سؤال عن شعر جسم المولود

[بروق الخير]

السلام عليكم ورحمة الله وبركاته

كيفكم وعساكم بخير
اولا جزاكم الله خير فقد استفدت من المنتدى اثناء حملي من المواضيع القيمة
واسئلة العضوات فجزيتم خيرا ووفق القائمين على المنتدى لما يحبه ويرضاه

الحمدلله ولدت قبل 11 يوما ولادة قيصرية ولله الحمد

وودي استفسر عن الشعر على جسم المولود هل يسقط من نفسه
لان بنتي عليها شعر على يدينها ورجولها وظهرها

والله يجزاكم خير

[مرمر]

مبرووووك حبيبتي
وحمدلله ع سلامتك
وبالنسبه لسؤالك والله ماعندي علم وخلفييه عن الموضوع بس اتوقع يطيح بعد مايتعافى المولود ويكبر

[أم فاطمة]

الحمد لله على سلامتش
الي اعرفة ومن خلال تربيتي لبناتي ان شعر البطن الي ينولد الجنين واهو مكسو فيه يتساقط خلال الاربعين الى بعدها

[بروق الخير]

الله يجزاكم خير
بس انا خايفه يبقى

[همس الوفاء]

معروف انه يطيح لاتشيلي هم

[منتهى الرقة]

انا ولدي فيه شعر كثير بظهره من يوم انولد والحين عمره 3 شهور وماراح
واتوقع مايروح لان ابوه كذا وشكله طالع عليه
بس مادري عن البنت ان شاء الله يطيح حراام بنوته مايصلح لها الشعر

[00ام اسيل00]

يطيح انا بنتي جت ورجولها فيهم شعر وماهتميت كثير والحين ذكرتيني

رحت اششوفهم ماحصلت شعر فيهم