طفلك والمهاد

[أم نداء]

السلام عليكم ورحمة الله
كيف حال المامات
موضوعي اليوم حابه آخذ رايكم ونشوف أنتوا كيف تعملوا مع أولادكم بهالعمر(حديث الولاده)
تمهدونهم ولا لأ؟
أنا كنت أمهد ولدي بس ماأحرص كثير يعني يجلس مفكك كثير وأحيانا أوديه يم الضيوف حتي من غير شيله (الكيس الكبير اللي يحطون فيه البيبي) كلا أقول عشان يشوفون ملابسه حرام غاليه هههههه حتا مره وحده قالت ماأعرف أشيييييله روحي جيبي شياله كبيره أخاف يطيح علي hwaml42
صراحه بعدين تحسفت أني ماشريت له شيالات ثقيله حق الاستقبال حسيتهم حلوين وكيوت بس يلا بكريه..
والحمد لله ولدي ماتمصع ولا هالسوالف اللي أسمع فيها
أهم شي وقت النوم يكون ممهد تمام عشان يرتاح بالنوم
أفيدونا حول الموضوع وكل وحده شتعمل مع ولدها وليه..

[توتي~]

انا بالاربعين تقريبا اغلب اليوم أمهده عشان احيانا حريم كباار مايعرفون يشيلوه هههههه
اما بعد الاربعين وقت النوم امهده وان شاء الله لحد الشهر الرابع الاطفال اللي مايمهدو يصير جسمهم رخو وحتى اذا مشو مشيتهم تصير فيها عيب سبحان الله لازم ينشد الجسم

[يارحيم]

انا اول ما انولد كان اغلب يومه ممهد يعني اذا كان صاحي افك المهاد واخليه يلعب شوي بعدين اذا تعب وبكا مهدته عشان يرتاح.. بس كل ما يكبر اقلل وقت المهاد وبعدين صار وقت النوم بس ومن كمل شهرين ما عاد مهدته خلاص..

اعتقد المهاد له دور بانه يريح الطفل لانه مايعرف يتحكم بحركات يدينه ورجلينه فيتعب ولازم تمهدينه عشان يثبت ويرتاح وبنفس الوقت يكون وضعه قريب من وضعه بالرحم وبكذا يحس بالاطمئنان.. برضه وقت النوم يساعده ينام باستغراق وما يخبط نفسه بالغلط ولا يتنكد.. لكن ابدا ماله علاقه بالنمو والعضلات.. في دول كثير ما يعرفون المهاد ولا يمهدون عيالهم ومافيهم الا العافيه لا عندهم عيوب باجسامهم ولا مشيتهم ولا شي..

[أم نداء]

ماشا الله استفدت من تعليقاتكم كثير وفعلا الطفل أول الأيام ماينام إلا بالمهاد تحسين يتفزز

طيب المدس تحسونه لازم؟ أنا ماأحبه أحسه ثقيل ويضايق..وأحيانا أحس شكله رقيق وكيوت،وحاليا أنا حامل ومو ناويه أشري مدسات شرايكم؟تحسونه شي ضروري للاستقبال؟؟

[المحيط الهادي]

انا باكر بكمل الأربعين
وولدي بصراحه ما كنت أقمطه وايد
لان دوم يحاول يبطله

لكن لما يجو ضيوف لازم قماط

[أم نداء]

ماشا الله عي باجر بتطلعين من النفاس وبترجعين عروس :)
الحمد لله على سلامتك حبيبتي

[dr.loly]

انا بنتي كل ما اقمطها تبكي وتضايق تعبتني مازالت 12 يوم بس