أجهضت في الشهر الثاني والسبب جرثومة القطط ،، الحمدلله على كل حال ًً

[أم مروى..]

السلام عليكم
كيفكم فديتكم

كنت وايد فرحانه لما حملت بس الفرحه ما تمت رحت المستشفى عسب افتح لي كرت الحمل اكتشفوا عندي جرثومة القطط واول مرة اسمع بهالمرض وكملت شهرين واجهضت والحمدلله
وقبل هالحمل حملت وانجبت بنوته الله يحفظهااااا

ما بطول عليكم فديتكم بس بليز من حصل لخا جرثومة وحملت بعد من اجهضت بشهر وجنينها طلع بخير وسليم
الله يرضى عليكم خبروني اللي عانت نفسي وحملت بعدين
قاعده احاتي ابي احمل

[nal1010]

ماعندي علم لكن حبيت ادخل وادعي لك الله يعوضك ويعوضني بالذريه الصالحة ف

[البستان]

الله ايعوضج بالحمل السليم
ماعندي فكره

[ام مشعولي]

الله يرزقك بالذريه الصالحه ماعندي فكره

[السحاب الأحمر]

جرثومة القطط اللي اعرفة تجي من القطط اذا عندك قطة في البيت وهي تسبب الاجهاض ..واعتقد والله اعلم تكون بالرحم ..وكمان يقولوا حتى الطيور ....وحدة قريبتنا اجهضت ثلاث مرات بسبب هالجرثومة بس هي كانت تربي قطط ....بس ان شاء الله تتعالجين عنها

[أم مروى..]

مشكورين
بس انا في حياتي ما لمست قطط ولا اربي قطط واخاف منهم والدكتورة قالت يمكن من اكل المطاعم

بس اللي عندهت فكرة تخبرني متى تحمل بعد ما اجهضت لان الدكتورة قالت لي انتظري 4 شهور وبعدين احملي بس انا اخاف اكون حامل بعد الاجهاض واجهض مرة ثانيه

[بوح القلم]

الله يعوضك حبيبيتي ويرزقك بالحمل قريب
بس الافضل زي ماقالت الدكتورة اقل شي بعد الاجهاض بثلاث شهور يحصل حمل عشان الرحم يرتاح ومايكون في مشاكل في الحمل
ربي ييسر لك

[اميرته]

السلام عليكم اختي الله يعوضك خير ويجعله شفيع لك بالجنه

انتي بالرياض اذا انتي بالرياض روحي لدايه ام مساعد بحي العريجاء مررره شاطره بهالاشياء يمكن ماعندك مشكله

خليها تكشف عليك انا معالجه عندها عشان الحمل بعد الله الله رزقني

مشهوره ويجونها ناس من دول الخليج وشاطره في كل شي

حتى لو عندك مشكله بسيطه تخبرك تقول علاجك بالمستشفى وتعلمك وش فيك

[lonnna]

ربي يعوضك عليكي يا اختي..

ويرزقك بالحمل ان شاء الله..


بنت خالتي حكتلي انها لما كانت حامل صابها جرثومة القطط لكن هي تعالجت وما سقطت..


وهي صح ما عندها قطط ولا تربيها لكن لما جت تشوف لقت انه في مكتبها بالشغل فيه قطة وكانت احيانا تدخل المكتب لما ما تكون موجودة وتقعد على كرسيها...


وهدا اللي سببلها الجرثوم...

[oumdarda2]

السلام عليكم ورحمة الله وبركاته اختي
انا الحين اعاني من هالمرض بس انا صابني في الشهر السادس قالت لي الدكتورة لو صابك في المرحلة اﻻولى من الحمل كان اجهضتي
بي الحين ماتسقطي بس ممكن تخلفي الجنين معاق او اعمى او و او واو......المهم انا الحين في الشهر التاسع واستودعت جنيني لله الذي رزقنيه وكيف ماجاءيبقى فلذة كبدي اللي حملته فاحشائي وتعبت ومرضت عشان شوفته وان شاء الله خير
بس عشان الجرثومة اللي صابته مرة مايخاف مرة ثانية هذا اللي قالته الدكتورة يعني لو حملتي مرة ثانية ﻻتحاتين ماراح ياثر ع اابيبي ان شاء الله تعالى وربي يعوضك خير ان شاء الله

[أسيرة زوجي]

الله يعوضك بالحمل السليم يا رب

حبيبتي راح تحملي ثاني ان شاء الله

بس حاولي تتعالجي أولا من هذه الجرثومة قبل ما تحاولي تحملي ثاني

الله يجيب الي فيه الخير