الله يرزق كل من ترد علي بالذريه الصالحه

[انفاس البراد]

السلام عليكم

كيفكم ياحلوين انا متابعتكم من زمان بس اليوم سجلت لاني محتاجه مساعدتكم وياريت ماتبخلو علي

انا صار لي سنه وشوي ماحملت وقبل اسبوع رحت للدكتوره وعملت لي سونار مهبلي واثناء الكشف نزل معاي دم بسيط ومن يومها ينزل معاي شي خفيف وقطع بني وبصراحه خايفه لانها قالت لي احتمال قرحه وانا مااحس باي اعراض بس حسيت انها جرحتني لان كشفها كان مؤلم مره ياريت اللي صار معاها كذا تريحني لاني بجد متوتره ومانعه زوجي من ذاك الوقت

وجزاكم الله خير

[محرقية]

امممم والله ماعندي خلفية عن الموضوع
راجعي دكتورة ثانية تثقين فيها احسن
والله يطمن بالج بالحمل السليم المعافى يا ارحم الرحمين

[ملوكهـ]

شوفي بما ان الدم مانزل الا وقت الكشف اكيد الموضوع فيه شي

ما ابي اظن فيهاا بشي مو زين بس على قولك الكشف كان مؤلم بس ماقلت لي شنو كان نوع الكشف ؟

انا انصحك ماتسكتي على نفسك وترجعي تشوفي دكتوره ثقه او ترجعي لنفس المستشفى وتشتكي عند المدير عشان يحولك على وحده ثقه عندهم عشان يعني تعجلي على نفسسك من المرمطه اهم شي يالغاليه مايصيرر تقعدين كذاا يعني تنتظرين يوقف من غير ماتعرفين شنو السبب لازم اذا انتي تبي تهتمين بنفسك وحالتك تروحين من اللحين

الله يشفييك يالغاليه

[baby`s smile]

سلامتك يالغاليه

والله ماعندي خبر عن الموضوع
بس مااتوقع له علاقه بالكشف ..
بس انتي راجعي عند دكتوره ثانيه افضل ..

أنتي كنتي تتعالجين عندها من قبل والا هذي اول مره ؟؟

[روز 3]

عادي من الكشف بالحديد يخرج دم ومن علامات القرحه حرقان والم وربنايشفيك

[المشتاقة]

الله يشافيج حبيبتي بس اعتقد هذا شي طبيعي ينزل معاكي دم اثناء الكشف واعتقد ان الالتهابات تلعب دور فيوحود الم اثناء الكشف او حتى اثناء المعاشرة الجنسية فانصحك حبيبتي بان تتعالجين اول باول اذا فيك التهابات علشان ما تتعقد الامور وتجيك امراض بالرحم خبيثة لا قدر الله والله يشافيج ويعافيج ورزقك الذرية الصالحة عاجلا غير اجل حبيبتي...

[حنونه]

شوفي حبيبتي على طول غيري الدكتوره
واعراض القرحه
هي
الم اثناء الجماع
الم في الظهر
عدم المتعه بالجماع
رطوبه مستمره
ورائحه بالمناطقه الحساسه
اذا فيك هذه الاعراض فهي قرحه
بس واضح ان الدكتور تتعلم عليك غيرها
والله يشفيك ويرزقك