ارجوا مساعدتي

[بنت مكه20]

قررت اروح لدكتورة لتاخ حملي وحابة اعرف متى اروح لها وانا وعى الدو ة والا اذا خلصتها ومن اشطر دكتورة في جده

[حياتي توأمي]

حبيبتي مافهمت بعض كلماتك مش واضحه هل تقصدين متابعه عشان الحمل وهل انتي عليج الدورة
هذا اللي فهمته.
إذا كان كذلك بأمكانك تروحي اليوم او غداً. عشان تلحق تعطيكي منشطات وان شاء الله خير

[cinderella]

روحي بعد أول يوم من انتهاء البريود عشان تتابع معاكي التبويض وتعرفك وقته وان شاء الله ربنا يرزقك ويرزقنا جميعا يارب

[ام وليد2005]

حبيبتي تروجي ثاني يوم من الدورة حتى تتمكن من إعطائك المنشطات ربنا يفرحك بالحمل عاجلا غير اجل انت وجميع المنتظرات آمييييييييين

[ماء الغمام]

تروحي ثاني يوم او ثالت يوم من الدورة عشان تعملي التحاليل ويفضل تعمليها وبعدين تروحي لانها بداية اي فحص لتاخر الحمل وهذي التحاليل :

FST ــــ LH __ Prolactin __ TSH __ Testosterone وهرمون البروجسترون هذا تعملي في يم 21 من الدورة

تعمليها في مختبر موثوق زي مختبرات البرج تقريبا قيمة الهرمون الواحد 180 ريال وتروحي على طول للدكتورة

بالنسبة لافضل مستشفى وافضل دكتورة وباقي الفحوصات

اللي عن تجربة الدكتورة ميمي في مستشفى خالد الادريس والمشكله هنا لازم تجي قبل 4 العصر عشان تحجزي موعد من كثر الناس اللي بتحجز عندها وفي كمان الدكتورة شيماء بنفس المستشفى

الدكتورة فاتن في المستشفى الالماني

وناس بتمدح في مستشفى فقيه

وفي دكتورة باكستانية في مستوصف في البلد ممتازة على كلام امهاتنا وخبرة بس ناسية والله اسم المستوصف لو حابة اسالك

بقية الفحوصات : سونار داخلي طبعا عشان للرحم وللمبياض عشان تعرف اذا في ميلان او التصاقات او اي مشكله خاصة بالرحم والمبايض بعد الدورة

ومتابعة تبويض في ايام التبويض عشان تعرف احجام البويضات وذا الشي احيانا ما بيعملو اذا كان في مشاكل بالهرمونات تمنع نمو او نضوج البويضات زي هرمون الحليب او التكيسات الا اذا ادتك منشطات طبعا لازم متابعة تبويض مع المنشطات

اشعة الصبغه وهذي تتعمل بعد الدورة مباشره عشان تبين اذا في مشاكل او انسداد في الانابيب

وفي فحص بيتعمل بعد الجماع عشان يبين اذا في اجسام مضادة بتقتل الحيوانات المنوية

طبعا زوجك لازم يكون عامل تحاليل

تقريبا هذي التحاليل والفحوصات المطلوبة

وربي يعطيكي الصحه والعافيه

[بنت مكه20]

حاولت في زوجي ورفض ويقول لو صار حمل حيكون صعب عليه لان اشتغل في منطقه تبعد عن بيتي 350 كيلو ولابد ولازم من السفر كل اسبوعين وتعرفون السفر وتعبه ولان مريت بتجربة حمل واسقاط بسبب السفر والتعب في العمل وكثرته ولكن انا افكر اروح عند اهلى لو يومين واحلل من وراه

[الاميرة 2014]

ربنا ييسر لكي امورك الي كل الخير يارب
انا من راي تروحي ثاني يوم الدورة علشان لوفي تحاليل الدكتورة تقولك عليها
اما لو الدورة قربت تخلص فممكن تروحي في اليوم العاشر مثلا لكي تتابع لكي التبوض
موفقة حبيبتي
اسال الله العظيم رب العرش العظيم ان يرزقك بالحمل العاجل القريب والذرية الصالحة ان شاء الله واحنا معاكي يارب