طفلي النقاق ..... ارجو المشاركة

[-قطر الندى-]

طفلي نقاق كتير كل ما حطو عالتخت او عالصوفاية بيبكي بفجور بدو نضل حاملينو و عم ندور فيه !! لك حتى ما بخليني غيرلو تيابو او غيرلو حفوضتو
شو الحل مع هيك نموذج ؟؟؟؟؟؟؟؟؟

[Rihem]

تفضلي اختي هاد الموضوع راح يفيدك كتير باذن الله
http://forum.hwaml.com/t266337.html#post3322688
والله يكون بعونك

[فداك الكون]

عنا مثل بالاردن بحكي
من ليلته بيعرف شيلته
الله يسامحك ما كان لازم عودتي ع الحمل من الأول

[-قطر الندى-]

ريهام و فداك الكون
شكرا جزيلا عالمشاركة
و شكرا ريهام عالموضوع

[dr.loly]

اختي اذا كان طفلك اقل من 5 شهور اللهاية رح تنفعه اذا كان الطفل كثير النق..
وحاولي تهدي اعصابك ع الاخر واحضنيه واحكيله ودايم خلي عيونك بعيونه مرة واثنين وثلاته حتي يتخلص من هالعادة بهالاسلوب اذا نفع معه

[-قطر الندى-]

شكرا ام فراس من فترة اكتشفت انو بيسكت ازا حطيتلو قناة طيور الجنة بس خايفة على عيونو لانو ما شاء الله بيأكد بالتلفزيون متل الكبار

[نور العمر]

والله انا بنتي نفس المشكله ... ربنا يهديهم ويحفظهم ياااارب ...

[-قطر الندى-]

آمين يا رب

[درين]

الله يحفظ أطفالنا من كل مكروه و يخليهم ألنا يارب العالمين

[-قطر الندى-]

آمين يا رب
شكرا لك درين

[يغار الحلى]

بالنسبه لتغيير الحفاظ و الملابس حتى بنتي مره تتعبني

و على بكااءة خليه يبكي و يسكت يوم . يومين . والله يتعود على الي انتي تبغيه

بنتي اطنشها و باﻷخر تسكت ..

و ربي يحفظهم متعبين الحمدالله ..

[-قطر الندى-]

الله يحمي هالصغار و يخليهم

[سيدة العمر]

ولله وانا ابنى نفس الشي كنت قبل شوية حرميه من الشباك وعصبت منه ... يمكن عشان احنا بتقطع عنا الكهربا كتير بتفرفط روحه...
وهو مابيسكت الا بالحمل وانا بتعب كتير وخاصة انو عندي بواسير وتعبانة وما بقددر اضل واقفة او متربعه ....
علما انو من بداية ما ولدته الكل نبهنى انو ما اعوده ع الحملان بس يختى كانه نزل من بطنى معود ع الحملان وجاهز
بحس انه نكد...

[عيش الحياة]

اختي اذا يحب التلفزيون شغلي له قناة براعم لمدة انك تخلصي شغلك يعني اكثر من ساعتين باايوم ممنوع
جيبي له العاب فيها اصوات موسيقى يتسلى عليها وخليكي جنبو ولعبيه بس لا تحمليه ومع الوقت عوديه انك تروحي وتتركي مع العابو

تقدري تحطيه بالجلاسه وانتي بالمطبخ واجلسي نشدي له

تأكدي اختي انو يشبع من الحليب امكن كمان الحليب ماصار يشبعو فاعطي سيرلاك مناسب لعمرو او فواكه مهروسه مثل الموز والتفاح

["ام تولين"]

اللهاية حلووووووووه

[-قطر الندى-]

ههههههههههه اخواتي ولله ما عاد رضي ينحمل هلق طاير عقله بالدريجة ( المشاية ) و ما بده حدا يحمله طبعا مشان يركض عالأذى .. الله يحمي هالصغار يا رب