بيضـاء]

نصيحتي لا تعيدي التلقيح قبل ما تعالجي التكيس

حتى لو كان بسيط والقسط الهندي ما عندي عنه فكره

واكثري من الاستغفار والتوكل على الله

واسال الله العظيم ان يرزقك بالذريه الصالحه ويفرح قلبك..

[سموة الشوق]

كل شئ بامر ربي سبحانه

حبيبتي إصبري يالغالية


والله يرزقك من واسع أبوابه

وفي بنات كم مرة سووا تلقيح ومانجحت

وكمان الحقن المجهري

بعضهم يعيدوها مرة مرتين ثلاث



والله كل شئ بامر ربك

من قبل ومن بعد

فأسأل الله العظيم ان يرزقك الحمل السليم بالذرية الطيبة من عنده..

[لا يهمونك]

الله يرزقك ويرزقني ياااااااارب ولا يحرمنا
بس جربي التمريخ يمكن عندك ميلان لان المستشفى مايكشفونه

[ريتاج2009]

حياتي أنتو مشكورين على ردودكم يلا الحمد الله على كل حال اللهم لاإعتراض لحكمتك

[ام خطاب3]

عالجي التكيس
ثم اسالي دكتورتك ماذا يناسبك
الله يررزقنا واياك الحمل السليم الصالح المعافى

[محبهـ قلب]

الله يرزققكـ ويرزقنا يارب وانا مثلكـ سنتين وشهرين ومالله كتب لي والحين متأخره علي الدوره 18يوم بس كل ماحللت يطل لي سالب و انشاء يكتب لنا قريب وتوكلي على الله وكل الي تتمنيه بيصير

[لن أيئس]

الله يوفقك ويرزقك ياقلبي
والله اني حاااسه فيك انصحك انك تروحي انتي وزوجك
عند شيخ يقرا عليكم مادامت ان مافيكم شي
وتستمرون على الر قيه والعلاج حق الشيخ
وجربي ماراح تندمي حتى لو مانفعك ماراح يضرك لان كله قرآن وعسل وزيت مقري عليه
وانا انصح كل وحده طلعت تحاليلهم هي وزوجها سليمه والاشعه سليمه
وماطلع فيهم شيء ابد .... انهم يلجئون للعلاج عند الشيخ والمداومه على الرقيه الشرعيه
لان الصراااااااحه العين والحسد والسحر كثر هذا الايام
الله يكفينا وياكم .....
اتخيلووووو
انا وزوجي رحنا عند الشيخ بعد مضي 12سنه على زواجنا
اثاري زوجي عنده عين وحسد وسحر الله لايوفق الاسوى فيه كذا
يوم بدا الشيخ يقرا قام زوجي يتخبط ويرمي كل شيء قدامه
ومن حسن الحظ كان اخوي وابوي معاه ومسكوه بالغصب الله يحفظهم
وانا كمان طلع عندي حسد ...يمكن هذا كله الا اخر الانجاب
ادعو لزوجي باالشفاء والله قطع قلبي وجلست ابكي
معليش آسفه طولت عليكم حبيت اعرض عليكم قصتي للعظه والعبره
الزبده من كلامي اي وحده تحاليلها واشعتها هي وزوجها تطلع سليمه
تروح للشيخ على طووووول وتلجىء للرقيه الشرعيه

[ريتاج2009]

مشكورين خواتي ع الردود والله يرزقنا جميعا قولوا آميييييييييييييييييييييييييييييييييييييين

[ام عمر ..]

اذا انتي في الخبر عندك مستشفى سعد الصانع يكتشف الامراض اللي تعجز عنها المستشفيات وايضا عندك مستشفى الدوسري عنده الدكتور الكيال مررررررره شاطر

واولا واخيرا الزمي الاستغفار ولن يخيب الله رجاك

يارب تبشرينا قريب امين

[ام حمادة المصرية]

آسال الله الكريم رب العرش العظيم يرزقك الذريه الصالحه وتكون قرة عينك وكل محرومه
حببتى لزم تعالجى التكيس ودة افضل علاج لة اولا التخسيس
ومع التخسيس خدى حبوب جلوكوفاج
انا عانيت من التكيس سنتين ومحدش قالى نزلى وزنك
عشان انا وزنى قليل واخيرا روحت لدكتور
وعملى تحاليل للهرمونات وقالى لزم تخسى وتناولى الحبوب
وبعد ست شهور من العلاج ربنا رزقنى بالحمل
عقبالك يارب وكل محرومة
ادعيلى ربى يتمملى على خير

[نانا2012]

زوجه عمي مثلك وحملت
عشان اساعدك بجد احتاج منك معلومات
‏١/ نتيجه تحليل المبايض
‏٢/ تحليل السايل المنوي لزوجك
وهل دورتك منتظمه وكم ايامها
وهل زوجك مقيم معك
واخيرا الامر لله من قبل ومن بعد