استفسار خاص

[أم هووود]

السلام عليكم ورحمة الله وبركاته
صباحكم الله بالخير
سمعت من بعض الحريم انه مو زين للحامل تشيل شعر جسمها بالحلاوه خلال فترة الحمل
هل هالشي صحيح ؟
وهل اذا عملت تمليس وصبغ شعر بفترة الحمل او بعد الولاده راح تاثر على طفلي ؟
لان حابه اشل شعر جسمي قبل لا اولد ان شاء الله واريد املس واصبغ شعري بعد الولادة باذن الله تعالى

[shosho-]

مرحبا حبيبتي
بالنسبة للحلاوة ان شاء الله مافيها ضرر هو الليزر اللي ماينصحون فيه للحامل
وبالنسبة للصبغة والتمليس مضرة للحامل لكن اذا قصدك بعد النفاس فما اعتقد فيها ضرر كل البنات يصبغون بعد الولادة
والله يسهل لك حبيبتي

[lulu.Q]

الحلاوة عادي بس الليزر مثل ماقالت شوشو

اما الصبغ انا صبغتي كانت نازله وجني لابسه قحفية فيوم دخلت شهري الثامن رديته أسود شريت من الصيدلية صبغة ايطالية خالية من الاكسجين و الامونيا حتى مالها ريحه ولا تحرق الشعر ولا خشنت شعري وايد حلوة وفي منها ألوان اشقر وبني واحمر وتدرجات انتي اخذي الايت يعني المخففة أأمن لج و للبيبي

وموفقه يارب

الله ينقلنا بتمامه ويهونها علينا ويسهل لنا الولادة يارب