اختفت اعراض الحمل بالاسبوع الرابع!! كيف؟

[om khalil]

السلام عليكم خواتي

الله يثبت حملنا جميع ان شاءالله

انا حامل 4 اسابيع، ومع بداية الحمل حسيت بغثيان ودوخه وتعب وارهاق
وثقل بالصدر ومثل الوخز فيه وفي بطني، وطعم مثل المعدن في لساني..

من يومين عزكم الله نزل مني مثل الخط ابيض مدري شنو هذا؟
طوله بطول الاصبع تقريبا..

وصرت الاحظ عقبها انه خف علي الوحام هذا بس الام باسفل ظهري

هل يعني اني اجهضت؟؟؟ افكر اروح اكشف بكره ويارب لطفك. ادعولي يرحم والديكم

[rose]

حبيبتي الاعراض اللي تقولي عنها
هي اعراض بداية الحمل
علامات الحمل بمعنى اصح
حبيبتي الاجهاض مو افراز ابيض
الاجهاض الله يكفيك شره نزول قطع بنيه اوصال دم
وله علامات الم بطن وظهر زي الطلق
ونزيف متقطع او مستمر
لا تخافي وكلي امرك لله
ويمكن انت ماشاء الله من الحريم اللي مالهم وحم
واذا حابة روحي اتاكدي من الطبيبة
وربي يتمملك ع خير

[غلازوجي]

اهلين اختي الله يثبت حملك وحملي ويفرحنا بشوفتهم اختي الاجهاض ينزل معاك دم بغزاره يمكن خف الوحام لانك ارتفعتي اشوي بس الافضل تروحي وتتطمني اذا خااايفه وشاكه انا اول حمل لي ونزل معي دم والدكتوره قالت لي لازم راحه تامه وهذا انا ع ظهري
والله يطمن بالك وبالي ويثبت حملي وحملك
تقبلي مروري

[sweet moon]

لا ان شالله مو اجهاض

الاجهاض مثل ماقالو لك

ينزل عليك دم

او زي الافرازات البنيه

ومرات قطعه مثل اللحمه

ويمكن انتي من النوع اللي مايتوحم

الحمل يختلف من حرمه لحرمه

والله يتمم عليك

[آحسآس]

حبيبتي انا بقولك تجربتي

انا توحمت شهرين وبعدين خف الوحم ومعدت احس بشي صرت اكل طبيعي مثل اول

وبعدها بفتره رجع لي
ومافي مانع تروحين تتطمني
والله يتمم لك على خير

[™ روحــي فــــدٱٱٱهـ« ||]

الله يثبت حملك ياااااارب وتفرحي بشوفت طفلك بين إيديك..

[صدفة عمر]

::



الله يثبت حملك

بس لاتوسوي مثل ماقلوا البنات الاجهاض دم غزير



::

[om khalil]

مرحبا خواتي

اليوم حسيت بدوخه من جديد والحمدلله تطمنت
انا عادة وحامي صعب ويبدي من الشهر الثاني

واللي خلاني اوسوس انه سبق لي الاجهاض
ونزلت مني قطعة بيضا بحجم الكرز
من دون دم ... وطبعا وقتها رحت المستشفى وطلع اني اجهضت بالفعل
وعملوا لي تنظيف... ياالله لاتعود لي هالايام يارب

مشكورين خواتي،،، والله يثبت حملي وحملكم جميع يارب

[smoor]

الله يطمنك ياحبيبتي عادي انا انقطع عني الوحام بالاسبوع الرابع وبالاسبوع السادس رجعلي اقوى شي الله لايوريك الله يتمم لنا ويهون علينا وكل الحوامل

[ام البنوتاات]

الله يتمم حملك على خير

الوحام ببعض الاحيان يروح ويجي

[om khalil]

غبت عنكم لانه رجع لي اقوى ومافادتني الحبوب هالمره كثير
يالله لك الحمد والشكر شكرا لكم خواتي

[بوسي1]

حبيبتى الف الف مبرررررررررررررررررروك على الحمل ويارب يا كريم يثبتلك حملك ويرزقك بطفل سليم معافي اللهم امين

ويرزقنى واياكى بالذريه الصالحه حبيت ادعيلك يا قمر