بنات ساعدوني .. :( ينزل ماي مافي لاريحه ولالون

[فطوومه]

السلام عليكم ورحمة الله وبركاته ..
شخباركم حبايبي ..

من اول امس كنت سهرانه بالليل .. المهم رحت دخلت الحمام اعزكم الله .. وحسيت شي قطر مني بس مو وايد كان شي بسيييطط جدا ومت خوف رحت مسكت اللي طلع بايدي وكان ماي مافي لاريحه ولالون رحت عند امي بسرعه وقالت لي يمكن مو ماي يتهيالج وقالت لاتاخفين اذا في شي بينزل ماي وايد .. المهم امس فليل صارت لي نفس الحركه بالليل دخلت الحمام وحسيت ان شي ينزل مني ومسكته كان ماي لالون ولايحه بس بعد كان قليل جدا .. وانا خايفه انا مو متاكده هو ماي ولالا واذا كان ماي هل هو خطر ؟ من صار معاها نفس الشي .. وللعلم مارحت لدكتوره قلت بنطر لان موعدي باجر الظهر

[اخت عبدالرحمن]

الله يطمن قلبكً

انصحك تروحين المستشفى وتطمنين

[ملكتني بهمسك]

روحي للدكتوره واكيد خطير لو نقص المويه على الجنين والله يهون ويسهل عليك ويرزقك بساعه طيبه

[طفلي الأول]

أنا صار معاي كذا
يمكن أربع أو خمس مرات ينززل ماي بس مو كثير بس يصب
ورحت لدكتوره وقالت ماي الجنين مانقص منه شيء
وعادي شيء طبيعي
بس إذا نزل معاك ماي أكثر تعالي
و بعدها بكم يوم ولدت ألحمدالله
وجتني المويه الكثيره يوم انفتح الكيس حق الجنين ونكبت
بس لا تخافين و روحي لدكتوره تطمني وريحي بالك

[أم تااالين]

الله يسهل علييييك
وطمنيناااا عليييك اذا رحتي موعدك

[ام غلا 2009]

انا صار معي نفسك ورحت للدكتوره وتطمنت على مويه الجنين وقالت اللي معك التهاب

[ρυяỉтч •]

حبيتي دام ماله ريحه فمو مويه الجنين
مويه الجنين ريحتها مميزه سبحان الله ، اعتقد التهاب وعموما عادي ايام حملي تنزل مويه كذا وكان عادي وطبيعي

[ميوسة العراق]

حبيبتي هذا التهاب صاير معك اني قبل فترة صارت معاي تقريبا استمرت الحالة خمس ايام كانت كل مشوار احس مي ينزل
ولمن رحت للدكتورة طلع التهاب والحمد لله اخذت علاج وراح لاتخافين هذا التهاب

[aso.]

الله يطمنكك

[ورودي البيضاء]

ممكن يكون التهاب وممكن تسرب من موية الجنين لانها مو شرط تكون كثيرة بالعكس ممكن نقاط وممكن حتى رطوبة بس وصارلي هالشي

مادام موعدك الظهر فهو قريب روحي و الدكتورة تشيم عليك و تقلك صعب نحددلك احنا صدقيني بتشوفي كذا رأي وتحتاري اكثر وتوسوسي

[فطوومه]

مشكورين حبايبي ماقصرتوا ..
رحت لدكتوره وقالت لي عادي بس لو ينزل عليج وايد ويبلل ملابس ارجعي لي.. وانا الحمدلله من ذاك اليوم مارد نزل علي شي

[مهره الدنيا]

هو اكيد طبيعي

الله يسهلك يارب حبيبتي