تكفون لاحد يطنش نفاس واحس بهوا وانتفخات

[آم جنـى]

السسلام عليكم
تكفووون بنات سساعدوني انا نفاس واليوم لي 27 يوم وبكريه
واحس بهوا وغازات وكنت اتجاهلها مااعرف ان هذا دليل ان فيني خوا
الا يوم كلمتني بنت خالي وقلت لها وهاوشتني وقالت لازم تهتمين اكثر
انا احس بجوع خفيف واكل ع طول
ابي منكم وحده تعطينيي شي يخليلي هذا الهوى يروح

وامممم لحد الان ماطهرت هل هذا طبيعي ؟

[cup cake]

طبيعي انا اليوم 41 يوم ولحين ماطهرت

[هوادي***]

ملعقه قشر البن وملعقه يانسون وملعقه قرفه
في كوب وموية حاره واشربيها تخرج الهوا كله

الله يقومك بالسلاامه

[فاغره]

كلي واشربي اشياء دافيه واهم شي ابعدي عن البارد والاكل اهم شي واذا اهملتي بتستمر دايم

[اذهبة]

أختي بعد اقري عن تمارين كيجل لعضلات المهبل

[آم جنـى]

يعطيييكم العااافييه حبيباتي ماقصرتوو

[عروستة]

نصيحه سبحي في مويه دافيه مرره و خليها تضرب في ظهرك و بطنك شوي بس ظهرك اكثر

صدقيني يطلع الهوا راح تحسي بخروجه من رحمك زي الفقاعات

اقولك عن تجربه

و شربي حليب دافي مع حلبه و

اكلي حسو و حب رشاد

[اذهبة]

وحصلت موضوع بعد .. ياااارب يفيييييدنا يا أختييي..

دعواااتج ليي..

انقله لج يزا اللي كاتبته كل خيييير ويسخر لها زوووجها ياااااااارب



السلام عليكم ورحمه الله وبركاته
مثل ماوعدت انـي راح اجرب عشبة عباءة السيده وراح اكتـب تجربتـي بعد مااخلـص منها
ومابـي منكم الا الدعاء لي بان الله يسخـر لي زوجـي ويهديـه قولوا اميييين http://www.q8yat.com/images/smilies/1/hjy5jewf.gif
اول شي انا قريت عن العشبه وايد انها توخر الهوا اللي بالرحم وهذا اهم شي عندي
وبما اني بولادتي الاخيـره على مشاري ولدي الله يحفظه كنت متوسعه 10 سم على بو انها ولاده طبيعيه والله ماكتب وولدوني قيصريه ف الله يسامحهم ماخيطوني تحت وخلوني اعاني http://www.q8yat.com/images/ehdaa_smilies/eh_s(16).gifhttp://www.q8yat.com/images/ehdaa_smilies/eh_s(11).gif
ماكو شي ماجربته واستفدت الحمدلله وتضيقت وكنت راضيه عن نفسي بس الهوا حده يفشل http://www.q8yat.com/images/smilies/frown.gif مع انه ريلي مايعرف بهالسوالف ومايدري شنو هالهوا ومستانس المسكييين يحسبه من القوه اللي فيه http://www.q8yat.com/images/smilies/smile.gif
يالله طولت عليكم ندش بالموضوع
رحت العطار وخذيت العشبـه يكون شكلها اوراق بس لا تاخذين العشبه الكامله او البودر هذا كله ماينفع ورقم العطار وعنوانه بحطه لكم ان شاءالله
لمدة 21 يوم استخدمتها
كل يوم الصبح اول مااقوم من النوم اشرب كوب وقبل النوم اشرب كوب
طريقته احط قفشه من العشبه بكوب واصب عليه ماي يغلي واسكره بقصدير او صحن من فوق واخليه ربع ساعه
واصفيه بعدين واشربه وتقدرين تحلينه بعسل او سكر قليل ويشرب وهو حار او دافي افضل
اللي لاحظت يسد نفسيتي عن الاكل بس مو وايد وايد لا
اتغدا بس غداي اقل من قبل ويمشي البطن يعني يخليج تدشين الحمام وانتو بكرامه مو اسهال لكنه ملين
ولا حظت الفرق بعد يومين زوجي استغرب وقام يمدح http://www.q8yat.com/images/ehdaa_smilies/eh_s(9).gif
استانسست بشكل مو طبيعي وارتحت نفسيا والهوا يطلع اول يوم وانتي تقعدين بتحسين فيه بس محد راح يحس فيه لا تحاتين
وكل مره زوجي يمدح اكثـر ولله الحمدhttp://www.q8yat.com/images/smilies/biggrin.gif
وكنت بكتب تجربتي بس قلت لا خل اخلص اخر كوب واكتب تجربتي عشان افيد خواتي لان وايد بنات يسالون عن العشبه
وانا اقول لكم الحين
لاحظت تضيييق مو طبيعيي احسن من اي شي ثاني لاتحاميل ولا بلاوي مايحتاج
ينشف الافرازات يوميا بتلقين بالكوتكس اليومي افرازات ناشفه بس خفيييف حيل وزوجج ماراح يحس فيها هم لا تحاتين
والهوا ولله الحمد راااااااااح وافتكيييت منه وهذا اهم شي عندي http://www.q8yat.com/images/ehdaa_smilies/eh_s(15).gif
والغدا اخف من غداج قبل
والبطن والكرش وهذا اهم شي ليييييينه حيل حيل والله ماراح تصدقين بتكون حيل لينه يعني بشوية رياضه بتروح ان شاءالله
والعشبه تمشي البطن يعني بتضعفين ان شاءالله بس مو حيل بس بتلاحظين فرق
وطعمها عادي يعني مايلوع الجبد وماتقدرين تشربينه عادي جنه شاي بس ثقيل وبالنعناع نقدر نقول جذي
واهم من هذا كله
بتلاقين المدح بكل مره من زوجج بيقولج
متغيره
ضيجه
دافيه وهذا مهم بعد تخليج حيل دافيه تحت
يعني بيقعد يمدح فييييج حييييل
ونصيحه
لاتقولون حق رياييلكم انكم تشربون العشبه او شي جذي مالج شغل فيه اذا سألج قوليله انا من زمان جذي وضحكي http://www.q8yat.com/images/smilies/smile.gif
ومن بعد العشبه بتحسسسسين بثقــــه وبتكونين واثقه من روحج ان شاءالله
وهذي تجربتـي الشخصـيه مع العشبه السحريــــه عباءة السيده
الله يجزا الدكتور جابر القحطاني كل خير ان شاءالله اللي نصح فيها
وامانه تدعون لي
بان الله يهدي زوجي ويسخـره لي قولوا اميييين
واي سؤال انا حاضره
وهذا عنوان ورقم العطار اللي خذيت العشبه منه
بسوق السالميه القديم بالقيصريه مالت المبرقعه اهو جار المبرقعه وهذا رقمه
عطار الكوثر
25736189
اتصلوا عليه وقولوا له من طرف ام بدر
وبيجهزها لكم
اخذوا ب 3 دنانيـر ونص عشان يكفي 21 يوم
http://www.q8yat.com/images/smilies/1/bye22.gif

[مهاوي11]

الله يوفقك