مستشفى الولاده و الاطفال بالدمام

[Aybaby]

السلام عليكم
حابه اعرف عن تجاربكم للولاده في مستشفى الولاده و الاطفال بالدمام
افكر اولد فيها بس خايفه من الاخطاء الطبيه
حابه اعرف عن تجاربكم

[ابتسامه رغم الالم]

موفقه حبيبتي والله يقومك بالسلامه ان شاء الله بنات الدمام يفيدونك

[فراشه وررديه]

يفيدوك البنات

[منى العين]

ناس يمدحونه وناس يذمونه عنايتهم في الولاده زينه بس سمعت بالطفل مو لهناك والله العالم

[غلآآآهم]

السلام عليكم..
شوفي اختي انا ولدت فيه اول ماتروحين والرحم فاتح بالعكس تعاملهم حلو مره والنيرس الي ودتني لغرفة الولاده كانت تتبسم بوجهي
المهم وقت الولاده عنايتهم حلوووه مرره بس القابله ساعات تشرف على غرفتين تجلسين وقت ماعنك احد بالغرفه
بس لاجا وقت الولاده وربي تعامل روووووعه وحده تمسح على راسي ووحده تقولي ادعيه ارددها وراها
بس بعد ماينزلونك عالغرفه العاديه تعاملهم مو حلو ابد يعني اذا دقيتي الجرس لهم مايجونك الا بعد نص ساعه او اكثر
والبيبي طول اليوم عندك حتى وقت النوم بس ياخذونه وقت الزياره مايخلون ولا طفل
وبالنسبه لعنايتهم للاطفاﻻ بالعكس رووعه انا بنتي جاها ابو صفار مدري وش مسمياته وخلوها عندهم بالحضانه اربع ايام ومابقى تحاليل ماسووها
بالعكس مرره حريصين الطفل وكل يوم يروشونه وحتى بنت خالي ولدها كان تعبان ونوموه عندهم 35يوم والحمدلله الحين ماعليه الا العافيه


سوري طولت عليك بس انا كنت محتاره مثلك يوم جيت اولد والحين ماابيك تحتارين قلت لك كل شي بالتفصيل

واي استفسار انا حاضره

[ghadoorh]

انا معه غلاهم بالضبط انا ولدت فيه وكل الكلام اللي قالته صحيح ويهتمون بالبيبي وانا كان ولدي وزنه صغير وماخلو تحاليل ماسوها وكانو مايبون يطلع بس طلعته ع مسؤليتي والحمد الله مافيه شي بس ساعات يطنشوك بس تعاملهم حلو

[Orchid109]

موفقة حبيبتي

[وردة الفصول]

وعليكم سلام حبيبتي انا ولدت فيه. وتعاملهم مره روعه لكن أحيان إذ دقي تي الجرس يطنشوك. ولكن الأبله اللي جت تشرف علي الولادة مار تحتلها كثير. لانا الخياطة اللي عملتها لي مش كويسة وقعدت 65يوم اتعالج عند دكتورة ثانيه ومو شرط البعض يذبون من تعامل والعكس مين اللي يمدحونهم
ونشالله تقومي بالسلامه انتي والبيبي