مغتربة ومحتاجه مساعدتكم :(

[Fo0F]

السلام عليكم ..

الله يوفقكم يابناات انا مغتربة من ثلاث شهور مع زوجي ومن فترة شهر ونص تركت حبوب المنع والشهر هذا احس بتعب وارهاق بجسمي والم بنصف ظهري يمنعني احيانا من النوم وبعدها تأخرت علي الدورة ثلاث ايام وقبل يومين صار بيني وبين زوجي اتصال وبنفس الليلة جاني الم شديد ببطني وظهري شبه الم الدوره بس اقوى بكثير ونزل مني الله يكرمكم زي الموية لونها بني فاتح وبعد بوقت نزل معي شبه دم الدورة بس بني غاامق مع حاجه زي العروق تنزل معي بس الصباح والظهر وقت دراستي وبعدها وقف ومايطلع مني حاجه الا لامسحت يطلع معي حاجة بنيه اول مره تجيني مثل كذا ونفس الشي اليوم جاني بس فترة الصباح والظهر نفس الشي بوقت دوامي والحين بس بالمسح او لاجيت اتبول الله يكرمكم ينزل معي شبه الدم بس غامق مره
ولازلت اتعب من الم ظهري هل هذي يابنات دورة طبيعيه او حمل او اجهاض ؟
لاني محتارة وقلقانه واخذت موعد مع دكتورتي وعطتني بعد اسبوع ولافيني انتظر :(
انصحوني الله يخليكم hwaml93

[سوزان الرياض]

اختي اشتري تحليل منزلي لانه انت تآخرت الدوره يعني راح يبين معكك اذا فيه حمل
الله يرزقك اللي في بالك

[Fo0F]

اختي اشتري تحليل منزلي لانه انت تآخرت الدوره يعني راح يبين معكك اذا فيه حمل
الله يرزقك اللي في بالك

اختي ينفع احلل منزلي وهو ينزل معي دم متقطع ؟

اممين وياك ياربي ولكل محتاج ..

[ربمة]

الدم البني معناه حمل....
بس سوووي التحليل المنزلي افضل حل ...لان دام جى وقت الدورة مايغلط هو دقيق وبتروح الحيره..

[سوزان الرياض]

ايه اختي ينفع تسوين ومعك دم
ومثل ماقالت الاخت الدم البني من علامات الحمل
ويارب تبشرينا بحملك

[Fo0F]

ياارب يسمع منكم ..
يعني ان شاءلله مايعتبر اجهاض هذولي الاشياء اللي تنزل معي ؟
واحسن وقت للتحليل متى !

معليش يابنات اقلقتكم بس اول مره احس بكذااا ولاابي اشغل امي وانا بعيده عنها ومالي غيركم بعد الله :(

[ميادة على]

احسن وقت للتحليل فى بول الصباح اول مرة تدخلى فيها الحمام الصبح

[neeevooo]

حللي منزلي ولو في حمل اكيييد هيبان حبيبتي حللي فالصباح الباكر وربي يرزقك

[سهام فرنسا]

حبيبتي انا ما بدي زعلك بس أنا الشهر اللي فات صار معي مثلك تماما حتى أني حطيت موضوع
الدورة تأخرت 4 أيام و كان في إفرازات مثل اللي صارت معاكي الأول كانت بنية و متقطعة وبعد يومين عملت التحليل و للأسف في نفس اليوم نزلت الدورة
المهم إن شاء الله أنت تكون أعراضك و ضروفك غير و تحملي يارب
الله يرزقنا ولا يحرمنا يا رب

[soso.moon]

حللي في الصباح اول ماتصحي من النوم

ولا تنسي تطمنينا

والله يكتب لك الخير يارب

[Fo0F]

حبيت اقولكم وش صار معي ..
انا امس رحت لدكتورتي بدون اخذ موعد وفهمتها اللي اقدر عليه
عاد عطتني موعد للاشعة الصوتية الجمعه الجايه .. دعوآتكم

ومن ناحية دورتي منقطعه بعض الشي مافيه شي ينزل غير الاشياء البنية اللي كأنها عروق لامسحت او تبولت الله يكرمكم :(

[طالبة المغفرة]

الله يسمعك خير حبيبتي
ونفرح بيك

[رآئحة المطر]

الله يرزقك الذريه الصالحه الباره التقيه السليمه المعافاه

[M0ra]

حللى تحليل منزلى و ان شاء الله بيبان و اهم شى لا تجهدى نفسك خالص لان الدم البنى علامة على بداية اجهاض منذر لا قدر الله
خدى باالك كويس و خدى دوفاستون مؤقت حتى تروحين للدكتورة

[Fo0F]

الله يسمع منكم ويسعدكم يآرررررب ..
ماودي اعشم زوجي ويتحمس نشتري ومايصير شي لاقدر الله ..

عندي عوارض جديدة توني انتبه لهاا
انه لااجهدت نفسي بالمشي او الشغل نزل معاي الدم البني الله يكرمكم لكن لما اكون بالبيت او نايمه ماينزل معاي ولاحاجه
واليوم الخامس من صارت فيني هالاشياء ماتغيرت !

[سهام فرنسا]

لسة ما عملتي تحليل ؟
طمنيني عليك و على جديدك الله يرزقك و يرزقنا معاكي
أكثري من الدعاء

[ommohsen]

ﺍﻟﻠﻪ يفرحك اختي ويارب تكوني حامل ﻭﺗﺒﺸﺮﻳﻨﺎ

[البستان]

ان شالله خير يارب
والله يرزقج باللي تمنين ويسهل عليج غربتج يارب

[Fo0F]

يااااارب يرزقكم ويسعدكم ويعطيكم ع قد نيااااتكم يااااكرررريم ..

بقولكم عن جديدي لاني ماقدرت اسوي تحليل وزوجي يقول ماله داعي ولافكر :(
البارح كان المفروض لو هي دورة يكون اخر يوم في اخر الليل البارح طاح مني شي غريب زي الشحمه لونه ابيض وكبير اول مره ينزل معي كذاا ولامسحت مايطلع معي دم واليوم فقط معي افرازات قليله لونها بني ع اصفر واسفه ع دقة وصفي احس اني تشتت بسبة الوضع هذاا </3 ..

[Fo0F]

وينكم بنات :(؟!!!

[Fo0F]

بقولكم عن اعراض الحين فيني
الم برحمي من جهة اليسار مشبوك برجلي غير الارهاق والتعب اللي فيني من اتفه شي والم ظهري
واوجاع زي اوجاع الدورة بس ماينزل معها شي :(

[قمراي20]

حبوبه اتوقع هذا حمل وطاح الله يعوضك ان شاء الله بالذرية الصالحة..
لا تشغلي بالك اكثر وارتاحي وتدفي كويس وابتعدي عن المكيف .. والله يوفقك

[Fo0F]

حبوبه اتوقع هذا حمل وطاح الله يعوضك ان شاء الله بالذرية الصالحة..
لا تشغلي بالك اكثر وارتاحي وتدفي كويس وابتعدي عن المكيف .. والله يوفقك

بس مانزل معاي دم كثيف كيف يكون اجهضت ؟!
نزل بس معي اول يومين واشياء خفيفه عند الاجهاد
واللحين سابع يوم ومافيه دم غير بالمسح !

["ام تولين"]

الله يرزززقكك ياروحي**

[Fo0F]

امممين اجمعين ياارب ...

حبيت اقولكم ان اشتريت اليوم تحليل منزلي وحللت اول مارجعت من الدوام وطلع سلبي ..
مشكوررات جميعاا الله يرزقنا واياكم الذرية الصالحة ..