نبض الجنين ،،

[غُمُوض أُنثَى]

السلام عليكم ورحمة الله

بنآت حبيت اسألكم ، كان عندي موعد قبل اسبوع والدكتورة حكتلي بعدو النبض مو مبين بس حسيت تعابير وجهها اتغيرت يعني كأنه في شي بيخوف وخصوصا انها تابعت معي حملي الاولاني وبآخر الشهر التاني اجهضت ، وهالحمل برضو تابعت عندها ولسا النبض مو مبين طبعا انا من وقتها وحالتي النفسية زفت عالاخر بس متوكلة ع رب العالمين ، من يومين نزل عليا افرازات خفيفة بنية وخيوط بنية عاد انا تأكدت انه خلص رح ينزل البيبي ، بكرا موعدي عند دكتور تاني لانه ازا رح ينزل البيبي بيكون هادا الحمل التاني اللي بيروح ، ف بدي اعرف سبب الاجهاض ! وازا مش رح ينزل بدي اطمن انه صار في نبض

بس لسآ عندي امل ولو بسييييييييييييط كتير hwaml85 مآ بدي شي منكم بس دعوآتكم انه ربي يطمني بكرآ ويريح بآلي :( زعلانة كتير انه احتمال افقد جنيني التاني

وانا في غربة وما حكيت لحدآ من اهلي انه هيك صآر ،، زوجي الله يخليلي ياه واقف جنبي وبقلي المهم سلامتك وبدعمني نفسيا كتير


دعواتكم صبآيآ :(((

[وردة المحبه]

الله يثبته لك ويفرحك بشوفته سالم غانم وحطي امل بالله كثير

وقولي دايم حسبي الله عليه توكلت وهو رب العرش العظيم سبع مرات

[غُمُوض أُنثَى]

تسلمي حبيبتي ربي يسمع منك ان شاء الله :(

[bnt elnour]

ان شاء الله يااااااارب يطلع نبض الجنين يااارب ويتم حملج على خير

[rorri]

والله حاسة فيك الغربة والاجهاض لانو صار معي نفس الشي اصعب شي بس لما يكون زوجك مساندك ومعاكي تسوى الدنيا
الله يثبت حملك بس انت في اي اسبوع لما رحت للطبيبة
وعندك اعراض حمل ولالا

[HENDA]

ربي يطمنك عليه و يتمم التسع شهور سالم حي يرزق
لا تنسي الدعاء و الله معانا الكل
بالتوفيق

[المااس]

الله يتتم حملك ويقر عينگ ان شاء الله

[ام وليد2005]

حبيبتي ربنا يثبت حملك ويتممه على خير ويفرحك بشوفت البيبي بين احضاانك ان شاء الله

[غُمُوض أُنثَى]

الله يسعدكم يآ صبآآآيـــآ ويخليكم يآرب

الحمدلله ع كل حآل قدر الله وما شاء فعل

مبآرح اجهضت ونزل البيبي والمشيمة لانه الحمل كان واقف والدكتور اعطاني ادوية اجهاض لحتى ما احتاج عملية

هاي المرة التانية في الاجهاض :( ،، بس ان شاء الله بكرآ رح يطلب الدكتور فحوصات لنعرف سبب الاجهاض الاول والتاني

تجربة صعبة جداااا الله لا يوريها لحدااا

روري ،، انا البيبي كان في الاسبوع السابع وبأول الحمل كان عندي اعراض حمل كتيرة بس من اسبوع ما عدت حسيت فيها ف انا توقعت انه متل الحمل الاول لانه وقف برضو في نفس توقيت الحمل هادا

لعله خير ان شاء الله احتسبت الاجر عند رب العالمين وهو حيعوضني خير اكييييد والحمدلله صابرة

شكرا بنات

[لولو حمادة]

الله بيعوضك غموض والله زعلت كثير عليكي


اعملي كل تحاليل وشوفي شو السبب

[غُمُوض أُنثَى]

حبيبتي لولو ما تزعلي ع غالي

نصيب !!

رح اعمل اكيد كل الفحوصات لانه مش مستعدة اخوض تجربة تالتة

ربي يعوضني خير

[rorri]

الله يعوضك بحمل ثابت قريبا يارب
حبيبتي اعملي الفحوصات اللازمة وانشالله كم شهر وترجعين تحملين
واهتمي بنفسك هالشهر وغيري جو انت وزوجك مثل ماعملت اناوزوجي
وانت باينتك صغيرة وقدامك انشالله فرص كثيرة تحملي وتزيدي

[نـرسيآن]

حبيبي خذي نصيحه مني مو كل شي يكون سبب الاجهاض المرأة

خلي زوجك يعمل تحاليل يمكن يكون عنده تشوه فالحيوانات المنويه لاقدر الله او ضعف فالحركه

وهيا ماأعطتك مثبتات ؟؟؟؟

[غُمُوض أُنثَى]

حبيبتي روري تسلمي ياآرب

اكيد انا رح اغير جو ،، الحمدلله زوجي دايما بحاول يخليني ما افكر في يلي صار

وبكرا موعدي عند الدكتور ان شاء الله لحتى نعمل الفحوصات اكيد هوا رح يطلب اشياء معينة بناء ع وضع الجنين اكيد حاطط توقعات شغلات معينة لانه انا الكيس كان يكبر عندي بشكل طبيعي بس الجنين بيوقف عند مرحلة معينة وبس


نرسياآن ،، شكرا حبيبتي ربي يخليكي

هوا اكيد الدكتور رح يكون حاطط حصر لتحاليل معينة لانه هوا كان متابع وضع الحمل عندي
بكرا رح نشوف شو رح يطلب منا تحاليل وبناء عليها بنشوف شو السبب ان شاء الله
وان شاء الله يكون اشي بسيط كتير
والله هيا اعطتني مثبت اول حملي بس وقفتلي ياه بعدها لانه كان كل شي طبيعي جدا ومافي خوف
انا المشكلة حملي بضلو طبيعي من اولو وما بنزل عليا شي بس في وقت معين عند ما بدو يبلش النبض بيوقف نمو الجنين والكيس بيضلو يكبر

ان شاء الله خير يارب تسلمولي يابنات

[مضاووووووي]

الله بيعوضك غموض والله زعلت كثير عليكي


اعملي كل تحاليل وشوفي شو السبب

[غُمُوض أُنثَى]

شكرآ الك كتير ،، ربي يسمع منك حبيبتي

اليوم رحت والدكتور حكآلي 70% مش حيكون في سبب لانه من خلال وضع الحمل مش شايف انه في سبب
بس للاحتياط كتبلي اعمل تحاليل معينة ،،

تحليل الاجسام المضادة
تحليل بروتينات التجلط
تحليل الكروموسومات
وااااخر شي كتبلي على اشعة للرحم من جوا بس ان شاء الله ما نحتاجها هوا حطها بالاخر خالص ازا طلعت كل الاشيا هاي سليمة يعني ،،

لعله خير ان شاء الله
ربي يعوض ع كل وحدة فقدت جنينها مرة او اكتر

[khadeja_1992]

والله ممكن انا اكثر وحده حاسه فيك وانتي تحكي في قصتك والله اتقولي تحكي في قصتي وانا مثلك اجهضت مرتين بس انا عملت عمليتين تنظيف والحمد لله علي كل حال عرفت السبب جرتومه القطط هيا السبب تقتل في الجنين ربي ايعوضني وايعوضك خير حبيبتي

[ام كنوز]

الله يعوضك حبيبتي انشالله يفرحك عن قريب