حامل الشهر السابع وعندي فقر دم

[أغاريد]

صبايا
ودي الي عندها معلومة تساعدني انا حامل فالشهر السابع ومعي فقر دم والحين تعرفون صيام ابغى اعرف انسب وقت اخذ فيه حبوب الحديد يعني بعد الفطور او مع السحور والله محتاره اول حمل لي خوفتني الدكتورة قالت الدم واصل 8 اخاف احلل القى الدم عندي ناقص الي عندها معلومة او مجربه الله سعدها الي ترد علي

[سوسو المزيونه]

ليه الدكتورة مابلغتك
اهم شيء لاتاخذين بعدها مشتقات الحليب
او اي شيء يكسر الحديد من المنبهات
وخذي بعدة اي فاكهه من من فتامين سي لانها تساعد في امتصاصه

[أغاريد]

انا اخذت التحاليل قبل رمضان الى الان ما رحت للدكتوره عندي تحليل 9/14 وموعدي مع الدكتوره 9/22
الله يسعدك ويسهلك امرك تصدقين كنت اخذ حبوب الحديد مع اللبن قبل رمضان كنت اخذ حبوب الحديد عند الغداء وطوالي على اللبن الله يوفقك والله شايله هم اسوي تحليل القاه انقص من 8

[زهرة البنفسج ّ]

السلام عليكم ورحمة الله وبركاته

حبيبتي انا زيك بالسابع ونزلت نسبة الدم عندي بنصحك
خذي الحديد بعد السحور
بس انا افضل بعد الفطور وصرت اخذها بعد الفطور
وكلي بنجر مرا مفيد ماشاء الله خلال اسبوع راح يرفع لك الدم وراح تدعيلي

وادعي الله يسسسهل لي ولادتي

وموفقه ياعيوني والله يسهلك ولا يعسر

[أغاريد]

مشكوره اختي زهرة البنفسج ان شاء الله راح اسوي مثلك راح خذ حبوب الحديد بعد الفطور وحبوب الكالسيوم مع السحور
مشكوره على اقتراحك ان شاء الله ربي يسهلك ولادتك وتقومي انتي و البيبي بالسلامة وتفرحين بشوفته

[مرة عمار]

والله يا اختي انا بعد فالسابع وماقدرت اصوم اذا تعب عليج افطري الدين والطب حلل هالشي
والاطباء قالوا الحديد بعد ماتتسحري عشان يمدج بالدم لبااقي اليوم وباقي الفيتامينات عقب الفطور


وكلي بنجر طماط تمر بس تزودي او سوي بحث في قوقل بيطلع لج اكلات وفواكه وخضره كثيره تساعد ع القضاء ع فقر الدم


والله يسهل عليج وعلينا يارب

[أغاريد]

مشكوره اختي مرة عمار والله يسهل عليك حملك ولادتك وتقومين بالسلامه انتي والبيبي

[ديالا2]

نفس الشي معاي فقر دم ومتعبني مرا

[أغاريد]

اختي ديالا الله يسهلها عليك ويسرها ولا يعسرها والله اني حاسة فيك الله يقومنا بالسلامة ونشوف البيبي بصحه وعافيه

[ليللو 5]

انا مثلك دمي مو ذاك الزود وخايفه

يمدحون عصير الرمان حتى لو كان اللي بالجيكات من البقاله ( الربيع والمراعي الخ
وعصير مشكل التوت من نفس الشركات بعد

والطبيعي اكيد افضل

واهم شي حبوب الحديد معاها فيتامين سي يابرتقال او ليمون عشان يمتصه الجسم

[أغاريد]

الله بعطيك العافية اختي ليللو ويسهلها ويفرجها ان شاء الله ونقوم بالسلامة وما نشيل هم والله الحمل تعب
وان شاء الله بنتحمل تحملنا الاشهر الست الاولى بإذن الله نتحمل الاشهر الثلاث الاخيرة

[ليللو 5]

امييييين يارب اجمعين

[(((( نبض الغلا )))]

انا كان عندي نقص وزاد الحمدالله
بعد الحديد واكل البنجر وعصير البرتقال الطبيعي تسوينه بالبيت افضل