طمنوني ربي يطمنكم ويرزقكم بذريه الصالحه

[ستغفر الله]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

انا كنت حامل بنهايه الشهر السادس وكل شئ اوكي وراجع كل شئ وكل شئ تمام لله الحمد بس قبل فتره
مر يوم كامل بدون لاحس بحركه الجنين قلت يمكن يتهيئلي وثاني يوم هم ماحسيت بشئ
اهني ماقدرت ثاني يوم الصبح رحت الطبيب وقلت له يومين ماحس بحركه الجنين
ولما سوا سونار كانت هني الصدمه


حط السونار على بطني عشان يسمع النبض ماكو شئ ,,,, بس صوت الهوا اشششش
الجنين متوفي
انا اهني نصدمت قبلها بأقل من 10 ايام كنت رايحه موعدي وكل شئ كان ممتاز لله الحمد
وقال الدكتور شكل الجنين بسونار سليم 100% وماني قادر احدد السبب
المهم بعدها بيومين عطوني دخلت المستشفى وعطوني طلق صناعي ونزلوه
كانت بنت :( مستحيل انسا شكلها :(
وماقدرو يحددون السبب بعد الولاده يقولون ماكو سبب من الله سبحانه

انا راضيه بقسمه ربي لله الحمد وقدر الله وماشاء فعل

انا بجر وخايفه نفسيتي تعبانه ماني قادر استحمل شئ وخصوصا اني بديت بتجهيز وشريت نفانيف للبيبي تهبل :(
تعبت و ودي أحد يطمني في احد صار معاه جذي وحملتي بعدها؟؟
انا الحين بالاربعين وحدي تعبانه :(

[رهـف]

الحمد لله ع سلآمتك غاليتي

وكل مكتوب من رب العباد أنت بس أدعي ربك يعوضك خير

اعرف وحده بنفس حالتك والحينأ جابت بنوته تهبل

ربي يرزقك من ثاني غاليتي لآتخافين أحيأنا ماكو أسباب

والف سلآمه عليك

[rose]

حبيبتي والله صارت وتصيييييييييييييييير
وراح تصير مع اي وحدة مو بس انت

صح انا مو زيك بالشهر السادس
بس نفس السبب بشهرين او شهرين ونص ونزلوا اتنين
يقولولي حمل ضعيف
الله اراد
وربي رحححححححححححيم بعباده وخيرة لك
ويارب يعلها شفيعه لك بالاخرررررة وتشوفيها من اطفال الجنة ملاااااك طاهر يارب

اسباب الموت الفجائي للطفل للان الطب ماحط فيها مسائل ثابته بتختلف
من امراة لاخرى
ومن قال ماتقدري تحملي
تحملي عااااااااااااادي ياقلبي
وكلي امرك لله الواحد الاحد
وربي يفرحك عن قريييييييييييييييييب

[sweet moon]

ربي يعوضك خير

والله يرحمها

وفي كثير يصير معاهم كذا

ورجعو حملو والحمدلله

تطمني يأختي ولا تشيلي هم

[ستغفر الله]

مشكوورين حبايبي الرد وكلامكم ريحني ومابي منكم على الدعوه ان الله يرزقني عاجلا ليس أجلا

اللهم اجرني في مصيبتي وخلفني خيرا منها

[sweet moon]

ربي كريم اختي

والله يعوضك خير ويصبرك

ويرزقك تحملين بحوله وقوته

[**سماسم**]

ربي يعوضج إن شاء الله بالذريه الصالحه عاجلاً غير أجل ..

[دلوعة بالحيل]

الله يعوضك حبيبتي
انا ولدت ولاده مبكره في السادس وجبت ولد
وجلس 3ايام وتوفي
الحمدلله على كل حااااااااااااااااااال
وربك كريم
والحمدلله الحين حامل في الخامس الله يعطيني ساعه طيبه
ويرزقك انتي وكل محرومه يارب

[عبير العمر]

الله يعوضك وان شاء الله شهر الجاي تحملين يارب

[بنت الريف]

أنا أختي ماتت البنت بطنهااا وعمرهااا 8 شهور بسسس كان السبب الحبل السري ملتف برقبتهاااا
بسسس الحمدالله خلصت الأربعين وحملت بعد شهرين وجابت بنت والحين حامل مرة ثانية.
الله يرزقج الذرية الصالحة ويكتب لج الخييييييير.

[Mقمة البرااااائهM]

الله يرزقج من حيث لااااا تحتسبييين..................

[انتظرك بلهفه]

حبيبتي انا بكريه حامل بشهر ونص وكنت عادي احس بالوحام زي اي وحده حامل وكان عندي موعد ورحت وما كان ابد في بالي اي شي غير اني اشوفه في السونار واتخيل شكله كبير عن اول والصدمه انه نموه متوقف يعني ميت وصرت كذاhwaml03 ما صدقت قالوا طبيعي من عند ربي لحكمه ربي يعلمها الحمد لله الخيره فيما اختاره الله والحين تقول نزليه وماقدرت عندي موعد بكره يسون لي تنظيف
حبيبتي لا تزعلين مثل ما اعطى ياخذ وهي تشفع لك يالله ماحلاها من نعمه

[ستغفر الله]

مشكورين حبيباتي والله ماقصرتوووو

بس حبيباتي انا خايفه لأن ماعرفو السبب ومابي الشئ يتكرر :(

[ستغفر الله]

اب اب بنات وينكم