فكره الشماغ لنفاس ولد

[نبض قلب حمني]

اهلين

اخباركم

قولو ماشاء الله

انا بصراحه يوم عرفت انو جنيني ولد فكرت يكون نفاسي كله شماغ
وجلست احوس من منتدى لمنتدى ادور اي شئ فيه شغل شماغ
والحمدلله شفت افكار روعه

مثل
لقيت وحده تبيع المدس البشت بسعر خيال وقلت اباخذه
وعندي فكره لمفرشي للنفاس
وشفت توزيعات شماغ بس كل اللي يشتغلون فيهم بقطر وصعبه اتواصل معهم
اللي تقدر تسوي لي تقول

وشريت سكر مغلف بشماغ

وفي فكره حلوه المويه اذا جاوك ضيوف وبتعطينهم طبعا الحين اذرب وافضل
كاسات المويه الصغيره المعباه
طبعا هي من فوق فيها الغلاف حقها فكرت احط بدل الغلاف غلاف من ورق شماغ
واكتب عليه اللي ابي

وعندي فكره لتوزيعات الاطفال
وخاطري بعد اسوي لي روب فيه شوي شماغ

ولقيت صواني مغلفه بشماغ وحركات


وبصراحه ودي باافكار بعد <<ازيد من هذول

واللي تقدر تساعدني بشئ
اذا تعرف احد يقدر يسوي لي اي حاجه تقول لي وبكون شاكره لكم
واللي تبي اعطيها حاجه من اللي لقيته من عيوني


ماشاء الله
والله يحفظ لي جنيني واجنتكم يارب
ويرزق المحرومين يارب

[00ام اسيل00]

حبيبتي نبض
لاتبالغين
والله يطلع المنظر مو حلو
وشلون تسوي لك روب فيه شماغ والله مو حلو
بقولك فكرة المدس والتوزيعات شمااغ رووووعه
اما انك كل شي تسوينه شماغ في شمااغ بصراحه بيصير ثقيل ومو حلو خلي كل شي ناعم حتى لو ولد مو يعني خشن خخخخ
ربي يحفظ لك ايااه وتشوفينه بااحضانك

[نبض قلب حمني]

تسلمين ام اسيل هو اكيد مو كل شئ بس انا ابي اشوف اللي يعجبني وبسويه
عشان هيك انا اقول ابي افكار عشان اللي يصلح بسويه
وانا ماحطيتهم الا ابي ارائكم



وتسلمين غلاي على رايك وصراحتك




بس زعلتوني 115 مشاهده ولارد؟

على الاقل دعوه بس

[زهرة البنفسج]

انا بعد احس مبالغ فيه ومو مره حلو يعني لو بس المدس والبشت حلو بس الباقي اعتقد لا
ربي يتمم لنا بخير يارب

[sweet moon]

امممم انا مانصح في فكره الشماغ

لاتزعلي من رأيي

والله يتمم عليك ويقر عينك بشوفته

[ميهاف]

انا موعاجبتني الفكره ابد ..
الله يقومك بالسلامه..ويتمم علينا جميعاا ياارب ...

[فداك عمري يازوجي]

حبيبتي لاتزعلين مني حتى انا اشوفها ماهي حلووووووه ابدااااااااااا

[نبض قلب حمني]

اكيد هذي ارائكم وتهمني
لكن صدقوني وربي روعه وان شاء الله بعد ولادتي بوريكم الصور
وخلونا نشوف مين اللي كلامه تمام

وانا الحمدلله عارفه ذوقي وبتشوفون

[لــورا]

عزيزتي انا عجبتني الفكرة وفي مدس لنونو بشكل بشت مررررررره حلو لقيته في السعر المنافس في جده وسعره 38 ريال يش تخييييييييييييييييييلي

[نبض قلب حمني]

وااااااااااو 38 واحنا هنا شوفي كيف الاسعار
انا لقيته ب 80

يعطيك العافيه من ذوقك والله

انا بالشرقيه يعني بعيده عن جده

[أنثى إستثنائيـــه]

الله يتمم لك يالغاليه وثبت حملك ويرزقك بالولد السليم الكامل الخلق والخلق
حلوة فكرة المسد وفكرة التوزيعات فيها شي من الشماغ كحركه
وهلحين يبيعون اساور العقال
زحده اعرفها لبست زمزياتها على الغطاء لصقت العقال
مره حلو

[نبض قلب حمني]

والله فكره روووعه وسهله وماتكلف شئ عندنا يبيعون الاساور في بوريالين

[حبيبة عبود]

اختي وين لقيتي مدس البشت وبكم لقيتي الله يعافيش
عجبتني الفكره بس انصحش لاتبالغي عشان يبين جمال الي تسويه
ويعطيش الف عافيه

[jo0j0o]

ماااادري حياتي بس احس فكره الشماغ كلها مو حلوه وراحت موضتها فيه الوان احلى

[* حبات اللولو *]

الله يتمم لك حملك يارب وتقومين بالسلامه ويخليلك المولود وتشوفينه عريس يارب

انا ممكن اساعدك واسوي لك توزيعات الشوكولاته وادخل فيها تلبيسة شماغ بطريقه حلوه ونااعمه ماتكون دفشه واذا حابه كلميني او ارسلي رساله خاصه ..

[« خ ـجل »]

والله حبيبتي هو نفاسك وانتي حره فيه والناس اذواق

بس بقولك رائي واتمنى تتقبليه براحبة صدر

شسمه هو الفكره حلوآ بس خليها بشغلات بسيطه لو خليتيه كله شماااغ بيطلع ثقيل دم وكئيييب

النونو ماله يومين من انولد وخليتيه شايب الله يهديك

يعني فكرة السكر المغلف حلوا وفكرة المويه حلوا

بس المفرش والروووب اصحي تسويه بيطلع شكلك مرآ كئيب

عاد انتي حره

وانا في انتظار تجهيزاتك الله يتمم لك ويقومك بالسلامه

[جودان]

افكارك حلوه بس مثل ماقالوا موكلها شماغ حطي افكار ثانيه
ربي يحفطك

[سيده اعمال]

احسها تكبره النونو يصلح له شي ناعم وهادي

[لآلئ]

بسم الله ماشاء الله..
فكرة حلوة ولكن حلاوتها لو تكون ببساطه مثل لو يكون اللحاف ابيض واطرافه قماش الشماغ ..
وممكن يكون نفس الشي مفرشك أبيض كامل << مع اني ما افضل لأن بيتوسخ واطرافة قماش الشماغ ممكن تسوينه وتستخدمينه فقط ان جاك ضيوف ويكون اللحاف الخفيف اللي تتغطين فيه والمخدة نفس الفكرة طرفه يكون قماش الشماغ وهي سادة بيضاء
وممكن تحطين مخدة مطبوع عليها قماش اورسم ( المخده مربعة ) تصير ديكور وبرضو لحاف كامل طبعا صغير يكون على شكل شماغ وتفرشينه بس على طرف السرير يعني ديكور
ولاتتكلفين مره لأن الناس ماترحم وحصني نفسك وابنك والله يقومك بالسلامة وتفرحين في عرسه ان شاء الله =)

[إشراقة هدى]

لررررررررفع

[لسعةشقاوه]

تتوقعين الاقي بالسعر المنافس اللي بالشرقيه مدس البشت

[نبض قلب حمني]

والله لقيته بسعر حلو بمنتدى لكن كلمت صاحبته وللحين ماردت علي


ايوه وبالنسبه لكلامكم ياحلوين لو ترجعون لكلامي بتلاقون اني كاتبه ابي افكار وباخذ منها اللي ابيه
وشئ اكيد كل شئ يطلع دفش
يعني تخيلو كل شئ شماغ اكيد مره مو حلو


بس انا ابي احلى الافكار واخذها واسويها
والدفاشه اكيد ماهي بحلوه

بس انا حطيت الموضوع عشان ناخذ افكار من بعض وكل وحده تاخذ اللي يعجبها

يعطيكم العافيه

[شموع ضاوية]

ابصراحه فكرة حلوة بس قديمه صديقتي اول ماجابت ولد سوت نفسك بس الحين عمر ولدها اربع سنوات الله يوفقك ويسهل امرك

[تعبت انتظار]

البساطه سر الاناقه
يعطيك الف عافيه
ماننحرم

[توتا الاموره]

حلو سعره مدس الشماغ والبشت
في مندوووبه تبيعه الله يهديها ب 300 ريال بغيت اتوهق واشتريه هههههههه
وبالنسبه لفكره الشماغ حلوه بس مثل ماقالو خواتي لاتباغين
وربي يقوك بالسلامه ولاتنسين تصورين لنا ..

[لــورا]

عزيزتي

في السعر المنافس عندكم في الشرقيه وعلى مااظن في الدمام ابحثي عن المكان بالضبط

[نبض قلب حمني]

غيرت الفكره 180 درجه ههههههههههههه

لاني شريت سرير البيبي وكان ملون وفيه رسومات وخليت الاستايل مثل السرير

وان شاء الله اذا ولدت بووريكم الصور

[اول غرام]

احس ان الفكره مبالغ فيها ....

يعني تضيع هيبة البشت ... حلاته وهو عريس يلبسه بس ...

ننتظر الصور ونشوف ,,, الله يتمم عليك يارب ويهنيك ...

[Almasah]

الحمد لله انك غيرتي رايك هههههههه
مو عاجبتني الفكره ولا حتى مدس البشت
احس حلاة الطفل حتى لو ولد يطلع طفل صغنون مره نعوم حتى بلبسه

وربي يسهل ولادتك
أدعي لي لاتنسين ياااااااااااااااااااب تولدين طبيعي وانا بعد طبيعي وكل البنات

نسألكم الدعاء

[لوللا]

يمكن تكون فكرة حلوه .. لانها جديده .. بس اتوقع تعملي التوزيعات والأشياء اللي تخص البيبي بس..
اما انت ولبسك ولحاف سريرك .. خليها ابيض ساده .. يطلع حلو ..

الله يتمم لك

[وَمضَيتْ !]

الحمدلله انك غيرتي الفكرة
لانها بصراحة فكرة سخيفة مع احترامي للجميع
ومن اول ماطلعت موضتها وانا متسيخفتها

[لمسة أنمله]

والله فكرة الشماغ ........
مادري مره حلوه ومره لا
وإذا مستمره في فكرتك أعرف وحده في منتدى ثاني تبيع مفرش تطقمينه مع المدس البشت للبيبي ..
إذا ودك بالرقم عطيني خبر أرسله لك ..

[طوطو]

امممممممممممممم


الفكره جديده




بس




انا من وجهة نظري






ما اايد






لان لشماغ يدل ع الرجوله



والطفل حلاته ببرآآآآآآءته