افيدوني يااهل الخبره توقف الوحام بعد الحبوب

[نوني 89]

السلام عليكم بنات انا حامل في الشهر الثاني وجاتني اللوعه وترجيع تم معاي تقريبن 3 ايام وبعدين رحت الدكتوره وعطتني حبوب الترجيع وفولك اسد والترجيع وقف بس في لوعه خفيفه انا وايد خايفه انا صار شي بالجنين واحس الم باسفل البطن نفس النغزات . ارجوووووكم طمنوني وهذا اول حمل لي

[sweet moon]

لا ان شالله ماصار فيه شي

مابتوصف لك الدكتوره شي يضرك

وانتي الحين تمرين بفتره وحام

فطبيعي تحسي بلوعه وغثيان

الله يتمم لك :)

[نوني 89]

sweet moon تسلمين حبيبتي على الرد بس انا خايفه يعني معقوله الحبوب بتوقف اللوعه والترجيع في يوم واحد بس ؟؟؟

[sweet moon]

طيب اختي نونه

اذا انتي شاكه ان صار شي للجنين لاسمح الله

روحي اكشفي عليه وطمني قلبك

وان شالله مافيه الا العافيه

ويمكن وقف الترجيع نتيجه الدوا اللي اخذتيه

ماعليك شر والله يثبته لك ويتمم عليك :)

[rose]

ياقلبي عادي

ليش خايفة احمدي الله واشكريه
بنات هنا يروحوا يبوا اي شي يوقف الوحام
جربوا حبوب الغثيان ومانفعت
بجد كانت حالتهم تحززززززززن وبيكتبوا وتحسي انهم بجد بيبكوا
يمكن ماشاء الله جسمك استجاب للعلاج

ينقل لقسم اعراض الحمل والوحام

[قمر بنت راشد]

الله يثبت لك حملك يارب ويسعدك بطفلك بين يديك

وتعوذي بالله من الشيطان كله وساويس منه

ان شاءالله تلاقينه بعد 7 اشهر في حظنك يبتسم لك

[نوني 89]

مشكوووورين على الرد يابنات ....طمنتوني الله يطمنكم

[نوني 89]

بنات ادري اسالتي وايد هذا اول حمل لي وخايفه ...يجيني الام في اخر بطني جهة اليمين معاي من يومين عادي ولالا واحس الالم مأثر على رجلي اليمين شوي مو وايد ..

[mrs.m!so]

انا مثلج توقف الوحام على طول بعد الحبوب بس على فكره الحبوب هذي تنعس وهم فيني عوار على الجنب اليمين ويضغط شوي على رجلي بس قالوللي عادي كل شي طبيعي
حبيبتي لاتخافيين

[يــارا]

حبيتي اول شي الحمد لله وقف الترجيع لانو في نسوان ما بيمشي حال الحبوب وهاي الحبوب ما بتخوف أبداً.تانياً الالم والنغزات بتظل موجودة لنهاية الشهر الثالث يعني هالشي طبيعي
اذا كنتي متخوفةمن شي أوحاسة بألم مو طبيعي لازم تراجعي وتحكي لدكتورتك....