بنات ردوا علي الله يوفقكن

[فقدت]

السلام عليكم بنات انا الي كتبت موضوع اول قبل اسبوعين قالوا لي كيس فاضي
اليوم رحت للطبيب عندي موعد وسويت لي الدكتوره سونار
قلت جتني الدوره يوم سته شهر خمسه وغسلت يوم الحادي عشر
جابت التقويم وتحسب لي قالت حاليا لك 6 اسابيع يعني شهرين بالظبط
وبعد ماسوت لي السونار قالت نفس الشي مافي نبض ننتظر بعد 20 يوم تعالي. بتكوني كملت اقل شي 3 شهور ...
وانا بالمستشفى بقسم الانتظار سالت وحده عني عجوز الله يوفقها مو كبيره
جايه مع بنتها قلت مرتين سويت سونار وقالوا لي فاضي وسالتتي كم لك قلت الدكتوره تقول شهرين قالت يابنتي عليج بالحلبه تقوي المبايض وبسوعه يبان الجنين... تقول الحبله تقويهم واذا قوتهم مرات تسوي توام الحين انا ودي استخدمها وخايفه والي مخوفني اكثر شي انه فاضي تكفون بنات استشيروا علي اتوكل ع الله وانزله ولا اشرب حلبه ولا انتظر الى موعد الدكتوره لاني انا يوم اسولف لحد عني يقولون مرات النبط يبين في الشهر الرابع
هل هذا صحيح ....؟


الله يوفقكن ياخواتي ويجزاكن الف خيرا

[هدووش]

والله ماعندي علم
بس الافضل تنتظري لموعد الدكتوره افضل
والله ييسرلك امورك

[sukar]

اللي اعرفه الحلبه تنزل الدم
انتبهي تاخذينها

وانتظري موعد الدكتورة احسن

الحلبة صح تقوي المبايض بس انتي فيك كيس الحين

[اه على طفلي]

هلا حبيبتي ان شاء الله تسمعي وتفرحين فيه انتي وياي وانا الحمدلله سمعته ومن زمان يعني 7اسابيع او8وبين لاتشربي حلبه روحي مستشفى حكومي ويعرفوا لك احسن

[يارب عفوك]

لاتستعجلي نصيحه مني عليك بالاستغفار

انا يوم حملت رحت لها وقالت لي بالاسبوع الخامس وبس باين كيس رجعي لي بعد 3 اسابيع

ورجعت لها وماشاء الله الجنين والنبض بااان

يمكن تكوني حملتي متاخر

لو حملك في اشكال راح ينزل منك دم

[يارب عفوك]

والاسبوع السادس مااتكوني كملتي شهرين توك شهر ونص

بشررينا عنك

ويااارب تسمعي النبض وتشووفي جنينك

[سوزان الرياض]

الحلبه لاقدر الله تنزل الجنين
اذا مافيه نبض ولا كتب ربي حمل اشربي الحلبه
الله يرزقك توام حسسن الخلق والخلق

[ام حمادي]

حبيبتــــــــي لا تخافي
أنا بحملي الأول بان متأخر
وان شاء الله راح تفرحين بشوفة الجنين قريب
تفائلي خير

[فقدت]

جزاكن الله خير ع كل من ردت علي الله يوفقكن ويرزقكن
شكلي انتظر مثل ماقلتن احسن
والله كريم