تجمع لامهات الاحساء عن المستشفيات الخاصه

[تنهيدة ودااع]

السلام عليكم يالغوالي


ملفي هذا بغيته مرجع للحساويات وابي كل وحده تكتب تجربتها بالولاده

في اي مستشفى خااص من ناحية النظافة والعنايه والاهتمام والسعر وجميع السلبيات والايجابيات

ياليت تفيدونا

[يارب عفوك]

موضوع حلو تنهيده.~

بس انا بكريه..~

بس اختي ولدت بمشفى المانع والاحساء..

وقالت لي الاحساء افضل من المانع.~من ناحية النظافه والاكل والعنايه وكل شي..


والحرس الوطني.~

رهييب على مااتتكلم عنه اختي..

تقول غرفه خاصه ولاده سهله من الله واعتنى بها لين ماتطلع..

والاكل نظيف وكل شي طازج..

والبيبي ينظفونه لك ويروشونه ولايعطوك اياه الإ بالنهار وبالليل ياخذونه

عشان تنامي..

بس هذ1 اللي اعرف

[رمش القمر]

هلا اختي انا اتعالج بمستشفى الاحساء ولدت عنده مرتين والله عنايه ونظاااافه ودلال
ورحيون الوالد مثل ماقالت من تولدين ياخذونه ومايعطونك اياه الا مرتي او ثلاث مرات باليوم لمدت ممكن ربع او نصف ساعه وانا انصحج فيه اما عن الاسعار والله مدري لانه اتعالج عندهم تبع شركة زوجي
وربي يتمم عليك بخيير

[تنهيدة ودااع]

يارب عفوك

رمش القمر

اسعدني مروركم اشكركم لتواجدكم بصفحتي

[ولاااء]

موضوع حلووووو ياليت الكل يتفاعل

لاني محتارة وين أولد

[ولاااء]

يسلموووووووووو تنهيدة وداع عالموضوع

up

[تنهيدة ودااع]

وينكم محد رد الا يارب عفوك

[نبض قلب حمني]

والله انا مالي خبره لاني بكريه زوجه اخوي ولدت بالحرس وتقول حلو وتمدحه
وولدت بالموسى وتقول حلو بعد بس مو مثل الحرس

اما اختي ولدت مرتين بالولاده ولاادري عن رائيها فيه بس هذا بنوتاتها بصحه الحمدلله

[مليت فرقاكـ]

حماتي و لدت في ا لاحساااء تقول روعه اهتمام وياخذون البيبي عندهم ..

وبنت خالتي في المانع تقول مو ذاك الزود بس على التأمين

[ياويل حاااالي]

يالغلا انا ساااااكنه بالدمام ....
وعندي بنت خااالتي متزوجه من الاحساااء وولدت بمستشفى الحرس بس رووووعه في كل حاااجه حتى يختنونه لك في اول يوووووووم بس نظااااااااااافه ويهبببببل...

[تنهيدة ودااع]

اكثركم مدح الحرس اللي الحين صار بس تبع اللي يشتغلون بالحرس والقسم اللي كان بفلوس

كنسلوه

[ولاااء]

انا سمعت اللي زوجها تبع الحرس يهتمون فيها

اما اللي زوجها ارامكو ولا داخله بالاسعاف معاملتهم لها زفت
حسب كلام صديقتي هي زوجها في ارامكو ذمت لي في الحرس ذم الشررررر
وقالت انهم هزؤوها وقت الولادة ومايقربون لها الاكل يقولون لها قومي انتي اخذيه والبيبي كمان

بس عندي قريبة لي زوجها يشتغل دكتور في الحرس ولما ولدت فيه عاملوها معاملة راقية ومدحته لنا هي وامها بالحيييييل

والله العاااااالم

وان شاء الله نلقى تجارب شخصية اخرى

[ام لموره]

مو على البيبي ولا المكاااااااان
انا اهم شي عندي الخياطه يعني الي بتخيط لك تخيط لك خياطه كويسه
لين الحين ماعندي خبرره

[ohood]

انا ولدت في مستشفى الولادة والله فلبينيات يجيبون المرض بعضهم من التعامل الزفت والنفسية الخايسة

اما بالنسبة للخاص مرت حماي ولدت في الموسى ما تمدحه

[غروب]

ماعندي خلفية

[تنهيدة ودااع]

للرفع


ابغى اراء ثانيه ياليت تفيدوني

[سعودية الهوى]

أنا يالغلا ولدت بالمانع ومررررررررره اهتمو فيني
وصراحه نظافه واهتمام مو طبيعي فيني وفي البيبي
ويعطونك اياه في اي وقت تبينه لكن اكلهم مو حلو
ونا هالمره اتابع عندهم بعد

[اميرة بدنيتي]

صراحه مو مثل مالاغلب يقول الحكومه زفت والخاص عال العال

الزين موجود بالخاص وبالحكومه

والشين برضو موجود بالاثنين

مستشفى الولاده لي فيه 3ولادات تعاملهم معي كويس

ودحين فيه القسم الجديد روعه ماشفت قصور

والخاص جربوه خواتي الموسى صراحه ماعجبني

من وصفهم اختي ولدوها وخيطوها بعدين طلعوالمشيمه

تعذييييب مررررره

[تنهيدة ودااع]

مشكورين يالغوالي عالمرور

للرفع

[مدوخه حبيبها]

انا ولدت بمانع الاحساء من 4سنين وكانت معاملتهم جدا حلووة
بس ابغى اعرف كم سعره الولاده اللحين؟
ياليت اللي يعرف يفيدني..

[ليال العيد]

السلام عليكم انا مشتركه جديد في المنتدى
وحبيت اشاركم الموضوع
انا زوجي موضف في سابك وعندي علاج في الحرس
بس مادري يعطوني غرفة خاصة ولا لا
الي عندها خلفية عن الموضوع تعلمني
وشكرا

[جولييت]

انا جربت الولاده وتنيمت ومعاملتهم زفت زفت زفت ووقت نزلوني للولاده الفلبينيات معاملتهم زفــــــــــت ولما دخلوني على غرفة العمليات زفـــــــت قسم بالله زفت واستغرب اذا سمعت من صديقاتي ولا من الحوامل هنا ان معاملتهم حلوه!!!!!

مع اني ماكنت اتذمر ولا اشتكي ولاافتح فمي بس ليش نفوسهم زفت كذا مادري!

الله يكون بالعون... من الحين احاتي هالمستشفى

[ملكة البحر]

يسعد صباحكم انا اختي ولدت بمستشفى الاحساء تمدحه من حيث العنايه والنظافه والاهتمام فيها وبالبيبيى وانا الحين اتباع فيه وبالنسبه للاسعار ماادري لاني تبع شركه زوجي والله يهون على الجميع