تجمع للعلاج بعد الإجهاض

[Norena]

السلام عليكم
ماادري كيف أبدا بالموضوع بتكلم بالعاميه،،
بعضنا فقد جنينه اول الحمل او آخره بهالتجمع نبي نعرف مين توفى جنينها وسوت تنظيف وحملت طبيعي ؟ ونبي نعرف وش التحاليل الي نسويها بعد الإجهاض عشان نعرف السبب وش الادويه الي نستخدمها وإذا ربي كتب لنا حمل وش التحاليل الي نسويها ؟ ونعرف مين اشطر دكتور بهالمجال ؟ نبي نتفائل مانبي نذكر معناتنا محتاجين نرفع معنويات بعض لان كلنا مرينا بهالتجربه وعارفين وش حسينا فيه انا اجهضت مرتين آخر واحد الأسبوع الي فات وقف نبضه في الأسبوع 11 بعد انتظار 5 سنوات والحمدالله على كل حال الله يعوضني ويعوضكم ويرزقنا الذريه الصالحه والخلقه التامه من غير زيادة او نقصان والحمل السليم يارب












.

[نور مصباحي]

أني العام أجهضت لان الجنين وقف نبضه في الاسبوع الثامن وظلت سنة وشهر وحملت وأجهضت من 25يوم ورحت سويت تحاليل هرمونية
قبل 5شهور يعني قبل الحمل الثاني وطلعت النتيجة سليمة واليوم رحت سويت
تحاليل داء القطط وتخثر الدم وتحليلين ما أعرفهم وان شاء الله النتيجة تطلع بعد أسبوعين
لان زحمة وربش كريم يرزقنا بحمل سليم معافى يارب
موفقين لكل خير خواتي .

[Norena]

نور مصباحي لما سويتي تحليل داء القطط وتخثر الدم بعد ماطهرتي بعد الاجهاض؟ لاني ابي اسوي انتظر لين أطهر؟ وين سويتي تحاليلك؟ انا ناويه على مستشفى سليمان الحبيب ان شاءالله عند الدكتور محمد بقنه

[عشرينية]

مشكلة الدكاترة عندنا مايعترفون انه عندك مشكلة الا اذا تكررت المأساة
وطبعا اللي رجوله بالمويا مو زي اللي رجوله بالنار
انا دكتورتي اعطتني حمض الفوليك وبيبي اسبرين
طبعا كل ما اسألها تقول لي مافيك شي انت كويسة واجهاضك طبيعي
الله يرزقنا من اوسع ابوابه

[غموض الكوون]

نفس كلام ألي قبليبس أنا مو مستعدهْ أخسر أكثر
لازم نشوف لنا حل
صار لي شهر اليوم من أجهضت
وماجاتْ الدوره
وأبي اعرف متئ أسوي تحاليل للإجهاض


بنات نبي مساعدتكم

[كلي جروح]

انا اجهضت قبل شهرين ووسويت تحاليل عن د داء القطط والحصبه الالمانيه ..والاجسام المضاده عددها اربعه ... وعن السكررر ...
وcmv .. وفي شي بالجينات ..اتوقع فصيلة الدم لها دور لاني كل ماروح لدكتوره وقولهاا اجهضت كذا مره تقول شو فصيلة دمك + او _ لمن اقولها موجب تقول أي كويس الحمد لله حبيبتي عادي تسوينها وانتي طاهر .. ربي يعوضنااا خير ان شاء الله ..

[نور مصباحي]

اي سويت التحاليل لما طهرت وسويتها في المستوصف وبارد النتيجة وبروح عند أخصائية في مستشفى الزهراء العام عندنا في القطيف
وبأتابع عندهم لين الحمل والولادة على خير
الله. يعوضكم بالحمل السليم المعافى يارب واني معاكم
.

[Carolina]

الله يعوضك ويعوضني وكل من فقدت يا رب التحاليل كثييييييييره
1-cmv
2-tmv هذول فيروسات بتجهض الحمل
تخثر الدم
الأجسام المضادة التي تهاجم الجنين
السكري او خلل في الغده الدرقيه
فحص كروموسومات للزوجين لمعرفه نسبه التشوهات
أورام او ألتصاقات للرحم او ما يسمي بالرحم ذو القرنين او اي خلل في حجم الرحم
فحص عنق الرحم وخصوصا اذا كان الإجهاض في المراحل المتأخرة للحمل
عمل فحص للجنين نفسه لمعرفه اذا طبيعي او لا وعمل فحص زراعي للمشيمه
وأخيرا كل شي قضاء وقدر اللهم لا مانع لما أعطيت ولا معطي لما منعت أنا أجهضت ثلااااااااااااث مرات ولا عرفوا أيش هو السبب اللهم أجرني في مصيبتي وأخلف لي خيرا منها امييييين وإياكم عزيزاتي

[ووجدان]

اناا اجهضت مره وحده قبل 7 شهور وقالتلي الدكتوره فاطمه العتيبي الجنين سليم والمشيمه وكل التحاليل سليمه والحمدالله على كل حال وسويت تنظيف بس لسا ماحملت

[مهره الدنيا]

http://forum.hwaml.com/t130158.html

[ربنا يخليلى زوجى]

انا اجهضت 14/2 وعملت عملية تنضيف ولسة الدورة مجتش لعند دلوقتى وعملت تحليل منزلى وكان سالب
وبنتظر نزولها خلال الاسبوع دة

[Norena]

رجعت لكم بعد مارحت لمستشفى سليمان الحبيب شرحت قصتي لدكتوره وقالت عادي وماراح اسوي لك تحاليل لانك بس مرتين اسقطتي مؤ كثير والتسقيط ماينعرف أسبابه هذا قضاء ربي والتحاليل راح تكلفك فوق 8000 ريال ويمكن تطلع سليمه حملك القادم استخدمي ابر يمكن فيك تجلطات بالمشيمه واغلب سبب لتسقيط ان الجنين مشوه وربي رحمه وقالت حاولي ماتحملين 3 شهور عشان رحمك يرجع لوضعه الطبيعي بس ماانصحتني بحبوب منع الحمل قالت سوي طرق ثانيه انا مفكره أني اسوي تحليل الغده الدرقيه ان شاءالله وقالت لي عن تحليل تقول اذا ودك تسوين تحاليل سوي تحليل كروموسومات انتي وزوجك احتمال يكون فيكم شي وهالتحليل ينعمل مرا وحده بس والشخص ب1200 ريال

[الاميره الهادئه]

انا اجهضت ثلاث مرات قبل 3سنوات اجهضت مرتين
واخر مره قبل ثلاث ايام ولسى مو عارفه شنو سبب الاجهاض

[عشقي هواك]

انا اجهضت من شهر وقبل اسبوع رحت للدكتوره وقلت لها ابا اعرف ليش مات الجنين قالت كم لك مناجهضتي قلت شهر قالت ماينفع لازم بعض الاجهاض نسوي التحليل وسالتها اقدر احمل الحين قالت احسن بعد 3 شهور بس اذا تبين تحملين عادي وسوت لي تحليل هرمونات بس وبعد اسبوع تطلع النتيجة وانا انصح كل وحده تتعالج بالقران والدعاء ف كل صلاة ان الله يرزقها بالحمل السليم وتقرا كل يوم ايات البقرة كاملة وان شاءالله الله بيثبته لها وانا عن نفسي بسوي كذا

[ام رهام*]

اجهضت من يومين سبب انه اجهدت نفي بالعمل لكن لم يسقط مني دم كتير ما العمل؟

[alooosh]

انا اجهضت من 7 شهور مات الجنين في بطني وانا مو حاسه ما صار معي وجع ولا نزف دم رحت فحصت ئلي الدكتور صرلو 4 ايام ميت تاني يوم رحت عالمستشفى وعملت عملية تنضيفات وبعدين فحصت الرحم والبويضات بعد ما نضفت من الاجهاض كل شي سليم عندي وعملت تحاليل لكامل اعضاء الجسم كلو تمام عندي بس كان معي التهابات مسالك بوليه اتعالجت منها الحمدلله
بس لهلا ما حملت

الله يعوضني ويعوضكن صبايا