صج الكلام اللي يقولونه ????????

[أم مروى..]

بنات انا ارتاح لما ارقد على ظهري بس اسمع من الحريم يقولون مب زين يسبب اجهاض وانا طول الليل ما ارقد اقعد اوسوس واحاتي واتعب لما ارقد على جنب وريولي يعوروني والله تعبت
ساعدوني شو الحل hwaml9

وادعولي باجر مسافرة للبلاد ومدة السفر في الطيارة 17 ساعه
عسى الله يثبت حملي وتقر عيني بشوفة جنيني

[عشرينية]

حبيبتي ماعليك لاتخافين
الدكتورة قالت لي مافي ولا وضعية للنوم تضر البيبي
انا عن نفسي انام على بطني
الجنين جوى الرحم ربي حافظه
النومة مالها شغل
والسفر صح انها مدة طويلة ومو هينة بس حاولي تنيمين المرتبة
وكل ساعة والثانية قومي وامشي بالطيارة عشان الدورة الدموية بالجسم
وربك الحافظ

[أم مروى..]

تسلمين خيتي عشرينيه
والله طمنتي قلبي وبرقد ع راحتي

ان شاء الله حبي بحاول امشي في الطياره

[Uaeyah]

الله يحفظج وتوصلين بالسلامه حبيبتي عادي النووم على الظهر بس انا سمعت بالشهور الاخيره ماتنامين على ظهرج بس ماعرف شو الحكمه المهم انتي ماعليج من الكلام ونامي بالوضع اللي انتي ترتاحيله وربي بيحفظه لج

[حياتي توأمي]

حبيبتي عادي ماله دخل النومه نامي على الجنب اللي يريحج
اعتقد مثل ماقالت uaeya
الاشهر الأخيره لأن الجنين بيكون فيه وزن ومكتمل ومو زين عالعمود الفقري بتحسي بثقل وآلام بالظهر لأن بحملي السابق ماكنت اقدر اصلا انام على ظهري ولونمت ماقدر أقوم من الألم فأحسن الوضعيات عالجنب

وبنات انصحكم في مخده خاصه للحوامل تنامي وانتي مرتاحه تحطيها تحت البطن وانتي نايمه على جنبك بحملي السابق وايد ريحتني بالنوم طبعا مو الحين من تدخلين الشهر الرابع او الخامس والبطن تكبر شوي
بشتري وحده ان شاء الله بحملي هذا
عسى الله يثبت حملنا جميعا يارب

[بنت ابويه]

في الشهور الاولى عادي بس. الشهور الاخير. انتي بتحسين. بصعوبه في التنفس اوبتنامين. على جنب. اريح

[تمأإرآا]

لاموصدق حبيبتي

بس المره لصار حامل ب5 شهور ماتنام ع ظهرها تنام عجنبها الايسر
لسلامتها وسلاممة البيبي

[أم مروى..]

تسلمون حبيباتي طمنتوني الله يطمنكم يااارب
من امس وانا ارقد ع ظهري واحس بالراحه


ادعولي اوصل البلاد بالسلامه وعسى يااارب يثبت حملي

[معراج المؤمن]

ربي يوصلك بالسلامة اختي

نومة الظهر مقبولة بأول ثلاث شهور لكن بعدها تكون صعبة شوي لان راح تصير عندك صعوبة تنفس و البيبي يتاثر.. لذلك الافضل تعودي نفسك من الحين على نومة الجهة اليسار لان الدم يضخ بشكل اكبر و بهذي الحالة الجنين يوصله كمية كبيرة من الاكسجين

الاشهر الاخيرة ما المفروض تنام الوحدة على ظهرها لان البطن كبيرة و راح تسبب ثقل على الصدر لان مافي توازن بسبب كبرها و بكذا التنفس يصير صعب و يضرك و يضر الجنين و كمان الوضع غير مريح البته للجنين لذلك بالاشهر الوسط و الاخيرة ما الوحدة تبي تحس بحركة الببيي ينصحوها انها تجرب تنام على ظهرها كم دقيقة لان البيبي يصير يتحرك بقوة و يرافس لان الوضع غير مريح ابدا له

اتمنى اكون افدتك

موفقه

[أسيرة زوجي]

توصلي بالسلامة حبيبتي

لما توصلي ريحي حالك على الاخر