نزول دم اسود قبل موعد الدورة باسبوع

[سيران]

السلام عليكم...انا أختكم سيران،عضوة جديدة،ساعدوني.باليوم 13من دورتي سوينا،عشان نجيب ولد وكل شي بإيد الله تعالى.هذا كان بتاريخ 7من هذا الشهر....ومن 3ايام نزل علي دم اسود،ودورتي بقيلها اسبوع..انا قلت هي دورة واجتني بكير،وصرلي 3 ايام هيك،بس الدم قليل كتير ومابنزل وقت اروح عالحمام،بنزل شوي عالفوطة ووقت امسح بمنديل،ولهلق مافي بوادر دورة.....ساعدوني شو هالدم الاسود.ويجزيكم الخير،وبرجع بكرر الدم قليل يعني من 3 ايام وانا حاطة فوطة،لاتواخذوني ع شرحي المفصل،بليييييز بدي ردودكن من كافة الاعضاء...ونسيت اقلكم،انا جاية جديد على المانيا وماعندي لسى كرت طبيب،لسى بدي شهر ليجي الكرت،وهون عنا بدون الكرت مابصير تروحي عالدكتور،لهيك مافيني هلق روح عالدكتور وشوف شو معي...بليز ساعدوني

[عشرينية]

اختي سيران انا نفس وضعك نزلت مني افرازات قليلة ايام التبويض ونفس شرحك بالاضافة لالم دورة وظهري مبهذلني
واليوم موعد دورتي ومن امس اختفى الالم اللي كنت احس فيه
وما شا الله هالشهر كثير جتهم مثل اعراضنا وطلعوا حوامل تبارك الرحمن
ان شاء الله هم السابقون ونحن اللاحقون
وربك كريم
بس اذا جاء موعد الدورة ومانزلت الدورة سوي تحليل حمل منزلي وشوفي النتيجة

[سيران]

شكرا اخت عشرينية،والله لايحرمنا،ونكون من الحوامل .انا اليوم صار 25يوم ولسى مااجتني لان دورتي مابتجي 30يوم...بليز عضوات المنتدى ساعدونا بدي ردود

[سيران]

يا جماعة انا نزل هالدم من بعد الجماع بعشر ايام ،انا بعرف انو تعشيش البويضة في الحمل بصير بعد كم يوم من الجماع مو بعد عشرة ايام...لك نفسي اعرف شو هاد،بركي انا مرضانة معي تكيس مثلا؟المشكلة مابحسن روح عالدكتور .بليز جاوبوني،اشتركت بالمنتدى اليوم لسى وانا نفسيتي تعبانة،مالي حدا بهالغربة،واهلي بسوريا مافي شبكة ليقدروا يفيدوني

[هواي هواه]

لا ياقلبي التعشيش يحصل من 6 الى 12 يوم فأكيد بإذن الله هذا دم التعشيش اذا ماعندك مشاكل في المبايض والرحم استبشري خير واستعدي لخبر الحمل

[أم البنين]

شوفي حبيبتي أنا صار لي مثلك هذا الشهر بعد أسبوع من الاباضة وقبل الدورة بخمس أيام نزل مني دم صافي وحسبتها الدورة رجعت وتلخبطت معايه قلت في نفسي الله يعين على الخبطة من أول وجديد وبعدين أختفى الدم ولا صار ينزل شيء بس وقت أروح الحمام شوي افرازات ودم خفيف وبعدين أختفى وجاء موعد الدورة ولا جاني شيء وبعد ما عدي يومين من تاخر الدورة حللت دم وطلعت حامل ولله الحمد والمنه وما كنت مصدقه كانت مفاجاه بنسبة لي ...
عقبالك وكل من تتمنى يارب ... سبحان الله الشهر هذا بركة لكل متمنية الحمل كثير حملو فيه ما شاء الله
حتى وحدة صديقتي كان عندها تكيسات ولها تقريبا عشر شهور من سوت عمليه شالت التكيسات ولا حملت الا هذا الشهر عقبالكم يارب

[سيران]

تسلمولي وادعولي،هي اول تجربة إلي ولسى ماعندي ولاد،اتزوجت من 7شهور.....ومافي حدا حولي استشيره...يااااارب اطلع حامل مع انو مالي متفائلة

[سيران]

نسيت اسألكن إمتى جيب تست واحلل...اليوم يوم 25من دورتي،امتى ببين اذا في جنين او لأ...مع العلم ان دورتي بتجيني بهالفترة بالعادة يعني 28يوم كحد اقصى

[سوسو الحلوا]

اختي انا مثلك بس مو اسود ومره وحده نزل علي وانقطع الدم على طول بس بقي الم مثل الم الدوره
وباقي علر دورتي 7 ايااااااام
الي جاها الدم قبل موعد الدوره وحملت تفيدنا بالله

[أصآآيل]

ما عندي علم بس حبيت ادعي لكم انه يارب يكون حمل يارب يطمن قلوبكم

[سيران]

جوزي جبلي تحليل مشان احلل،بس خايفة احلل،شو رأيكم ولا بكير

[سيران]

ياجماعة حللت وما طلع شي....خلص معناها مالي حامل،بس نفسي اعرف شو صار معي...اذا مانزل علي دم دورة لبعد بكرا بستنى يومين بعدهم وبرجع بعمل تحليل،مازبطت معي،بركي تزبط مع غيري

[عشرينية]

حبيبتي انت موعد دورتك لسه ما جاء
يعني التحليل المنزلي مارح يبين لك ان كنت حامل او لا
شوفيني انا اليوم موعد دورتي وبصلح التحليل
انتظري لحد موعد دورتك وكوني متفائلة
وادعيلي معك

[سيران]

انشالله يااارب نطلع حوامل،أختي انا وقت شفت التست فقدت الامل،بس وقت قرأت كلامك خليتيني أرجع فكر،وابني أمل،المشكلة هالدم البسيط لسى في نقط عالفوطة،وماوقف،و كلما بحس بوجع ببطني وضهري بقول اجتني الدورة،ومابتجي...عم ادعيلك واذا حللت خبريني اختي

[M0ra]

ما عندى علم ان شاء الله خير و تكونى حامل هالشهر باذن الله

[rare5pearl]

اسال الله العظيم رب العرش العظيم ان يرزقنا اجنعين بالذريه الصالحة المعافاه الحسنة الخلق والخلق