كيسين حمل ونبض واحد ....كيييف

[ام يوسف0]

سلام عليكم
شحالكم بنات
اعرفكم بنفسي انا عندي بنوتة عمرها سنة ونص ربي يحفظها
والحين حامل ولكن يوم كشفت بالسونار طلع عندي كيسين حمل
واحد سمعت نبضه والثاني ماسمعت وكنت في الاسبوع الخامس اعتقد
وعندي نزول قطرات دم لونها بني غامق اكرمكن الله وطول نزول الدم لين اليوم
يعني تقريبا 3 اسابيع والدكتورة قالت عادي
وعطتني موعد بعد اسبوعين سونار

بلييييز حد مر بتجربتي طمنوووني

انا اموووت فالتوم ونفسي فيهم

الله يرزقني ويزقكم يارب

[بعثرت احاسيس]

حبيبتي الله ينولك مرادك ويثبت حملك ويرزقك بالذريه الصالحه

انا اقول لو تغيري الدكتوره احسن وبعدين على فكره لو توأم المفروض تراجع

مرتين او 3 في الشهر وهذا الافضل


موفقه وادعيلي ربي يرزقني بالحمل التام الثابت ):

[copy twins]

ان شاء الله خير
يارب
حد يفيدك

[وفاءإنثى]

روحي دكتوره ثانيه ووووووشوفي ع قول اختي اللي قبلي
وان شاءالله ربي يقر عينك بتوأم حبيبتي

[ياسمين الشام2]

ان شاءالله خير انا كنت حامل بتوأم وكان في كسين ونبضين بس كان نبض اقوى من الثاني وبعد كملت الشهرين ونص مات واحد وبقى الثاني والحين قربت اولد وكلشي كان طبيعي والحمدلله

[الشموع المضيئة]

الله يتمم لك علي خير انا صار لي كذا اول ماعرفت اني حامل رحت وسويت سونار وكنت في الاسبوع السادس كان كيسين كيس فيه جنين ونبض والثاني ماكان واضح اي شي فيه وقالت تجيني بعد اسبوعين نشوف الكيس الثاني وش صار فيه ويوم رحت بعد اسبوعين بان الجنين الثاني وكل شي كويس وفرق بينهم عشر ايام في العمر
والحين انا داخله الثامن ودعواتك ربي يسهلي

[نقوش الذهب]

ان شاء الله خير
مايبان غيرالاسبوع التاسع اصبري
الله يرزقك

[ام يوسف0]

حبيبتي بعثرات احاسيس الله يرزقج بالحمل الثابت والدرية الصالحة
ياسمين ربي يسهل ولادج
اما شموع عطيتيني امل كبييير وربي يسهل ولادج وتكون طبيعي يارب

ومشكورات حبايبي
باذن الله بروح دكتورة غيرها وببشركم

[ام يوسف0]

مثل ما وعدتكم
رحت موعدي وكشفت بالسونار طلع بيبي واحد والثاني نزل
على شكل دم لمدة 3 اسابيع او اكثر
يمكن جسمي ضعيف وما يتحمل توم
حكمة ربي وهو اعلم بكل شي


حمدلله على كل حال
ربي اسالك حسن الخلق والخلقة