استفسار بخصوص أبر الحديد....

[لور]

السلام عليكم ..
انا بشهر السابع وعندي فقر دم نسبته9
الدكتوره صرفت لي 5 ابر حديد ابسأل عن الابر احد جربها وهل
هي مضره لان سمعت انها تزيد وزن الجنين.
ردو الله يجزاكم خير.

[شموسه]

هلا والله فيج


شوفي لا تاخذين ولا ابره

في فيتامين حديد

انا بعد فيني فر دم مثلج

مازادت الجنين عادي اخذيهم لمدة شهرين بس التاسع لا تاخذينه

فيتامين حديد للحوامل

لا تاخذين ابر يمكن تسقط الجنين

وانا نصحتج وعلمج

[**سماسم**]

يالغاليه تأكدي أنها ماكتبت لج إلا وهي ضروريه لج وللجنين ..
وربي يكتب لج إلي فيه الخيره
,,

[سموة الشوق]

بنت عمي

عندها فقر دم وهي حامل ومن الشهر الثامن اخذته ووصفت لها الدكتورة ابر الحديد مثل المغذي نصف ساعه تاخذها

واخذتها
والحمد لله ولدت ولد طبيعي وماشاء الله

تطمني يالغالية

توكلي على الله وخذيها

ماوصفت لك الدكتورة إلا أكيد عارفة ان هالشئ لصالحك ولصالح جنينك

الله يسهل عليك خيتو ويرزقك الذرية الطيبة من عنده

[رجاوي55]

ياقلبي انا وصفتلي الدكتوره هادي الابر
ودحين ليا اربعه ايام اخدها
باقيلي تلات ايام واخلص منها
مرررره عاديه تاخديها على مغذي 200مل
ماتاخد منك نص ساعه وكمان ابره في العضل مرتين بالاسبوووع
وان شالله يكون مفعولها كووويس

[rose]

حبيبتي انا بنت خالتي بحملها وصفتلها الدكتورة6 ابر حديد
واخذتها والان ولدها لاقوة الا بالله مافيه شي يججججججججججججنن
اتوكلي ع الله غالبا الابر
تكتب اللي يكون نسبة الحديد جدددددددددددددا منخفضة عندهم يعني حتى الحبوب ماتنفع
لان نسبة الحديد تكون جدا ضعيفة وبتهدد الجنين
اتوكلي ع الله

[صدفة عمر]

::



انا اخذتها بولادتي بس مغذية وحدة بس طولت كم ساعة

لاني بالولادة نزفت كثير فتوكلي ع ربك وخذيها


::

[سوسنة]

لا تخافي ابر الحديد مهمة للحامل ولن يضرك شيئا

[شموسه]

الله يحفظج مادام البنات عندهم خبرات توكلي على الله

[ولاااء]

انا اخذت 5 أبر في ببداية الشهر السابع بالاضافة الى الحبوب ومانفعت معاي مازادتني الا اربعة من عشره

والله يعيني هالحين مدري وش بتسوي لي الدكتورة
الله المستعان

بس ترا بعضهم تنفع معاهم ويرقى دمهم

[نبع المحبة]

الله يوفقج خيتوو
توكلي على الله وخذيها
وان شا الله ما فيه إلا الخير

[لور]

الله يجزاكم خير طمنتوني

[Fawzia]

بصراحه انا في حملي في بنتي كانت عندي انيميا حاده وانا كنت اراكض بكل قوتي عشان يكتبون لي هالابر... لكن الدكتوره قالت لي لا تاخذينها!.. مع ان دمي كان 6 ونص.. قالت لي تأثيرها الزمني بسيط وما ترفع هذيج الدرجه مثل لو أكلتي بنجر (لفت - شمندر) و بقدونس وكبده وزيتون وتين والمكسرات الى جانب الوجبات اليوميه.. يعني اكثر من خمس وجبات في اليوم.... فكان هذا اكلي طول الوقت.. لكن انا وحامي اسمتر لآخر الوقت .. يعني كنت ارجع كل شي تقريبا.. حتى الماي..
فظلت نسبة دمي نازله 7.5 في الولاده.. وبعد الولاده على طول نزل اكثر وصرت 4 ونص ورفضت نقل دم ورفضت ابر الحديد...
الدكتوره هنديه وكانت تقول انهم يوصفون هذي الابر للهنود في القرى النايه لانهم يدرون انهم ما رح يرجعون!.. وتأثيرها بسيط أقصى مده ممكن يظل تأثيرها هو اسبوع!
يعني المصدر الطبيعي للحديد.. افضل مية مره من الابر.. وكتبولي حبوب الحديد بكل انواعها واحجامها وكنت اخذ اكثر من 3 حبات في اليوم.. ويادوب طلعت نتيجته... وخصوصا ان البيبي يستهلك من دم الام كميه اكبر في الشهور الاخيره..
هذا والله اعلم
... حاولي تاكلين تبوله كل يوم!... ما رح تضرج.. وان شاء اله ربي يقومج بالسلامه..

[الدكتورة ناهد]

السلام عليكم ورحمه الله وبركاته
اختى العزيزة بخصوص الابر الحديد كثير منيحه ولاتخافى ماتعمل زياده بوزن الجنين لكن انصحك تآخذي البنجر .. ابشريه مع السلطة .. أو في الخلاط مع عصير التوت ..

يرفع الحديد بنسبة كبييرة ..

أو تآخذي الزبيب الأسود ...
اتمنالك السلامه

[جودان]

عادي ياقلبي لاتخافين
بكل حملي لازم اخذ ابر وفتامين حديد
لانو عندي فقر دم