حامل وأذا شربت لبن أو حليب يجيني إسهال؟؟

[غلادنس]

السلام عليكم

شلونكم وشخباركم عساكم بخير وعافيه انتو واجنتكم hwaml10

حبيت اسالكم واستشيركم في شي اول مره يصير لي


الله يسلمكم كنت اتبع حميه غذائيه صحيه قبل الحمل والحميه اكثر شي اكل واشرب فيها الاابان قليله الدسم((الروب واللبن والحليب ....الخ))

من حملت الله يسلمكم من اشرب لبن او حليب او اكل ملعقه روب على طول يجيني سهال الله يكرمكم

انا ماعندي مشكله اتركه بس احس انه هذي الاشياء ضروريه اثناء فتره الحمل وبالذات الشهور الاولى وقت نمو وتكوين العظام للجنين

لما قلت للدكتوره قالت لي خلاص حاولي تبعدي عن الاشياء الي تسوي فيج جذي عشان ماتجهضي خوفتني يعني

بس ابي شوركم وابيكم تقولون لي شنو اسوي وشنو اكل عشان يعوض الكالسيوم الي في اللبن والروب

وماينقصني او ينقص الجنين شي


وسلامتكم وربي يهون على كل حامل يارب

[اوراق الخريف]

وقفي الحليب مؤقتا بس اللبن والزبادي يخففون موضوع الإسهال وانتي بكرامة ماتزيدة بعد كلي معهم موز مفيد ويمسك البطن حبوب الحديد اذا تاخذين ترى تسوي امساك يعني ممكن تعادل الوضع عندك وتفيدك بنفس الوقت اتمنى اكون افدتك وركزي على الورقيات داكنة الخضرة يرتفع فيها نسبة الكالسيوم ولاتحطين الإجهاض على بالك كله بيد رب العالمين



اوراق الخريف

[بنوت]

أنا أقول غيري نوع الحليب أو نوع الروب وشوفي

[غلادنس]

اوراق الخريف مشكوره خيتو ماتقصري بغير نوع الحليب وان شاء الله مايصير لي شي

بنوت مشكوره حبابه

ماتقصرون ربي يهون عليكم

[يارب ترزقني بطفل أضمه]

ياعمري يمكن عندك قولون الي عندهم قولون مايناسبهم الحليب ومشتقاته

[rose]

عادي استغني عن الحليب بس الزبادي بعرف ممفيد للي معاهم اسهال
زي ماتكرمت الاخت اوراق

[نبع المحبة]

ابتعدي عن الحليب مؤقتا
بس شربي اشياء من مششتقاته
او غيري نوع الحليب
والله يسهل عليج حملج

[غلادنس]

ياعمري يمكن عندك قولون الي عندهم قولون مايناسبهم الحليب ومشتقاته
لا حبابه ماعندي قولون ولا شي :)

حياج الله

[غلادنس]

عادي استغني عن الحليب بس الزبادي بعرف ممفيد للي معاهم اسهال
زي ماتكرمت الاخت اوراق
مو هذا الي انا مستغربه منه

بس الله يعين


مشكوره حبابه ع الطله

[غلادنس]

ابتعدي عن الحليب مؤقتا
بس شربي اشياء من مششتقاته
او غيري نوع الحليب
والله يسهل عليج حملج
غيرت نوع الحليب وشربت حتى الحليب البارد بس نفس الشي

نورتي حبابه

[**سماسم**]

خلاص يالغاليه وقفي الحليب وهذا بدائل للحليب
من بدائل الحليب شرب البرتقاااااال الطازج

جبن تشدر -الجبن الحلوم - سمك سردين معلب - لبن زبادي

سبانخ - بروكلي (زهرة خضراء) - فول سوداني - خبز الابيض - بصلة مطهوة -

طبعا جميع النساء اقل من 40سنه - يحتاجون 1000 مجم يوميا من الكالسيوم

والمراهقات - 1200مجم من الكالسيوم

الاطفال - 800 مجم من الكالسيوم

النساء فوق 40 سنه - 1500 مجم من الكالسيوم

النساء فوق 60 - مجم1200من الكالسيوم


النساء الحوامل والمرضعات - مجم 1200من الكالسيوم

[غلادنس]

خيتو سماسم جزاج الله الف خير والله كان هالموضوع مأرقني مره


يعطيج ربي الف عافيه حبابه ربي مايحرمنا منج

[صدفة عمر]

::


انا كنت مثلك بس ماشكيت بالحليب ولا اللبن

بس ساير لي فترا ما اشرب لا حليب ولا لبن كرهتة

والحمدلله خف الاسهال وربي يعين اخلص الشهر الثالث واخذ حبوب كالسيوم واعوض الحليب

بس كثري من الافوكادو يقولوا فيها نفس فوائد حليب الام ونسبة الكالسيوم عالية :)


::

[غلادنس]

صدفه مشكوره حبيبتي ع الافاده وان شاء اللهبعمل بنصايحكم

مالي غيركم اشكي له واسمع له

فديتكم والله

[الدكتورة ناهد]

السلام عليكم ورحمه الله وبركاته
اختى العزيزة يعتبر الإسهال من أهم هذه المشاكل التي تحدث أثناء الحمل وتحتاج لاهتمام مركز ،وتعتبر معالجة الإسهال أثناء الحمل ضرورية لأنه من الممكن أن يصاحبه إجهاض أو ولادة المبكرة .كما أن الجفاف الشديد الناتج عن الإسهال قد يؤدي إلى نتائج سيئة ضارة بالدم والكليتين قد ينتج نتيجة الإصابة ببعض الجراثيم الناتجة عن الطعام الملوث بالبكتيريا والطفيليات
لذلك يجب فحص البراز أولاً لوجود هذه البكتيريا أو الطفيليات
واذا صار معك حراره مع الاسهال من المهم عمل مزرعة للدم وفحص مصل الدم للتيفوئيد
أهم الأغذية المسببة للإسهال في فترة الصيف هي: الأيس كريم والخضروات واللحوم
وننصح بعدم أكل الاغذية غير المطبوخة مثل السلطات وخلافها
اتمنالك السلامه

[غلادنس]

دكتوره يعطيج العافيه ع النصيحه

الاسهال يجيني بشكل مثل النزله المعويه بس من الحليب واللبن والزبادي

في اكل يسوي لي بس بشكل خفيف مو حيل

قالت لي الدكتوره ابعد عن الاشياء الي تجيب لي سهال عن لاتسبب لي اجهاض او ولاده مبكره

وانا كل ماسوي تحليل بول تتكرمي تقولي انه فيه التهاب في البول وفي بكتيريا وتقولي ان عندي جفاف

حاولت اعالجه بالماي بس تدري رمضان وصيام الماي يكون قليل

يعني في الليل بعد الفطور احاول اشرب اكثر من لترين ماي عشان ماترجع لي الاتهابات

وان شاء الله ربي يبعد عني وعنكم كل شر يارب

[سعودية الهوى]

والله يالغلا ماعندي علم
أن شاء الله يفيدونك البنات