تكفون ابي فزعتكم .. بخصوص مستشفى اليمامه

[ارياام]

السلام عليكم ورحمة الله
خواتي تكفون ابي مساعدتكم
انا كثير شايله هم .. انا حامل بالشهر السابع وبكريه ..
من اهل الخرج بس حابه اولد بمستشفى اليمامه بالريااض لانه ارحم من مستشفى الخالديه بالخرج ..
ولاني مابي اولد بخاص اخاف يولدوني قيصري عشان الفلوس ..
رحت لمستشفى اليمامه الاسبوع اللي طاف وقالو جيبي تحويل من مركز الصحي تبع حيكم .. والمركز يقول مايحولوني الا لمستشفي الخالديه ..
سوالي اللحين انا مايهمني المتابعه عندهم ابي بس وقت الولاده يستقبلوني وبيكون معي ملف المتابعه من بدايه حملي ..
فهل بستقبلوني لو اجيهم طوارئ وقت الولاده ولا لا ..

وربي تعبت من التفكيييير بالمستشفي اللي بولد فيه :(

[منى العين]

اكييد يستقبلون اي احد بالطوارئ
بس الافضل ان يكون عندهم ملفك فيه تحاليلك وكل شي

[ورق لبتون]

شوفي جربي اذا تقدرين تروحين تاخذين تحويل من اي مركز صحي بالرياض وقولي انك زائرة بما انك ماعندك ملف

او اي موظف تعرفينه كلموه

[ارياام]

ربي يوفقكم ي الغووالي..
طيب احد يعرف اقرب مركز صحي لمستشفى اليمامه

[ملكتني بهمسك]

الله يتمملك على خير ويسهل امرك ويرزقك ساعه ميسره وانتي استخيري واتوكلي على الله والله يسهل امورك وانا الي اعرف في جميع مناطق المملكه اي طواري يستقبلونك قوليلهم انا جايه زياره وجاتني الولاده

[سمراء مزيونة]

سوي ملفك بمستشفى خاص وخلاص
ووقت الولادة تعطينهم اختي سوت كذا
وهي من الطايف وولدت باليمامة وقبلوا الملف
حتى مو ملف ورقة واشعه الجنين وكرت العايلة
بس

[الوردة الحالمه]

اليمامه يستقبلونك وقت الولاده عادي مو مشكله عندهم بس انصحك لاتروحين له لانه مجزره

[الوردة الحالمه]

طيب بما انك بالسابع روحي لمدينة الملك فهد الطبية انا رحت لهم بالتاسع قالو نستقبلك لو كنتي متابعه معنا قبل الولاده بثلاث شهور او يفتحون لك ملف ب 200 ريال والولاده تكون مجانيه
والله يسهل عليك

[ارياام]

الله يتمملك على خير ويسهل امرك ويرزقك ساعه ميسره وانتي استخيري واتوكلي على الله والله يسهل امورك وانا الي اعرف في جميع مناطق المملكه اي طواري يستقبلونك قوليلهم انا جايه زياره وجاتني الولاده

اللهم امين ..
يسعدكك ربي ي الغلااا ..
ومالي الا اسوي كذا وربي يسهل ...

[ارياام]

سوي ملفك بمستشفى خاص وخلاص
ووقت الولادة تعطينهم اختي سوت كذا
وهي من الطايف وولدت باليمامة وقبلوا الملف
حتى مو ملف ورقة واشعه الجنين وكرت العايلة
بسانا اتابع مع مستوصف خاص من بداية حملي ..وان شاء الله اذ جاء وقت الولاده باخذ الملف معي ..
خيتي بشري وش راي اختكك بالولاده باليمامه ...
شكرا لكك ي الغلاا

[ارياام]

طيب بما انك بالسابع روحي لمدينة الملك فهد الطبية انا رحت لهم بالتاسع قالو نستقبلك لو كنتي متابعه معنا قبل الولاده بثلاث شهور او يفتحون لك ملف ب 200 ريال والولاده تكون مجانيه
والله يسهل عليك

بس مشكلة هالمستشفى لو اتابع معهم واجيهم وقت الولاده احتمال مايكون فيه سرير ومايدخلوني هذا كلامهم لخويتي من اسبوع ، لما راحت تتابع عندهم ..