انا راح اولد ولا مطوله طفشت؟!!

[قطوة]

السلام عليكم بنات
باجر الخميس موعد ولادتي وانا من امس طول اليوم تجيني اوجاع تروح وترجع
اسفل شد البطن ومغص واحس بالجنين واهو يدفع راسه على تحت وعوار بالظهر
بس كل ألم يجي لحاله مو كله مره وحده
وذبحني صاير ينزل علي افراز مخاط لزج جدا جدا 24 ساعه ينزل ذبحني ماعني عارفه
حتى اصلي تخيلو على ما اخلص وضوء مايمديني اوقف ع سجادة الصلاه الا وينزل هالافراز وارجع اتوضى
بدون ريحه ولونه ابيض مطاط جدا ولما ينزل ينزل لين ارجولي
وعزكم الله لما اتبول فجأه يدفع براسه واتبول لا ارادي

[قطوة]

نسيت اقولكم ان ما نزل على دم ولا ماي وهالافراز بدون دم

[تفاصيل مجهوله]

حبيبتي هالاعراض تهيا للولاده بس احسبي بين كل طلقه وطلقه اذا كان اكثر من خمس دقايق ولانزل منك ماء
ولاشي فلا تخافي حبيبتي وب النسبه لموعد الولاده عادي تتاخري اذا انتي بكريه يوم او يومين وللتاكدي اكثر روحي افحصي
والا فرازت انا كانت تجيني بس مو لدرجه تنزل ع رجولي عشان ترتاحي وتطمني افحصي عن اتساع الرحم

[قطوة]

ربي يطمن قلبج بس اوجاع تزيد ع الفاضي لافي دم ولا ماء

[كشه ناعمه]

يمكن الرحم يفتح من اللطلق الي يجيك انتي ع قرب وﻻده روحي يقيسون كم فتح ع اﻻلم الي تقولين
اذا مفتوح وقالو لك وﻻدعطه الله يسهلك واذا قالو ﻻ مو مره باقي اطلعي وامشي احسن لك وريحي ولما يزيد اللم راح ينومونك

[طيبتي غلطتي]

الله يسهلك يارب طمنينا عنك

[دلوعه عبدالله]

هذي بوادر ولاده روحي وشوفي الرحم فاتح كم

الله يسهل عليك ويقومك بالسلامه ان شاء الله

[ناعسة العين]

وعليكم السلام
ربي ييسر لك ويسهلك ونسمع بخبر ولادتك اليوم الخميس

[قطوة]

ايه والله الالم كل ماله ويزيد
ابنتظر اذا ما ولدت بروح المستشفى اشوف الرحم جم فاتح عندي

[عنبر الورد]

الله يسهل عليكي ويقومك بالسلامة انشالله بشرينا بالولادة

[منى العين]

انا كنت مثلك وما توقعت ان بولد ويوم رحت المستشفى طلع فاتح 4

[aso.]

الله يسهلك ويقومك بالسلامة يارب

[ملكتني بهمسك]

الافرزات هي ماتنقض الوضوء دام توضيت صلي حتى لو جالسه تنزل .. والله اعلم
والاعراض الي عندك كلها تدل على قرب ولاده فلاتخافي اذا حسيتي بالم سار قوي على طول روحي للمستشفى مو لازم ينزل منك دم او مويه فيه حريم وانا من ظمنهم اول مايشد الم الطلق نروح للمستشفى هما يفتحو عندهم كيس المويه

الله يهون ويسهل عليك ويرزقك ساعه طيبه

[قطوة]

فعلا كلامكم صحيح جاني ألم بدون ماي ولا دم
وطلع الرحم مفتوح 3 سم
الحمدلله ولدت