/أرجـع يالرحت بعيد عن بغـداد

[لمى العراقية]

أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب هذا دمع فرحتنه

كافي من الغرب مو صار خمس سنين
مل حتى الغـرب مو كثر غربتنـه

أرجع للأهل للصحبة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزكها الأقامة وهاي فرحتنه

أرجع والفرح ينتظرك ابغداد

أرجع و الوطن محتاج وكفتنه

أرجع و الوطن محتاج وكفتنه

[سوسهs]

يعطيكي الف عافيا لمى

والله يرجع كل مغترب لديرته

والله يحفظ لكم بلدكم العراق

[ريحانة الجنة]

كلمات فيها حنينٌ مختلف
عن المالوف.. متفردٌ عن غيره
حنين الوطن لابنه وليس العكس

طرح رااائع مفعم بالصدق
مشكووورة لمى
وعسى كل حنين يقر ويسكُن بلقاء ،،،

[لمى العراقية]

أج ــمل وأرق باقات ورودى

لردك الجميل ومرورك العطر

[لمى العراقية]

اللهم اميين انا اشكرك حبيبتي

[Dana]

ما شاءالله كلمات أكثر من رائعة وصادقة
الله يحفظ العراق
يسلموووووووووووووو

[لمى العراقية]

http://files2.fatakat.com/2011/9/13151352891554.gif (http://www.google.iq/url?sa=i&rct=j&q=&esrc=s&source=images&cd=&docid=wOw2YaextILkvM&tbnid=hgu5qd7oBufmrM:&ved=0CAUQjRw&url=http%3A%2F%2Fforums.fatakat.com%2Fthread227832 3-2&ei=FmNlUf_ELIW-PNGxgBg&psig=AFQjCNHEHWKeTHYFZKnqNtLK5Q6bGZOGOw&ust=1365685213333228)