مغص مثل الدوره في الشهر الثامن ؟؟

[angel_nanour]

السلام عليكم ورحمة الله وبركاته...
كيف الحال و كيف رمضان معاكم انشالله بخير وتمااااام ..
الله يتقبل صيامنا جميعا يااارب وصالح اعمالنا ..
حبيت استشير اصحاب الخبره اللي بالمنتدى عن حالتي

انا بالثامن و يجيني وجع مثل مغص الدوره يجي و يروح تقريبا يوم اي و يوم لأ و أحيانا في اليوم يجي كذا مره و ما اعرف اناااام منه .. و انا اصلن عندي توسع بالرحم 2 ســـم (الفحص الداخلي ) ..
و جاني التوسع هذا من الكحه ,, بس ما ادري ايش سبب المغص و مو عارفه ايش اخذله و موعدي لسه بعد اسبوع و مو قادره اتحمل الوجع ..

الله يسلمكم اللي جربت او اللي في الثامن و نفس حالتي تطمني

[مليت فرقاكـ]

ياعمري يمكن لأن رحمك مفتوح تجي تقلصاات ربي يهونها عليك بس راجعي دكتوره افضل وارتاحي لاجهدين نفسك

[دلوعة]

انا نفس حالتك وتوني طالعه من المستشفى وكان الرحم
مفتوح 3 من الحركه بس الحين الحمدالله وهذا تقلصات لان
الرحم مفتوح بس انصحك زي ما قالوا لي الدكاتره ولا حركه
حدي وانتو بكرامه الحمام بس وخليك دايم مرتاحه على ظهرك
وماتتحركين كثير والله يسهل علي وعلى الجميع...

[نبع المحبة]

راجعي الدكتورة وسأليها
بس اتوقع الوجع لأن الرحم مفتوح

[angel_nanour]

والله تعبت من الالميروووح و يجي .. نفسي اناااااااام

[نوادر]

الله يهون عليك يارب انا يجيني الم بس مثل الدوره شوي ويروح
وسالت الدكتوره تقولي هذا طبيعي بس مومثل حالتك الله يهون علي وعليك
بس الافضل روحي للدكتوره علشان ترتاحين تقبلي مروري

[أجمل إنسانه]

انا بالثامن ومعي نفس الالام .

وهذا شيء طبيعي قالت لي الدكتوره

لا تخافين الشهر الثامن خطر لا تتحركين كثير فيه

وهذا تقلصات بداية الطلق للشهر التاسع

يعني شي حلو بالعكس

الله يهون عليك وعلينا

[angel_nanour]

شكرا بناات على ردودكم الله يهون علينا كلنا يااارب
والله كل ما اسمع احد يقللي هذي تقلصات الطلق ما قبل الولاده احس بقشعره فبدني من الخووف
احسها قررررربت ,,