كيس على المبيض

[زوجة عبدالله]

السلام عليكم

كيف حالكم بنات

المهم انا حطيت قبل موضوع عن الدوره وكيف انها قليله
وينزل دم أسود

الحمد لله على كل حال
رحت سويت أشعه وطلع عندي كيس على المبيض
وقالتلي مررره كبير وما يروح الا بمنظار
وحولتني على مستشفى حكومي

وزوجة أخوي قالتلي روحي لدايه اسمها أم هليل في المدينه

يقلون كثير يتعالجون عندها
ورحتلها وعطتني اعشاب وشربتها وحسيت الدوره نزلت كثيره وطبيعيه وقطع كثيره
واستبشرت خير
واليوم 16 من الدوره وجاتني الالام في اليسار اللي هو مكان الكيس
ووحزنت

ونفس الشهر اللي راح جاتني آلام ونفس وقت التبويض بس ولما يخلص وقت التبويض تروح الالام

علما بان الدوره تجيني بوقتها ما تتأخر

الله يفرج همومكم اللي تعرف عن الكيس وأعراضه تقولي

[sweet moon]

والله مالي علم يأختي

بس شوفي الدكتوره وشوفي الكيس

يمكن مثل ماقالت لك كبير وضروري يروح

لاتهملي عمرك

والله يشفيك ,,,

[شجون الروح]

عادي حبيبتي انا معي كيس على المبيض وتكيسات واحس بوخز جهت المبيض وقالت الطبيبه لابد من عمليه تركتها ورحت لدايه والحمدلله طمنتني قالت الكيس مايمنع الحمل ابدا اذالهرمون الحليب منتظم ومافيه مشكله بالدورة تحملين والحمدلله حملت والكيس مازال موجود