حمل ووجع ضرس ساعدووووووووووووووني

[* ملاذ *]

مراحب للغالين
زي مافي العنوان حامل بالشهر الثاني وعندي ضرس العقل ملتهب hwaml79
الله يوفقكم ويحقق لكم امانيكم وش اسوي
كل المستشفيات مارضوا يخلعونه يقولون بالرابع نخلعه
وانا جربت كل مايخطر بالبال حطيت قرنفل وحطيت زيت قرنفل وحطيت مُرَة وحطيت بندول مطحون
وكل ماأحط حاجة من اللي قلتها على الضرس يتخدر ثواني ويرجع الالم وبعدها ماينفعني اللي حطيته
أفيدوني بتجارب او معلومات والله الالم منكد علي مرة hwaml79

[شموسه]

اولا ماتشفين شر

مبروك على الحمل


ومبارك عليج رمضااان


شوفي حطي مسمار بهار

وغطيه بقصدير

واكلي حبتين بنتول

وغطي راسج بكبوس او طاغيه وغطي اذونج ولفي نفسج بالفه وغطي راسج عن الهواء بعد نص ساعه راح يروح ان شاء الله العوار

انا جربته بكل حمالي

[اوراق الخريف]

انا مثلك بس عندي ضرس شايله عصبه وملبستهوالحين مقوم الدنيا علي ويقولون مالك الا الأموكسيل هو المضاد الحيوي الوحيد الآمن لك وقاعدة استخدمة وافطر بسببة لأن لازم آخذه كل 8 ساعات مدة 5 ايام والله يهون امورنا ويسهلها لازم نتحمل وشنسوي




اوراق الخريف

[ام اتوكي]

حبيبي والله حاسه فيكي 00خذي العلم مني00قبل يومين كان عندي ضرس متاكل ماباقي غير الجذرورحت لدكتور حمار وانتي بكرامة وقالي لا ماينفع اولدي وبعدين تعالي وانا حامل بالثالث00فرحت لدكتور كويس الله يستر عليه ولما خبرته قال ليش ما قد سمعتي عن بنج الحوامل والحمد لله ضبطه وكل شي تمام00بس بصراحه انا ضحكت عليه وقلتله انا في نهايه الرابع00واهو رحت اليوم اتطمنت عالجنين وكل شي تمام000روحي واتوكلي على الله والله يقومك بالسامة

[**سماسم**]

روحي للمستشفى حتى لو مارضو يخلعونه يعطونج أي شيء يخفف الوجع ..
وإذا تعرفين القطران هو زين لألم الأسنان بس ماتشربينه بس تشمينه لانه خطر ينبلع ..

[دلعF]

الله يعينج يا روحي

[نبع المحبة]

الله يعينج خيتوو ويسهل عليج الامر ويخف الألم

[ولاااء]

انا حالتي مع الاسنان حالة وكل مره يقولون لمن تولدين

مره طاحت حشوتي

ومره طلع لي ضرس العقل

واخر مره راحاتي التهبت بقووووة وبغيت امووت وعطتني الدكتورة مضاد حيوي اموكسيل
(في الشهر السابع)

وبصراحة مادعاني قلبي اخذه قمت حطيت ملح مانفع وحطيت قرنفل ومانفع واخر شي ماتحملت و بلعت حبة اموكسيل وحده وتمضمضت بمرة والحمد لله استمريت على المرة وتركت الاموكسيل لاني كنت خايفة رغم انو الدكتورة قالت عادي وان شاء الله يارب مايضر
والحمد لله خف الالم بشكل متلاحظ
والله يكفيني شر هالاسنان لمن أولد وأطلع من الاربعين
الله يعينك

[* ملاذ *]

الله يجزاكم خير يالغاليات
وأبشركم توكلت على الله وخلعته
والحمد لله