طمنوني يا خبيرات الحمل

[الهام بسام]

السلام عليكم ياحبوبات


بنات انا خايفه عالجنين مررره انا دوبني بديت بالرابع يعني الحين انا باول اسبوع منه

وطول الشهور اللي فاتت كنت احس باعراض الحمل وشفت نبض الجنين واراجع اول باول

بس قبل كم يوم زوجي الله يصلحه رفع درجة التكييف مرره لدرجة اني صحيت منه

وفي ثواني تقلصت على نفسي بقوه وحسيت ضلوعي دخلت ببعض وشديت على بطني مره

من البررررد جا في بالي انها اعراض حمى>>>ياحليلي

المهم صحيت اليوم الثاني وبطني مشدووود مره من بعد حركتي الغلط

وبطني قبل كذا كنت حاسه عليه قاسي وبدا يرتفع على فوق.. الحين ماااااااحس باي شي

حتى القساوه راحت وبطني صار عادي مره ماكاني حامل
انا خايفه اني سويت شي فيه الله يستر عليه ويحفظه من كل مكروه

القلق معذبني وموعدي باقي عليه كم يوم

دلوني شسوي ومين جربت هالشي

[وردية الخد]

شوفي اختي انااا مثلك ببداية الرابع واحس اني خفيفه مرره وماعاد احس اني حااامل وبطني مره لينه وهذا شئ طبيعي دكتورتي لماا سألتها خبرتني انو الامر طبيعي النشاط والخفه تحسيها من الرابع للخامس
بس اذا انتي مرره قلقانه رووحي لدكتورتك لاتنتظرين موعدك

[الهام بسام]

يعطيك العافيه ياقلبو

ريحتيني شوي الله يسعدك

وانا احاول اوكل امري لله واتفائل خير لان الله يقول

انا عند ظن عبدي بي وان شاء الله متأمله فيه وياااااااااااارب

بس الشيطان اعوذبالله منه كثييير يوسوس لي وخصوصا اني بكريه وماافهم بهالاشياء

ربي يوفقك يا وردية الخد

[أسيرة زوجي]

حبيبتي إن شاء الله كل شيء طبيعي
و الجنين محمي بعدة أغشية مو لدرجة إنك تحركت حركة غلط يعني عملتي فيه شيء

ما أعتقد يمكن توسوستي فقط

خلي لموعد الدكتور و روحي و إن شاء الله تلاقي جنينك بألف خير

[صافو]

انا كمان من راي اختي أسيرة
سبحان الله الجنين محمي داخل رحمك ما ممكن يتأثر باي حركة تقوم بها الام
استلقي على ضهرك لدقائق ورح تشعري بنبضه او حركته الخفيفة
ساعتها بتطمئني انه بالف خير باذن الله
وما عليه شر الله يحميلك ياه ويحفظه

[الهام بسام]

يعطيكم العافيه

وجزاكم الله خير .. بس لاني بكريه ومحد حوليني يفهمني شي

اتحسس واخاف من كل شي

عشان كذا شكرا لكم من كل قلبي

بالمناسبه صافو كيف اسوي زي توقيعك حاولت بس مايضبط معي ارسلي الطريقه عالخاص