زوجي اعترف لي ,, وماادري شسوي؟؟

[سبحانك يارب]

سلام عليكم
بقول السالفه على طول لاني تعبت وماادري شسوي
لي سنه متزوجه وحامل 6 شهور قبل كم يوم اعترف لي زوجي انه يدخن من اربع سنوات

وانه يشرب احيانا واكثر شي اذا سافر

انا كنت شاكه بس مو متاكده لانه مرتين جاني البيت وريحته غريبه وتفوح وسالته قال لي بيره ومشيتها له مع اني كنت متاكده انها موبيره لانه يشرب البيره العاديه عندي بالبيت مو كذا ريحتها وسكت ,,
الموضوع هذا من 4 شهور يمكن

حاولت اتكلم معه اناقشه بعد ماعترف لي بس هو مو مقتنع يقول بيجي يوم واتركه بس ماادري متى

انا نفسيتي مع الحمل تعبانه حيل بحكم اني بعيده عن اهلي
وطبعا هو قريبي من نفس العايله عشان كذا اخاف الامور تتعقد وتصير مشكله بينا الاهل
ما ابي تصير مشكله ولاسمح الله طلاق افكر اذا ولدت بالسلامه ورحت لهلي ماارجع لين يشوف حل مع نفسه طبعا بيني وبينه يصير هالكلام واذا مارضى مشكلته خل الناس تدري محد راح يلومني

المشكله بعد مااعترف لي حذرني ما اعلم احد حتى لو صارت بينا مشكله لا سمح الله

بس احسه صار يتمادى صار قبل ينام ينزل تحت يدخن ولاقلت وينك قال ادخن مع انه قبل ماكان يسوي هالحركه نهائي واخاف يتمادى اكثر

لاني اليوم اشوفه يتكلم مع خويه عالواتس اب يقول له ابي اسافر

ويلمح لي اليوم يقول بروح دبي نشتري سياره لخويي ادري عذر بس عشان يروح ومشكلته حالته الماديه مو ذاك الزود الراتب يالله يكفينا صرت اشك انه يحط ميزانيه لخرابيطه على حسابنا ويزنقنا كل شهر

انا مانكر انه مايقصر معي يحاول يرضيني بس اخاف سكوتي يخليه يتمادى اكثر واكثر ولما اتكلم بعدين يقولون ليش ساكته من اول

انا حاليا جالسه اسوي نفسي عادي ومو متاثره بس ماادري لمتى خايفه على البيبي من النفسيه اللي انا فيها

شورو علي هل اخرب بيتي بيدي

او
اتحمل واسكت لين الله يفرجها

[ام حره]

انتي لازم تتكلمي معه الدخان مشيها بس الشي ثاني يصير ادمااان
ولازم تحصلي فررصه انك ترتبي الجو وتتكلمي معه اول شي ذكريه بلي ببطنك سواء كان بنت او ولد وذكريه ب اهله وش موقفهم منه
او حتى اهلك لو احد صاادفه بدبي وهو سكران وش موقفه لازم تجيه باسلوب تخليه ينحرج من نفسه ان رضا بلي قلتي وسواه ماشي مارضا حاولي انتي تكوني معه وحده ثانيه مو زوجته الي يعرفها عشان يعرف انتو الي قاعد يسويه غلط

[محبتكم نينو]

ما أدري ايش اقولك لكن أسأل الله أن يفرج لك همك ويهدي زوجك ويجعل نقمة كل شيء عليك وعلى جنينك بردا وسلاما كما جعل النار بردا وسلاما على ابراهيم عليه السلام

ادعي والله لايرد القضاء الا الدعاء

[بشائر الطيبة]

هذه مشكلة ازواج اليوم انهم ما يقدرون يتخلو على عادات الشباب اللي كتسبوها الله يهدي زوجي و زوجك و جميع ازواج المسلمات من هاي البلاوي

[نعومي 00]

تعرفى الحل فى ايه مش هتصدقى فى الدعاء لله وافضل شي وانتى حامل ربي هيستجيب دعاكى ادعى الله يهديه ويبعده عن اى شيئ يغضبالله عز وجل والله راح يبعده واتفامى معاه ولو ماسمع الكلام يبقى هو اللى جابهلنفسه
الله معك

[حبيبة عماد]

انصحك انك تتكلمي ترا سكوتك كانك موافقته على الحرام مايجوز .. تكلمي ترا الحين من وراك بكرى بالبيت ولاتنسى بيجوكم اطفال تخيلي ايش وضعهم وابوهم كذآ .. انا انصحك من البدايه قبل يوقع الفاس بالراس اكثر من كذآ....

ربي يهدي زوجك وازواج المسلمين

[شعور الامومة]

يعني مااعرف شنو عبالج يشرب البيرة ليش هي البيرة حلال والخمر حرام هسة التدخين عادي بس شرب كل ماهو مسكر حرام يعني لازم تتخذين اجراء تكلمي معه ذكريه بالله عزوجل قبل ان تذكريه بعائلته اكثري من الدعاء له بالهداية الله يهدي بحق محمد وال محمد