مستخدمات الكلوميد افيدوووني جزاكم الجنه

[روح متفائله]

اهلين
بعد موضوعي الي فات ارتحت لكلامكم ربي يخليكم ويبارلكم بحياتكم
تابعت عند دكتورتي ورحت ثاني يوم بدوره عطتني كلوميد لمدة خمس ايام مع حبوب نوعين وقالت اجي بعد اسبوع اعمل تصوير عشان تشووف وضع تبوووويض
سوالي هل لازم تعطيني ابره تفجيريه مع الحبوب ولالا انا متخوووفه من سالفة كلوميد بروحله شلون ابره تفجيريه لانهم يقولو تسببب حمل بتووووووام وانا افكر ماكلها باقيلي 3ايام للكلوميد """اقدر ارفض الابره التفجيريه وايش البدائل وكيف اقنع زوجي الا يبغى اخذها وناس كثير يحذروني منها افيدوني بكل شي للي جربت وهل حملت علطول بعد كلوميد

[M0ra]

ليش خايفة من الابرة مالها تاثير فموضوع التؤام دى بتبقى ارادة ربنا اولا و ثانيا حالة البويضات و هل هيه جاهزة للتلقيح و عددهاا
اما البدائل فهى الاعشاب ولا انصح استخدامها مع الادوية لتجنب الاعراض الجانبية
موفقة ان شاء الله

[ام جادي"]

اذا قررت لك الدكتورة ابرة تفجيريه ليه ما تاخذيها خايفه من ايش
هي مجرد تفجر البويضه اللي نضجت ،فيه بعض البنات البويضه نفسها تنزل لحالها
انا في كل مره اخذ كلوميد تصرف لي تفجيري ومابعد كتب ربي لي شيء الله يكتب لنا ولك الحمل السليم عاجلا غير اجل

[nada-alrayhan]

عادي يا اختي اخذتها اكثر من مرة وماصار عندي حمل ليه خايفة ماعندها اعراض وماتوجع ولا شي بالعكس تحددلك وقت الجماع وان شاء الله يكون حمل يارب

[المياسه بوظبي]

انتي فكري فيها شو الفايده تاخذين كلوميد وتكبر البويضات وماتنفجر ؟؟ مابيصير حمل اذا حدد لج الدكتور تاخذين ابره تفجيريه ترا عادي تكون طبيعيه نفس الانسانه اللي تنفجر بويضاتها بدون ابره بس هذي تساعد على تفجيرهم بشكل مضمون ؟؟

وانا لي اعرفه الابر المنشطه هي اللي ياخذون معاها ابره تفجيريه بس الكلوميد لانه اخف من الابر المنشطه فمايكون لها اي لزمه

وانا افضل تسالين الدكتور احسن والافضل تكملين كورس الكلوميد للحمل والله يكتب لج اللي فيه الخير واذا ربي رزقج بتوأم حلوووووووو ليش خايفه؟؟؟؟

والله يرزقج يارب بالذريه الصالحه السليمه المعافاه يارب

[روح متفائله]

جزاكم ربي الجنه