طفلي عمره خمس شهور ونص وعنده امساك وماينام بالليل ساعدووووني

[غلانا]

السلام عليكم

اخواتي انا اعطي طفلي حليب اس 26 وياخذ يومين ما يتبرز مع انه قبل كان يتبرز باليوم مرتين وكان نفس الحليب ماتغير شي عليه وش السبب تتوقعون ؟؟

وغير كذا اذا جت الساعه وحده بالليل قام ولا يطيع ينام الا حول اذن الفجر

مع انه ينام بأول الليل بس عشان نومي انا خرب بسببه وانا ماباقي الا شوي واداوم ..

وش الحل برأيكم وصعبه يكون فيه نوم واخليه يسهر لما تجي الساعه 12

[عيش الحياة]

الامساك عادي اذا بدأتي تدخلي الاكل بس اذا انتي اعطيه عصير برتقال مخفف بالماء طبيعي 60 مل يوم بعد يوم

اما النوم حاولي بالتدريج يعني مثلا اخري نص ساعه في اليوم الاول وثاني يوم اخريه لاتخليه ينام ساعه عن وقتو وبالتدريح لما يتعود

[Mishael]

اهلين غلانا من زمااان عنك ،، شوفي حبيبتي مثل ماقالت عيش حاولي تنظمي نومه انا بنتي اذا نامت بعد العشاء اخليها نص ساعه او ساعه بالكثير واصحيها واولع النور وازعجها عشان تصحصح وعوديه هذا وقت نوم وهذا وصت القومه الصباح قوميه مثلن تسعه الظهر خليه ينام من وحده العصر قوميه المغرب بيدوخ وينام خوالين العشا بعد العشاء ثمنيه ونص قوميه ولاعبيه وضحكيه غيري مكانه كل شوي شغليله تلفزيون اكليه جوعيه حاولي ماينام الا عشر ونص او احدى عش وقبل ينام غيريله ودهنيه بزيت زيتون وفازلين ودلكيه ورضعيه خليه يشبع واشاءالله بينام يبيلك اسبوع وبيتعود ،،
طيب الامساك يمكن من الاكل خففي الحليب يعني مثلن العلبه مكتوب عليها ل140 اربع ملاعق حطي ثلاثه انا سويت كذا وارتحت وكل فتره اعطيها عصير برتقال بعد ماقالتلي عيوش

[يارحيم]

عادي انه يومين ما يتبرز وممكن يقعد اسبوع بدون مايتبرز.. النوم زي ما قالو لك الاخوات اذا نام بدري خليه شوي بعدين ازعجيه وصحيه عشان ينام بالليل..

[غلانا]

هلا وغلا ميشو اشغلني هالبزر حتى اخذت اجازه عشان اقابله الله يصلحه

الامساك عطيته عصير واشوى تحسن تبرز
بس النوم بحاول تدرون تو الساعه 3 نام ربع ساعه يوم جيت لقيته قايم ويلعب

[يارحيم]

اذا لقيتيه قايم ويلعب خليه بالظلام بسريره لا تلعبينه ولا شي ولا تحسسينه انك صاحيه عشان يمل ويرجع ينام..

[غلانا]

ياقلبي بيتي صغير شقه واذا خليته يقوم ابوه

سويت طريقتهم ولا نفعت نومته لما جت 10 قام ساعه بس

يوم جت وحده بالليل نام نص ساعه وقام

مدري وراه من تجي اخر الليل ينام ساعه او نص ساعه ويقوم مايطيع ينام الفجر

[يارحيم]

مافهمت وش قصدك ببيتك صغير بس اذا الولد ما ينحط بغرفه شبه ظلما وهادية طول الليل طبيعي انه بيصحى ويلعب كل شوي.. رتبي امورك مع ابوه انه الولد لازم ينام بظلام وهدوء طول الليل صدقيني ليله ليلتين ثلاث وبعدها بيتعود انه الليل وقت النوم مافيه مجال للعب.. اذا كل مرة يصحى يلقى ظلام وهدوء ومحد حوله لين ينام خلاص شوي شوي ويتعود انه يواصل النومه..

[Mishael]

غلانا عادي فتره ويتعود بس اتبعي طريقتنا بتأخير نومته واذا صحى خليه بسريره وابوه خلاص لازم يتعود عالصراخ والصياح مشكله كذا ،، احس اذا قام شلتيه وطلعتيه لصاله صح عشان ميزعج ابوه ؟؟
ترا كذا غلط انا اول مارجعت من الناس سويت زيك وتعبت ولاحظة عماتي داايم تعبانات فقررت اتفق مع ابوها واستغل الخميس والجمعه اعودها اخليها بسريرها واذا قامت ولعت نور خفيييف واخليها ولا تشوفني تبكي شوي بعدين تلعب بعديت تبكي وتنام وتعودت على كذا حاولي تعودينه لانه بيستمر ، عمتي عمر ولدها ثلاث سنوات وللحين كذا تعااااني

[غلانا]

امس نومته المغرب ولا قام الا 9 وتركته ويوم جت 12 وراه خالص تعبان نام يوم اذن الفجر وهو يقوم ههههههههههههههه

اذا صلحتها من هنا خربت من هناك

انا اخلي نور الغرفه اصلا ظلم ما افتحه
ويكون بسرير له لوحده بس معنا بغرفتنا

[احتشامي سر جمالي]

ربي يحفظه ويخليه لكم

البنات ماقصرواhwaml13

نفس حالتيhwaml15 استفدت من الردود جزاكم الله خير hwaml7

[ام فيصل 1]

اهلين شوفي ياقمر انا استخدم لولدي اس 26جولد شوفي مطلعين الان بالصيدليه نفس اس 26بس ضد الامساك والتحسس اعطيه ولدك وجربي عصير البرتقال المخفف الغير محلى

[درين]

الله يحفظ أطفالنا من كل مكروه و يخليهم ألنا يارب العالمين

[سيدة العمر]

انا كمان اعطيه اس 26 وتبرزه طبيعي ولما يتاخر بالتبرز بنبسط كتير لانه بيريحنى هههههه