المياسه بوظبي
08-11-2013, 05:17 PM
بسم الله الرحمن الرحيم
كيفكم صبايا انا حبيت ابشركم بحملي واكتب قصتي لتمنح التفائل في قلوبكم وتعرفون ان الله قادر على كل شي واللي مكتوب بيصير وسبحان الله والحمدالله على كل حال
طبعن انا قصتي بدأت من زواجي الاول كنت في عمر صغير 19 سنه ودام زواجي لده 4 سنوات
بدأت العلاج في السنه الثانيه من زواجي وكان كل شي زين ولا اعاني من مشكله ولكن بدات اخذ ابر منشطه شهر بعد شهر ولا يصير حمل لحد ماصار عندي كيس فالمبيض واظطريت اشيله بعمليه منظار
وبعدها
شفت البنات اللي عرسو بعدي حملو وخلفو وقمت ازورهم وانا قلبي مكسور ونظراتهم تلحقني بالعطف
4 سنوات وانا احاول الانجاب ماخليت شي ماسويته ابر تنشيط اشعه الصبغه ممرخه ومساحه
مطوع يقول انتي فيج عين واخرتها سويت عمليه اطفال الانابيب وفشلت
وفي هذي كانت سبب طلاقي
ام طليقي تزن على ولدها نبي نشوف عيالك وشكلها هذي ماتجيب عيال خلها طلقها وبلفعل
طلقني غدر ارسلني بيت اهلي وطلقني بعدها والسبب اني ماحملت
الحمدالله على كل حال
بعد طلاقي تميت يمكن 6 سنوات ماتزوجت درست واشتغلت وشلت فكره الزواج من بالي
بس ماخبي عليكم بين فتره وفتره اتم ابكي فالغرفه واتذكر واقول ليش انا شو ذنبي ليش ؟؟
كان قلبي يتكسر لما اشوف الاطفال
بعد 6 سنوات جاني نصيبي وتزوجت وانا فبالي اقول يالله لا يكون ماقدر اجيب عيال واكون غشيت الرجال
بعد شهر العسل رحت افحص عند كتوره قالت لي انتي عندج كيس فلمبيض نفس المكان لي طلع لي فيه قبل قالت لازم عمليه
انا عروس كيف اسوي عمليه ؟؟؟؟؟؟
كلمت زوجي قلت له طلع لي كيس وهالشي بيعيق الحمل لازم اشيله قال لي طبعا شيليه بدون تفكير انا ابي اشوف عيالي
انا هني قلبي عورني وقلت يارب يارب لا تكتبني عقيم يارب ارزقني يارب
رحت وسويت العمليه واول مافتحت عيني من البنج اشوف الدكتور يقول شلنا الكيس بس طلعت عندج مشكله انا شيكت على الانابيب الاثنين مسكرات وملتهبات وشكله التهاب قديم ماتقدرين تحملين طبيعي لازم انابيب
بكيت بكيت قلت يالله وانا كل ماصلح شي يطلع لي شي ثاني ؟؟؟؟؟؟؟؟؟؟؟؟؟؟
ارتحت شهر وبعدها اقنعت زوجي اسوي انابيب وقلت له عادي وكل الناس يسون وطبعن حد من اهله عنده توأم قلت له اكيد هم مسوين اطفال انابيب الله يسامحني بس عشان اقنعه واقتنع
سويت موعد في دبي زوجي ماكان مهتم انه يوديني او يجيبني كنت اروح الموعد و ارجع ولما يسالني اقوله الحمدالله الدكتور شاطر بديت اخذ الابر فلبيت واروح دبي مشوار من بوظبي لدبي ساعتين
وانا على هذي الحاله قلت له ارجوك بس السحب لازم تكون معاي انت ودني عشان ياخذون منك عينه قال اوك بشوف متى بيكون دوامي
وبالفعل رحنا وصار السحب وقت الترجع رحت بروحي ورجعولي 3 و بعدها كان عندي مشروع التخرج وامتحانات اضطريت اكمل وقت الترجيع شريت يمكن 30 تست حمل وكنت كل يوم افحص مرتين او ثلاثه افتح الانترنت ادور اعراض الحمل وكنت متفائله كثير
والحمدالله على كل حال نزلت الدوره بعد 14 يوم
زعلت ونفسيتي ادمرت بس الحمدالله زوجي قال ماصابت هالمره نسويها مره ثانيه وثالثه ليش زعلانه
طبعن هو مايعرف النفسيه والالم والابر والتفكير بس قلت الحمدالله على كل حال
كلمت الدكتور وقلت له نزلت الدوره قالي شوفي انتي عندج الانابيب مسكره وملتهبه يمكن السبب يكون من الانابيب تنزل التهاب على الرحم بما يؤدي الى قتل الاجنه
قلت له شو الحل قال عمليه
سكرت منه وانا ابكي اشوف بطني كم فتحه وكم اثر عمليه صارت فيه وقلت اللي كاتبه رب العالمين بيصير
بعدها بشهر تاخرت الدوره وماعرف صارت خفيفه ومو دوره شي غريب بعد اطفال الانابيب رحت عند دكتور فقيه الكل كان يقولي لالا لا تروحين له روحي عند الفريق البلجيكي ولي يقولي سافي ولي يقولي عيدي التجربه فدبي
قالولي دكتور فقيه مايراعي شعور اللي تعالج وعادي يقولج كلام يحبط المعنويات
قلت لهم هذا اللي ابيه واحد مايلف ويدور واحد يعطي كاش فالويه
رحت له وكان عكس كلامهم قمه في الاحترام والاخلاق
خبرته فموضوعي ورويته اوراقي وقلت له كل شي قالي شوفي يا اختي بدك تحملي قلت له ايه
قال لي لازم اتسوين منظار عمليه نسكر الانابيب
قلت له كيف اسكرهم قال هم مافيهم فايده شو بدك فيهم انتي مابدك تحملي قلت له ايه قال لازم عمليه
قلت له اوك كلمت زوجي وافق وسويت العمليه تعبت وايد وايد
وصار عندي ماي فالبطن من العمليه وقالي يمكن ترتاحين شهر لما يروح الماي بكيت قلت يالله وانا كل ماسوي شي يطلع لي شي ثاني كيف يروح هذا الماي ليش ماسحبته
وعطاني دوا رحت الصيدليه قالي الصيدلاني العمليه بحساب ثقه (حساب الدوله ) قلت له ايه قال اوكي مكتوب التشخيص عقيم
انا طالعته وابتسمت قلت له ايه عقيم عطني ادويتي
ولا بكيت قلت ربي بيبدل حالي ان شاء الله
بعد العمليه كل يومين انزف ويوقف وبعدها انزف وكل اسبوع اروح المستشفى اقولهم بدت الدوره ابي اعالج يكشفون علي يقولون لا هذي مو دوره بعدك
هذا نزيف من العمليه لين اخر الشهر حسيت بالم شديد الم دوره ورحت لهم كشفو علي قالولي اوكي هذي دوره وعندج الماي بعد العمليه خف شوي وبديت العلاج في رمضان
خلصت كورس الابر خذت ابره التفجير اتفقنا على يوم السحب والله العظيم اني ولا افكر في الموضوع نفس قبل خلاص قلت بتظبط تظبط ماتظبط بعيدها
رحت وقت السحب سحبولي 9 بويضات
وقت الارجاع رجعولي اجنه اليوم الخامس ( اصلن كانو بيرجعولي اجنه اليوم الثالث بس زوجي كان عنده شغل فقالهم اجلوها قال الدكتور نخليها لخامس يوم وكل ما تركناها كل مارجعنا اجنه ممتازين اكثر بس قال يمكن راح تخسرون عدد من الاجنه ماتقدر تتحمل لليوم الخامس )
والحمدالله كل شي مكتوب سبحان الله رجعت الاجنه في اليوم الخامس
طبعن وقت الارجاع كنت زعلانه وشوي ببكي مو على شان الاجنه ولا الارتباك كنت ببكي على حالتي وقلت يارب يارب تكون اخر مره اكشف قدام دكتور لانه لي ضايقني لي ماسك سونار على بطني كان واحد فلسطيني اعتقد
قالولي الفحص بعد اربع ايام فحص دم
انا رجعت نمت ولا حسيت بشي ولا تقلصات ولا اشياء ولا كنت افكر في هالامور بعد اربع ايام سويت الفحص طلع نسبه الحمل 7
قلت لهم شو يعني 7 انا دايمن يطلع لي 1 او صفر
قالوولي فوق 5 حامل
ضحكت وسكرت قلت معقوله بعد اربع ايام اكيد هذي ابره التفجيريه نتيجتها تعطي موجب
وبعدها قالولي سوي تحليل دم سويت بعد يومين(اليوم السادس ) طلع 19
وبعد بيوم طلع 33
وبعد يومين (اليوم التاسع ) طلع 88
وقالي الدكتور مبروك انتي حامل وانا لين الحين مو مصدقه
واليوم لي 11 يوم من ارجاع الاجنه وتحليل الهرمون 215.2
الحمدالله رب العالمين والله يابنات اني ادعي لكل وحده ودايم اقول يارب ياكريم يارحيم لا تكتبني عقيما يالله
يارب ارزقني وارزق كل وحده تتعالج وخاطرها تشوف ضناها
الحمدالله يا بنات انا حامل بعد معاناه وعقبالكم يارب اتبشرونا وانا بنصحكم نصيحه لا تهتمون لكلام الناس ولا يأثر فيكم
اهم شي انتي وزوجج تكونون متفاهمين وعلى قلب واحد ربي مابيضيع تعبكم ان شالله
يا بنات اللي اتمناه بس منكم تدعون لي ربي يثبت حملي والله يرزقكم ويثبت حملكم يارب
كيفكم صبايا انا حبيت ابشركم بحملي واكتب قصتي لتمنح التفائل في قلوبكم وتعرفون ان الله قادر على كل شي واللي مكتوب بيصير وسبحان الله والحمدالله على كل حال
طبعن انا قصتي بدأت من زواجي الاول كنت في عمر صغير 19 سنه ودام زواجي لده 4 سنوات
بدأت العلاج في السنه الثانيه من زواجي وكان كل شي زين ولا اعاني من مشكله ولكن بدات اخذ ابر منشطه شهر بعد شهر ولا يصير حمل لحد ماصار عندي كيس فالمبيض واظطريت اشيله بعمليه منظار
وبعدها
شفت البنات اللي عرسو بعدي حملو وخلفو وقمت ازورهم وانا قلبي مكسور ونظراتهم تلحقني بالعطف
4 سنوات وانا احاول الانجاب ماخليت شي ماسويته ابر تنشيط اشعه الصبغه ممرخه ومساحه
مطوع يقول انتي فيج عين واخرتها سويت عمليه اطفال الانابيب وفشلت
وفي هذي كانت سبب طلاقي
ام طليقي تزن على ولدها نبي نشوف عيالك وشكلها هذي ماتجيب عيال خلها طلقها وبلفعل
طلقني غدر ارسلني بيت اهلي وطلقني بعدها والسبب اني ماحملت
الحمدالله على كل حال
بعد طلاقي تميت يمكن 6 سنوات ماتزوجت درست واشتغلت وشلت فكره الزواج من بالي
بس ماخبي عليكم بين فتره وفتره اتم ابكي فالغرفه واتذكر واقول ليش انا شو ذنبي ليش ؟؟
كان قلبي يتكسر لما اشوف الاطفال
بعد 6 سنوات جاني نصيبي وتزوجت وانا فبالي اقول يالله لا يكون ماقدر اجيب عيال واكون غشيت الرجال
بعد شهر العسل رحت افحص عند كتوره قالت لي انتي عندج كيس فلمبيض نفس المكان لي طلع لي فيه قبل قالت لازم عمليه
انا عروس كيف اسوي عمليه ؟؟؟؟؟؟
كلمت زوجي قلت له طلع لي كيس وهالشي بيعيق الحمل لازم اشيله قال لي طبعا شيليه بدون تفكير انا ابي اشوف عيالي
انا هني قلبي عورني وقلت يارب يارب لا تكتبني عقيم يارب ارزقني يارب
رحت وسويت العمليه واول مافتحت عيني من البنج اشوف الدكتور يقول شلنا الكيس بس طلعت عندج مشكله انا شيكت على الانابيب الاثنين مسكرات وملتهبات وشكله التهاب قديم ماتقدرين تحملين طبيعي لازم انابيب
بكيت بكيت قلت يالله وانا كل ماصلح شي يطلع لي شي ثاني ؟؟؟؟؟؟؟؟؟؟؟؟؟؟
ارتحت شهر وبعدها اقنعت زوجي اسوي انابيب وقلت له عادي وكل الناس يسون وطبعن حد من اهله عنده توأم قلت له اكيد هم مسوين اطفال انابيب الله يسامحني بس عشان اقنعه واقتنع
سويت موعد في دبي زوجي ماكان مهتم انه يوديني او يجيبني كنت اروح الموعد و ارجع ولما يسالني اقوله الحمدالله الدكتور شاطر بديت اخذ الابر فلبيت واروح دبي مشوار من بوظبي لدبي ساعتين
وانا على هذي الحاله قلت له ارجوك بس السحب لازم تكون معاي انت ودني عشان ياخذون منك عينه قال اوك بشوف متى بيكون دوامي
وبالفعل رحنا وصار السحب وقت الترجع رحت بروحي ورجعولي 3 و بعدها كان عندي مشروع التخرج وامتحانات اضطريت اكمل وقت الترجيع شريت يمكن 30 تست حمل وكنت كل يوم افحص مرتين او ثلاثه افتح الانترنت ادور اعراض الحمل وكنت متفائله كثير
والحمدالله على كل حال نزلت الدوره بعد 14 يوم
زعلت ونفسيتي ادمرت بس الحمدالله زوجي قال ماصابت هالمره نسويها مره ثانيه وثالثه ليش زعلانه
طبعن هو مايعرف النفسيه والالم والابر والتفكير بس قلت الحمدالله على كل حال
كلمت الدكتور وقلت له نزلت الدوره قالي شوفي انتي عندج الانابيب مسكره وملتهبه يمكن السبب يكون من الانابيب تنزل التهاب على الرحم بما يؤدي الى قتل الاجنه
قلت له شو الحل قال عمليه
سكرت منه وانا ابكي اشوف بطني كم فتحه وكم اثر عمليه صارت فيه وقلت اللي كاتبه رب العالمين بيصير
بعدها بشهر تاخرت الدوره وماعرف صارت خفيفه ومو دوره شي غريب بعد اطفال الانابيب رحت عند دكتور فقيه الكل كان يقولي لالا لا تروحين له روحي عند الفريق البلجيكي ولي يقولي سافي ولي يقولي عيدي التجربه فدبي
قالولي دكتور فقيه مايراعي شعور اللي تعالج وعادي يقولج كلام يحبط المعنويات
قلت لهم هذا اللي ابيه واحد مايلف ويدور واحد يعطي كاش فالويه
رحت له وكان عكس كلامهم قمه في الاحترام والاخلاق
خبرته فموضوعي ورويته اوراقي وقلت له كل شي قالي شوفي يا اختي بدك تحملي قلت له ايه
قال لي لازم اتسوين منظار عمليه نسكر الانابيب
قلت له كيف اسكرهم قال هم مافيهم فايده شو بدك فيهم انتي مابدك تحملي قلت له ايه قال لازم عمليه
قلت له اوك كلمت زوجي وافق وسويت العمليه تعبت وايد وايد
وصار عندي ماي فالبطن من العمليه وقالي يمكن ترتاحين شهر لما يروح الماي بكيت قلت يالله وانا كل ماسوي شي يطلع لي شي ثاني كيف يروح هذا الماي ليش ماسحبته
وعطاني دوا رحت الصيدليه قالي الصيدلاني العمليه بحساب ثقه (حساب الدوله ) قلت له ايه قال اوكي مكتوب التشخيص عقيم
انا طالعته وابتسمت قلت له ايه عقيم عطني ادويتي
ولا بكيت قلت ربي بيبدل حالي ان شاء الله
بعد العمليه كل يومين انزف ويوقف وبعدها انزف وكل اسبوع اروح المستشفى اقولهم بدت الدوره ابي اعالج يكشفون علي يقولون لا هذي مو دوره بعدك
هذا نزيف من العمليه لين اخر الشهر حسيت بالم شديد الم دوره ورحت لهم كشفو علي قالولي اوكي هذي دوره وعندج الماي بعد العمليه خف شوي وبديت العلاج في رمضان
خلصت كورس الابر خذت ابره التفجير اتفقنا على يوم السحب والله العظيم اني ولا افكر في الموضوع نفس قبل خلاص قلت بتظبط تظبط ماتظبط بعيدها
رحت وقت السحب سحبولي 9 بويضات
وقت الارجاع رجعولي اجنه اليوم الخامس ( اصلن كانو بيرجعولي اجنه اليوم الثالث بس زوجي كان عنده شغل فقالهم اجلوها قال الدكتور نخليها لخامس يوم وكل ما تركناها كل مارجعنا اجنه ممتازين اكثر بس قال يمكن راح تخسرون عدد من الاجنه ماتقدر تتحمل لليوم الخامس )
والحمدالله كل شي مكتوب سبحان الله رجعت الاجنه في اليوم الخامس
طبعن وقت الارجاع كنت زعلانه وشوي ببكي مو على شان الاجنه ولا الارتباك كنت ببكي على حالتي وقلت يارب يارب تكون اخر مره اكشف قدام دكتور لانه لي ضايقني لي ماسك سونار على بطني كان واحد فلسطيني اعتقد
قالولي الفحص بعد اربع ايام فحص دم
انا رجعت نمت ولا حسيت بشي ولا تقلصات ولا اشياء ولا كنت افكر في هالامور بعد اربع ايام سويت الفحص طلع نسبه الحمل 7
قلت لهم شو يعني 7 انا دايمن يطلع لي 1 او صفر
قالوولي فوق 5 حامل
ضحكت وسكرت قلت معقوله بعد اربع ايام اكيد هذي ابره التفجيريه نتيجتها تعطي موجب
وبعدها قالولي سوي تحليل دم سويت بعد يومين(اليوم السادس ) طلع 19
وبعد بيوم طلع 33
وبعد يومين (اليوم التاسع ) طلع 88
وقالي الدكتور مبروك انتي حامل وانا لين الحين مو مصدقه
واليوم لي 11 يوم من ارجاع الاجنه وتحليل الهرمون 215.2
الحمدالله رب العالمين والله يابنات اني ادعي لكل وحده ودايم اقول يارب ياكريم يارحيم لا تكتبني عقيما يالله
يارب ارزقني وارزق كل وحده تتعالج وخاطرها تشوف ضناها
الحمدالله يا بنات انا حامل بعد معاناه وعقبالكم يارب اتبشرونا وانا بنصحكم نصيحه لا تهتمون لكلام الناس ولا يأثر فيكم
اهم شي انتي وزوجج تكونون متفاهمين وعلى قلب واحد ربي مابيضيع تعبكم ان شالله
يا بنات اللي اتمناه بس منكم تدعون لي ربي يثبت حملي والله يرزقكم ويثبت حملكم يارب