زوجي يضربني وأنا حامل

[كتكوتة دبي]

http://www6.0zz0.com/2010/08/27/13/807946449.gif




إشحالكم عساكم بخير وماتشكون



أتمنى إنكم إتساعدوني لو إبدعاء لي ولذريتي




أنا مزوجه من 5أشهر


عقب شهر من العرس حملت ولكن زوجي اتغير عليه وايد وتم كل يضربني

وانا كنت اسكت وما اقول شي

وخليت الحزن في قلبي

وهو اتعود على ضربي

وفي هالشهر شهر رمضان ضربني وانا ما كنت ادري اني حامل

رحت اليوم الثاني المستشفى وسيده رقدوني لان ضغطي كان نازل

وانا الحن في الإسبوع السادس من الحمل

وهو اليوم بعد ضربني وهو يدري اني حامل وحملي ضعيف





أبي حل الله يخليكم



حاولت إني أطلع من البيت اروح بيت إختي هو عصب وقال لتطلعين


أول يوم رمضان طردني من البيت وعقب رد قال لي ردي البيت بعد مابضربج


دوم يوعدني لكن مافي فايده




شو الحل في نظركم أفيدووووووني الله يجزاكم خير




hwaml93
hwaml93
hwaml93

[أم حماني]

اختي شنو السبب انه يضربج ؟؟؟ يعني هل انتي تتطاولين عليه مثلا ... على انه ما في سبب يبرر له ضربج ... انا نصيحتي لج ,,, روحي بيت اهلج ,,, اول شي نفسيتج ترتاح وترتاحين من الضرب وبعد تحطين له حد ,,, مافيها شي لو تدخلوا اهلج ويصير الكلام بين الرياييل من اهلج واهله .. انتوا توكم متزوجين ,, اذا ماحطيتي حد للموضوع ولزوجج بيظل طول عمره يضربج ... ليش؟؟ انتي بنت ناس واهوة ماخذج من بيت مو من الشارع .. اسمحي لي اختي انا ما احرضج ع زوجج بس اللي يمد يده ع حرمة انا ما ااعتبره ريال .. وشلون واهوة داري انج حامل ,,, ان شاء الله تكون مشكله وتعدي والله يصلح الامور بس ارجوج لاتسكتين عشان ماتعيشين حياتج كلها بهالطريقه

[سمسمه عمرو]

حرام حبيبتى لو ما تخافين ع حالك خافى على اللى ببطنك ربى يعوضك خير من زوجك هذا
والله ما عنده قلب كيف يضربك وكمان يعرف انك حامل مافى بقلبه رحمه الله يسامحه
بس لا تسكتين دخلى اهلك بالموضوع ولا تسكتى حبيبتى وروحى بيت اهلك حتى تولدى على الاقل او ينصلح حاله
ربى يرزقك ما تتمنين ويكون قرة عين لك وعوضا عن زوجك المتحجر القلب

[شموسه]

الله يهديه يارب
اسمعي اختي

كان زوج وحده من صديقاتي مثلج كان يضربها مع انه قبل كان تمام معاها

المهم اكتشفت انه مسحور وبدت تحط سوره البقره 3 مرات كل يوم
وترقي نفسها

ورقيه والصلاة اهم شي الصلاة

وذكريه بالله ان الله مايرضى حرام نفس في بطنج وانتي حاولي تسكتين اذا عصب هو اللي راح يراضيكي

لا تخافين

ولو ان كلامه يجرحج تحملي

لاتنسين ان في بيبي بينكم الحين

اسال الله ان يسخر لج يارب

[كتكوتة دبي]

أم حماتي تسلمين يالغالييه

بس والله بدون سبب وأحيانا يوم أكون تعبانه من الحمل أعصب بس مو وايد



تسلمين سمسمه بس أنا مره وحده بس قلت حق أمي بس هي مسكينه على نياتها قالتلي أتحملي



تسلمين شموسه
أنا أدري إن اللى بينا حسد بعد
لأن مره من المرات قالت لي وحده إن إنتي وريلج حلوين ويا بعض
وضرابتكم ضرابة يهال ومن يومه وهو يفلع ويضرب

[أم حماني]

عيل اختي عليج بالرقيه وبالذات سورة البقره ... بس والله صدقيني لو ماحطيتي له حد .. بيظل طول عمره يضربج .. يعني انتوا توكم متزوجين وانتي حامل ويضربج .. عيل بعد سنين اش بيسوووي ,, باجر حتى يضربج جدام اعيالج ... لاتحطين له الاعذار انكم محسودين .. ترى ماله عذر

[كتكوتة دبي]

تسلمين إختي عالكلام اللى يخفف الجرح





الله يسعدج ويبارك لج ويحفظ ذريتج

[sweet moon]

مثل ماقالت ام حماني

كلام سليم

لازم تسوين حد لزوجك

ان مو بالطيب بالقوه

والله يكون بعونك :(

[حنونه]

عليك بالدعاء له والاستغفار عسى الله يفرج همك
خلي احد من اهلك يدخل ويحل المشكله
هذا مذكور بالقران

[Mقمة البرااااائهM]

والله ماااخليه يمد يده عليه.....مب من الشاااارع ماااخذنج....والبيت إللي ماااخذنج منه مب عيزاانين عنج هلج....من أولهاااا ضرب.....هذاااا مايعرف التقدير والأحتراااام.....

[**سماسم**]

أستغرب سكوتج وإستسلامج لضربه أنتي سويتي شيء غلط بحقه حتى يمد يده عليج ..
يالغاليه وقفيه عند حده لاتسكتين مو زين بكره يجونكم أطفال ويضربج قدامهم تعقدونهم وتكرهونهم حياتهم ..
إذا مد إده عليج مره ثانيه كلمي أبوج أخوانج عمج خالج أحد يخاف منه أهم شيء ماتسكتين على طقه
,,

[▂▃ سوسو القمر ▃▂]

الله يكون بعونك ,,,

[انفاس الورد1]

الله يصلح الحال

[om 7amood]

مورجال انه يمد ايده على مره
وانتي مومن المفروض انك تسكتين لازم توقفينه عند حده وتبينين له انه ورآآك آحد تتسندين عليه
علشان مايتماادى
واذا شااف أهلك انهم ماراح يرضون بهالكلاآآم رآح يهاابك انتي وآهلك
والله يهديه ...

[جوري الجنوب]

حياتي لاتخلي زوجك يتعود على ضربك
ولما يثضربك ليش تسكتين ليه ماتروحي بيت اهلك
الحمد الله اهلنا يربون ويجون الغرب يضربونا
بصراحة انقهرت عليك

[غدوووره]

حبيبتي .. كان الله بعونك

تمسكي بالقران والدعاء في جوف الليل فانه سهام لاتخطي واطلبي ماتريدين ..باذن الله راح يستجيب لك قدمي لله مايحب يقدم لك ماتحبين وهذ ابتلاء

مااقول الا هذا رجل مافيه رحمه حتى يرحمك فكيف تبينه يحبك اويحترمك

روحي لبيت اهلك ..وابقي هناك حتى يعطيك مهر جديد ويقدرك ويحترمك
والا للاسف اقول ماتستمر العيشه بهذه الحياه لانكم كذا راح تجيبون عيال مشتتين ومشرديين ونفسيتهم ليست جيده بسبب العنف الذي بينكم لانه راح يستمر

والله اعلم

والله يئلف بينكم

هذا رائيي

وصلى الله على نبي محمد وعلى اله وصحبه وسلم

[بنت الريف]

الله يهديه يارب

[هتون]

يابعد قلبي
اول ماشفت العنون قلت في نفسي معقول ولا في مقلب
الله يكون في عونك وعون الي في بطنك

[ام فجوره]

ماادري وش اقول حسبي الله ونعم الوكيل
الله يكون في عونك اختي

[ohood]

الله يهديه ويسخره لك يا رب

ويجمع بينكم في كل خير يا رب

[دلوعة لولي]

لاأحد يزيدك على زوجك أدعي أن الله يسخره لك ويهديه وأكثري من الأستغفار.

[كتكوتة دبي]

تسلمون على مروركم ونصائحكم


الله يتقبل دعواتكم الحلوه


الله يسعدكم ويهنيكم

[❤نجمهـ ويضويني حنآنهـ ❤]

أأنآآ اقوول ردي بييت اهلج .. هنآآك عززج ودلآآلك

شكوو يطقج يعل ايده الكسر .. وانتي تسكتيين ماعندج ساالفه .. قولي لا ابوووج لا اهلج
انتي مو لعبه عنده .. ولييه يطرررج اااي خدمه ومنهو عشااان يقوولج رؤوؤوحي وتعالي
والله احقررررررررررررريه .. وعلمممي ابووج ولا اخووج على سووالفه البااايخه
خلييه ينطق عشاان يتآآدب .. واذا مااعقل منتي مجبووره تعيشيين معآآه
اللي اخلقه خلق مليوون غيرره واحسسسن منه
ماارااح تضييعيين ابد ..

< < تفااعلت .. سووري حبيبتي بس انقهررررررت ..

والله يووفقج ياارب ويختاارلج اللي فييه الخيير لج :)

[abrar]

انتي الغلطانه اسمحي لي لانك عطيتيه وجهه ورضيتي وهو تعوود قال هذي عــــــادي عندها الضرب لو انك من اول ما ضربك زعلتي كان عقل واحترمك لاتسكتيت ولاتقولين فينا عين ومحسودين اقري الورد والاذكار بس لاترضين بالاهانه لك انتي توك عروس وماتميتي سنه وحامل ور اضيه !!!
الله يكون بعونك

[بسمة لولو]

الله يسخرره لك ويسخرك له
والله يهديه ويصلحه
حبيبتي كل شئ ولا الضررب ماينسكت عنه
زي ماقالوا البنات هذا الموضوع لازم يتدخلون فيه اهلك واهله

[سموةالجرح]

الله يسخره له ويحنن قلبه عليك

ميبي عنده عقده الله يسخره لك

[توتة السيد]

والله يااختي كلامك يتعب القلب ربنا يهديلك زوجك قادر علي كل شئ

اهم شئ حبيبتي داومي علي الصلاة في وقتها وقراءة القرآن وخاصة سورة البقرة

وهاتي شب مية وقرأي عليه سورة البقرة والمعوذات الثلاثة والفاتحة سبع مرات

وحطي المية في التلاجة وخليه يشرب هو بس ماتقللهوش لامايرضاش يشرب وانتي

كمان اشربي

وربنا يهديه عليكي ويهدي سركم يارب وخدي باللك من نفسك ومن اللي في بطنك الله يتمهولك

علي خير ان شاء سبحانه

[الشوق عطري]

غاليتي

هالله هالله عليك بالقراان


خلي شريط يقرا في بيتكم ددااائما


وان شاااااااء الله يرجع زوجك طبيعي

تصيروا احلى عرساااااااان

[سيمى]

تنازلك معاه هو السبب لازم تعطي قيمة لنفسك وتوقفيه عن حد والله خاليتيني اتعصب هدا ما يستحق يكون اب

[أم توتو ودنو]

الله يكون بعونك ياعيوني بس انتي عطتيه وجه دخلي اهلك بالسالفه خليه يتأدب ويدري ان عندك اهل يخافون عليك ولاتسمعين كلام امك ليش تتحملين عشان رجال .... الرجال بداله الف رجال واحسن منه اللي يقدرك هو اللي يحبك

[rose]

والله يا اختي انا مع الاخوات
لازم توقفيه عند حدددددددددددددددددده
لازم تدخلي احد من اهلك ومن اهله
ماحد راح يرضى بالاهانه ليش صابرة
الرسول قال رفققققققققققققققا بالقوارير
مو ضربا فيهم
وفي مليون طريقة يعاملك فيها لو غلطتي
الضرب وسيلة المتخلف عذرا

[rasha]

حبيبتي ...صلي لله حتى يغير من طباع زوجك وإنت اخضعي لزوجك واحترميه من كل قلبك مو بس بالظاهر ولا تحكي أهلك عن الموضوع لأن الاهل ما ينسون
بس حاولي تفعلي كل شي بيقول عليه وطولي بالك لأن أول فترة زواج بيكون في كتير مشاكل وضغوط بس طولي بالك وأنا رح صلي للرب حتى يساعدك ويعينك ولا تخافي بس صلي ....الرب يكون معك

[~~لحن الحياة~~]

حبيبة قلبي
ديري بالك على حالك منيح و ما تسكتيلو لان شكلو زوجك من الازواج الي ازا بتسكتيلو بتمادا
احكي معو افهمي شو بدو حتى بيضربك
ولله زعلتيني شو هاد بهالزمان لسا في رجال بتضرب
الله يهديلك اياه ويهدي سرك وبالك يا عمري

[عاشقها زوجها]

ايه والله يا قمه

ما له حق يمد يده عليج وليش عااد ؟
حتى لو طولتي لساانج عليه ماله حق يظربج
قولي لأبوووج او اخواانج يتفاهمون ويااه .

[ابي بنوته خدودها مليانه]

شوفي غلاتي اللي يخليه يمد يده عليك وتوك عروس

بيصير يضربك طول عمره تفاهمي معاه وذكري بالله وبكلام الرسول ووصيته بالنساء

لو مانفع خلي احد من اهلك يتفاهم معاه

او شيلي قشك وروحي عند اهلك هذا مااحترمك ولاقدرك وتوك عروس كيف بعدين


او انك جربي تعرفي وش اللي فيه حسد ولا عبط وبس يضرب فيك

لاتتنازلي عن حقك ولا بيزودها معاك

ولاتتحملي زي ماقالت امك هذا شئ ماينصبر عليه

ذي حياه واهم شئ تنتبهي على اللي في بطنك


والله يكون معك ويساعدك يارب

[بنت الشام]

الله يعينك يارب

[حنين الجنة]

الله يصلح لك زوجك اختى

[سموةالجرح]

لاحول ولاقوة الا بالله

[طيف الخريف]

يارب يفرج همك عليك بالدعاء ودخلي اهلك بالموضوع خلي الرياجيل يتفهمون

[ASOOM]

اووووووووووووف منه الله يهديه
خبري امه اذا ماتغير
اضربيه انتي وخليه يحس بضرب مثلك
السن بسن
خليك قويه بذي الامورالرجال مايحب الضعيفه
الله يثبت حملك ويسعدك دنياواخره

[@ زوجه غيوره @]

كتكوته قلبي ادعي ربك يهديه وبعدين حاولي تاخذين من اثر اللي حاسدكم

واشربي او اغتسلي من اي اثر لها والله يهدي سركم يااالله 00

[ام دندونه]

شوفي يااختي بذكر الله تطمئن القلوب انت شوفي شغلي سورة البقره يوميا
واكثري الاستغفار واذا اهويصلي اصبري ان الله مع الصابرين
واذا شفتي يوم مرواق يعني مستانس حطي سوي اكل وحطي
شموع وخلي الليله ليله رومانسيه وبعدين قولي انت تحبني
اكيد بيقول ايه قولي له ليش تقسى علي اذا انا ماقصر بحقك قول
وماراح زعل حاولوا تفاهمون بالتي احسن وشي اللي يعصب منه
لاتقولين وانشاء الله يسخرلكم البعض ولاتنسين الدعاء اخرالليل يعني
من الساعه3حتى ياذان الفجر لان الله سبحانه وتعال ينزل في السماء
ويقول الله سبحانه وتعالى ادعوني فاستجيب لكم والله يوفق الجميع

[ام قمر]

اختي ما اقول الا الله يعينك على مصيبتك،،،

لكن نصيحتي اياكي تسكتي على الموضوع

والله اعرف وحدة زوجها كان يضربها زمان

والان والله عندها احفاد ومازال يضربها

فمن شب على شيء شاب عليه

كلمي رجال من عيلتك خال عم اب اخ

وخليه يتفاهم معاه

وروحي بيت اهلك الين يتعهد امام رجال انه عمره ما يمد يده عليكي

ولو تتعهد ارجعي لبيتك

اتغير الحمدلله

ما اتغير ورجع يضربك

اقلك الله يعوضك اللي احسن منه

لانك انسانة مو حيوان عنده عشان تقبلي تكوني بدون كرامة

وترى انتي غلطانة انك ساكتة إلى الآن

هدا بيطمعه وخليه ما يتغير

والله يعينك،ويهديكي للصواب

[يارب تؤم يارب]

قولي حسبك الله تكفي



ربي يسهل امرك



اهم شي خلي نفسيتك تمام وماعليك منه عشان ماياثر ع الجنين ياعمري

[أم ناصر]

حبيبتي .. كتكوتة دبي ...
أول شي .. لازم تعرفين سبب ضربك .. اذا كان بسبب عصبيته .. فحاولي تتجنبين عصبيته .. واذا شفتيه معصب .. على طول سوي كل اللي عليج وحاولي تسوين الشي اللي يبغيه قبل لايطلبه ...
ولنفترض هذا كله ما فاد ... واضربج .. لا تتهورين وتهدين بيتج من غير علمه ...
بالعكس حاولي تقعدين معاه .. وتتفاهمين معاه .. وتقولين له .. أن هالفعل مثلا راح يوقف الحب بيني وبينك .. ونصيحة أختي إذا .. بدأ يندم ويقولج ما راح أعيدها ... على طول حاولي تعوريني قلبه بكلام طيب مثلا .. قولي له .. ماتوقعت اليد اللي بتحميني وبتحمي عيالي تنمد علي .. أنا للحين مو مصدقة .. ومن هالكلام .. بس حاولي تقولينه بأسلوب يكسر الخاطر .. ودايما ذكريه بالله وذكريه أن انتي واللي في بطنج أمانه في رقبته ورب العالمين راح يسأله عنكم ..
وسامحيني على الإطالة ...

[دلوعة حبيبي]

حررررام عليه ول حبيبتي لازم تروحي لاهلك وخلي احد ابوك اخوانك يوقفون له ويكلمونه الرجال مايوقفهم الا رجال مثلهم مايصير وانتي حامل يضربك طب بعدين اش راح يسوي نصييييييييحه لاتسكتي عن حقك

[ملاك الحب]

اختي مافي ضرب بدون سبب الرجال يلي بيضرب زوجتو بيكون ضعيف الشخصية يحاول يكون قوي براسها اما يكون سكير او مريض نفسي انتي خطاك من الاول انك سكتي له لما ضربك لو متخذة موقف حازم وقوي مكان حسك ضعيفة واستهان بالموضوع انتي الحين حامل خافي ع نفسك قبل الي بطنك لا سمح الله الاجهاض دمار للمراة اقري سورة الاحقاف يوميا اقريها بنية انو ربنا يهدي زوجك وتذكرين اسمه واسم امه واقري سورة ياسين ع ماي البراد يشرب منه للمحبة اذا مافاد روح لبيت اهلج ابرك لج

[سيدة الغرام]

الله يعينك يارب دعواتك ياقلبي
واعليكي بالقران

[خـلـود]

اول شي ياقلبي باين عليه يشرب اومدمن اكيييييييد انصحك تروحي عند اهلك ونصيحه من اخت لاختها الكف بالكف والكلمه بالكلمه لاتكوني ضعيفه ترى كثير اعرفهم اتهاونو اخر شي قتلها قتلها فاهمه ماتت على يدي لازم تحطي حد بكره عيالك مايحترموكي ويهينوكي زي ابوهم والقرار لك هاتيلو اخوانك والا اعمامك يضربوه الكلب سامحيني بس انقهرت والله لو جارتي انا اقتلو لك وادبو

[حامل الله ياجرنا]

الله يكون بعونك يااختي بس لازم حل للموضوع هذا لازم يتدخلون الرجال بالموضوع علشان يوقف عند حده اما اذا سكتي بيرجع يضرب ويضرب لمن يتأذى الجنين فأنا مابغي اخوفك بس الضرب مرفوض ولايقبله احد على نفسه والله يهديه لج ولنفسه ويجعل عشرتك معاه طويله ويقوي علاقتكم ببعض ويحنن قلبه عليك وعلى جنينه .

[زوزوسويت]

الله يسهلك امرك وتكون امورك تعدلت مع زوجك بس الا الضرب لانويهدم المودة اللي بين الزوجين وربكـــ كريم ماينسى احد عليك بالدعاء

[جولييت]

حبيبتي رأيي اذا انتي من النوع الي يسكت ويحط في قلبه غيري طريقتك معاه

لاتسكتين اذا ضربك وصارخي في وجهه وصفعيه كف على وجهه وقوليله شف شلون الضرب يعور وانا وحده حامل وهدديه اذا ماسكت عنك انك مابتسكتين واذا ضربك بتخبرين اهلك وبتشتكين عليه عند الشرطه>>خوفيه بس عشان يعرف انك قويه مش طوفه هبيطه

ان شاء الله يتغير معاك ويعقل عن الجنون الي فيه

[مناااااااااااال]

حبيبتي المفروض انك. ماتخلينه بتمادا عليكي او يضربك.
كان من الاول توقفيه عند حده ..وكيف يطردك من البيت .وانتي لكي 5 شهور .حتى ماصارت بينكم عشرة سنين . بصراحه اسمحيلي بهـ الكلمه زي ماقالو الاخواات مو رجال..
وانتي روحي بيت اهلكـ واجلسي كم يوم هنااك . وأدبيه وخلي واحد من اهلك ابوكي او اخوكي .
يتفاهم معاه ويقول هذا شي غلط وانك حامل مايصير يمد يده عليكي..
والله لو انا مكانك واقسسم بالله ما اقعد عنده ساعه وحده بس ..

[غنووجـه]

الخطأ منك انتي من البدايه
سكوتك خلاه يتطاول علييييييك
نصيحه مني لاتخلينه يعيدها مره ثانيه يا اما اطلعي وخليله البيت ولا وقفيه عند حده لارفع ايده مثلا امسكي ايده او رديله الضرب !!
ايه انا مو لعبه بيدينه والمكان اللي مايحترمني ويهينني اطلع منه والرجل بداله رجل ولا انتي اول ولا اخر وحده .
اذا هذا كذا وانتم لسى فبداية حياتكم ؟ اجل بعد كم سنه وش بيسوي ؟؟!!
طيب انتي حامل ؟؟ وييييييييييييييييين الانسانيه ؟ ليش اللي فبطنك ولد الجيران ؟
معليش يمكن انفعلت شوي بس اكره ماعندي في الحياة المرأه الظعيفه اللي ماتاخذ حقها
وكيفك انتي الخسرانه لو استمر على الحال وانتي ساكته بتشوفين شي اعظم !
الله يهدي سركم ويصلحه ويهديه ويسخركم لبعض وعليك بالدعاء له .

[صمت وسكون]

عزيزتي الله يصبرك انشاء ويسهل اموررك ..
كل شي الا الطق ومدة اليد ..دخلى اهلج في المووضوع وحطي لة حد ..

[new moon]

يا مال الكسر ، ماله اي حق يمد ايده حتى بالشرع الضرب غير المبرح بعد خطوات وخطوات لازم يتخذها هذا اذا كنتي غلطانه ،

اما غيره ياكل هوا ، روحي لبيت اهلج وخلي احد عاقل من اهلج يكلمه او يكلم اهله مو حاله هذي

[ترتيل الشايع]

الله يهديه ياااااااااارب
اهم شي اختي انو تقري قران ببيتكم وادعي له
اجلسي وياه بهدوء وناقشيه اتفاهمو ترا وربي الجلسات اللي هيك تغير كثييير
والله مفعولها كويس مرا قولي له انا مزعلتك مسويه لك شي عشان تضربني اذا انا غلطانه وانا مدري فهمني ياحبيبي ومالك الاالي يرضيك
انا حبيبتك شلنو اهون عليك وتمد يدك علي
ياعني تعالي له بالكلمه الطيبه
شوي لها ليله رومنسيه اهدي له دلعيه
وحاولي مية مره صدقيني بيتغير
وربي يثبت لك حملك يارب

[randa]

يا اختي ان ضربك هذي المرة قولي لاهلك الرجال وهم بيتفاهمو معاه ويحطوه عند حدو

[الدلوعه ليان]

حبيبتي كتكوته دبي الله يكون في عونك انا اعرف وحده يتيمه زوجهايضربها وصبرت وتحملت وبالاخير قالت لاخوانها وعمامها وامكسوه واعطوه علقه كلهم طاحوفيه ضرب من يومهامامديده عليها لاتسكتنين عن حقك لانك نفس ومسؤوله عن نفسك وعن اللي في بطنك واذامالك احد عندك محكمه العدل روحي اشتكي عليه بتاخذين حقك ابوي كان يشتغل بالمحكمه ودايم تجيهم شكاوي والحق ماعمره ضاع.

[ج ــنون ع ــآقلهـ ’]

الله يهدي زوجك لك يااارب

[ألماس]

والله قاهرتني !!!!

[كتكوتة دبي]

تسلمون على دعائكم لي
و وقفتكم ونصائحكم


الحمدلله يوم واحد فكره اودي وياي للدكتوره

ويوم شاف البيبي وهو يتحرك عقل

ويوم ردينا البيت تم يصيح ويتأسف

انا الحين في الاسبوع الـــ 21 من الحمل

ورحنا واشترينا اغراض حق البيبي

الحمدلله صار يحترمني ويقدرني ((لتصدقين عمرج عشان البيبي) خخ


تسلمين

والله يوفقكم ويسعدكم دنيا وآخره

[منى العبدالله]

ياروحي انتي لازم تعلمينه انك قووويه حتى ماايمد يده مره ثاانيه اعطيه طرااق حتى يحس فيك علمي اهلك لانه لو تماادى خلاص بتعيشين كذا داايم الله يعينك ياااارب
صلي ركعتين قبل صلاه الفجر وادعي ربي واستغفري كثير والله يووفقك ويحفظ ولدك