ممكن حد يفهمني حصلت لي عدة أعراض قبل موعد الدورة؟؟

[أم روضة وسارة]

بسم الله الرحمن الرحيم
اول شي اح اهنيكم برمضان عساه شهر خير ومغفره للجميع

بغيت اعرض مشكلتي وابغي حد يفهمني

انا متزوجه من 3 شهور في الشهرالأول قبل الدوره بأسبوعين حسيت بمغص فضيع وكثرة الذهاب للحمام استمر لين يت الدوره وراح الألم ورحت فحصت قالت الدكتوره مافي شي الحمدالله
hwaml10

الشهر الثاني قبل الدوره ب 10 ايام رجع الألم وطلعت لي اعراض حمل يعني كبر صدري وكله عروق وكثرة الذهاب للحمام وغازات والم في الضهر فضيع اكثر من بطني وحتى الصلاه كانت مؤلمه بالذات السجود وتاخرت الدوره 4 ايام
(انا دورتي منتظمه) وبعدين نزلت

الشهر الثالث (الحالي) قبل الدوره ب 9 ايام بدى الألم بس هالمره غير ألم في المبيض الأيمن وممتد لرجلي مع اسهال والم خفيف في الضهر احس بوخز في صدري والغازات بشكل فضيع غير طبيعي وكل شوي احس الدوره بتنزل

الحين باقي 7 على الدوره ؟

ممكن حد يفسر لي هل هذي بسبب تغير الهرمونات او ايام التبويض مع اني جربت الجهاز مال التبويض ويطلع لي دوم ان ايام تبويضي قبل هالألام ب 3 ايام يعني مب الالام تبويض

انا قبل الزواج ما اعاني من الالام الدوره إلا قبلها بيوم احسها بتنزل وبس

يعني هالشهر شوه السالفه ؟؟؟؟hwaml15


ويااااااااااااااارب ترزق كل البنات الذريه الصالحه hwaml7

[rose]

شوفي ياقلبي
دام متابعة انتظام دورتك
يمكن تاخرها لخبطة توك عروسة
وتصير دائما
تجلس العروسة تتخلبط كم شهر وترجع بحول الله تنتظم
واعرف بنات اعراض الدورة تتغير معاهم بعد الزواج
انت انتظري لين فوات الدورة وحللي

[قمر بنت راشد]

والله ماعندي خبره

بس صح مثل ماقالت اختي روز يمكن تغير هرومونات

واذا حمل الله يثبته ويجعله ذريه صالحه ياااااااااااااااااااااااااااااااااااااااااااااارب

[أم وتين]

يا أختي الله يرزقك بالحمل السليم المعافى بس استني على الاقل لين يفوت على موعد الدورره يومين وبعدين حللي والله يفرررررررررررررررح قلبك ياااارب حللي منزلي وانشالله ربي يرزقك ولا تنسي الاستغفار والله انه شي سهل وبتبشري بعده بالخييير

[أم روضة وسارة]

مشكورين خواتي ان شاء الله يروح الألم بنتظر الدوره وخير ان شاء الله

والله يرزق الجميع الذريه الصالحه يارب

[يارب ترزقني بطفل أضمه]

واضح ان عندك لخبطة بالهرمونات حللي هرمونات وشوفي لان الزواج يخربط الدورة والهرمونات

[أم روضة وسارة]

اذا كانت لخبطة في الهرمونات ليش الألم يجي بس قبل الدوره وباقي الأيام يختفي ما احس بشي؟ ؟ ولا لخبطة الهرمونات بس اتصير للدوره

[ياويل حاااالي]

الله يرزقك...

[أم روضة وسارة]

خير ان شاء الله ربي ايسر حاليا الوخز في المبيض الأيمن مستمر يروح ويجي احس كأن فيه شي ممممممم ما اعرف كيف اوصف بس كأن في شي والم ضهر خفيف ان شاء الله تكون الدوره وما تكون اي مشاكل صحيه

[يــارا]

أولاً مبروك وجيزة الدهر حبيبتي لساكي عروس واحتمال متل ما حكوا الاخوات لخبطة هرمونات
بس أنا بعرف انو هالاعراض هاي اسمها اعراض ما قبل الدورة بتحسي فيها قبل الدورة بشي عشر ايام وبتشبه اعراض الحمل ولا يمكن تميزها هي دورة ولا حمل
بسبب التشابه الكبير

لكن اعراضك هذا الشهر فإما حمل والالم بالجهة اليمنى بسبب مرور البيضة الملقحة بانبوب فالوب,,,,, او ممكن تكون اباضة متأخرة

الافضل تصبري حتى موعد الدورة تتأكدي وان شالله خير

[أم روضة وسارة]

الحمدالله على كل حال عارفة اني لسه عروس بس انا كبيرة شوي في السن فاتمنى ربي يرزقني جريب صعب كل ما كبرت تصير فرص حمل هذا إلي اعرفه
حاليا والله اتمنى ما يكون تكيس هذا إلي مخوفني

مشكوره اختي يارا
وربي يرزق كل محرومة

[دلوعة علاوي]

حبيبتي الله يوفقج ويسعدج ويرزقك بالذريه الصالحه وكل من تتمنى الامومه وانا مع كلام الاخوات وانشالله الله يبشرك بالخير ويحقق لك ماتتمنيه

[أم روضة وسارة]

مشكورة الغاليه على ردج وان شاء الله بصبر لين موعد الدوره وان شاء الله خير وربي يرزقني وجميع المحرومات يارب

[ام جياد]

اختي انا قبل مااحمل بشهر حصل ليا تلخبط في الهرمونات وتاخرت الدوره 13 يوم بعدين شرفت بس الشهر الي بعده اتاخرت 10 ايام بعدين سويت تحليل والحمدالله طلعت حامل والله يرزقك بالحمل يااااااارب

[أم روضة وسارة]

حاليا تغير الألم في المبيض ماعاد وخز مثل قبل الحين احس الجانب الأيمن مشدود وضهري نفس المكان والم في بطني تحت احس كانها بتنزل ان شاء الله خير باجي 5 ايام وربي يرزق جميع المحرومات يارب ويفرحنا فرحتين هالعيد

[قمر بنت راشد]

الله يرزقك الذريه الصالحه يارب

ولا تخافين ولاتقولين كبيره ربك يرزقك من يشاء بغير حساب

[وداد]

خليها تتاخر وبعدها حللي وبشرينا

[كتآب]

هذه ارزاااق من رب العالمين

ان شاء الله ربي يرزقك وتبشرينآآآآآآآآآآآآآآ


:)

[ام شهد ونورة]

السلام عليكم انا كانت من اعراض الحمل الا استغربت منها الم فى الجنب الايمن كنت احسب انها الكلى لكن بفضل الله طلع حمل وان شاء الله تتطلعى حامل ويارب تبشرينا ان شاء الله ويرزقك ويرزق كل محروم يارب

[بوسي1]

ربنا يرزقنى واياكى بال ذريه الصالحه يارب اللهم امين

[راجيه الفردوس]

الله يرزقج و يرزقنا بالدريه الصالحه و الحمل السليم و الولاده السهله

[حبيبة جاسم]

هاللخبطه صارت لي قبل الحمل
كل شهر اشك اني حامل
لين جا الشهر اللي حمت فيه ماحسيت باي عرض
و طلعت حامل
فاتوقع هذي بشارة حمل قريب
قولي ان شاء الله