احببتكم فاحببت ان اشارككم وهذي قصتي

[لن اقنط من رحمتك يارب]

السلام عليكم
كلامي مرا بالعامي مرا بالفصحى اعانكم الله على القراءه^___^
جديده معكم هني حابه افظفظ عندكم. اتناقش معاكم افرررغ الالم اللي فيني بعد كل دوره اقرى دعواتكم اتفائل خيرا بعد حمل كل واحدة منكم الله يرزقني واياكن الذريه الصالحه لي 7 شهور متزوجه دعواتكم لي ان يكون هذا الشهر حملي ...
في ثاني شهر من زاوجي ذهبت الى مستوصف خاص دكتوره جديده علي لاجل شي اخر غير الحمل ولاكن قالت لي في البدايه ارتفاع هرمون الحليب واعطتني حبوب وبعد مده ذهبت اليها وقلتلها اني ماكليت الحبوب وماحملت قالت مو مشكله اهوا مو حيل مرتفع بس خليني اكشف ع التكيس واكشفت وقالت عندي خفيف واعطتني حبوب الجلوكوفاج وبعدها ذهبت ومشت معاي في التبويض وكل شي تمام والحجم تمام وما احتجت للابر التفجيريه وماصار حمل ولله الحمد واستمريت على الجلوكوفاج ودورتي كانت تتاخر يوم او تتقدم يوم وبعد الحبوب صارت تتقدم اربع الى ست ايام وخفت وخليتها شهرين وتاخرت على الدوره الشهر اللي طاف وحللت منزلي وطلع الخط خفيف وقريت اعراض وكانت مطابقه معاي وكنت متأكده 99%اني حامل لاني احس بتغيرات فجسمي وفي خامس يوم اجهدت نفسي اشتغلت نقزت شلت ثقيل وقالت امي مايصير الحمل موثابت بالاول وماكنت عارفه هالشي وجاني الم في ظهري وبطني ونزل معاي دم مختلط في بني شوي ووقف واليوم اللي ورااه يمكن بعد12ساعه نزلت الدوره عادي وقلت يمكن اجهااض لاني ما ادري ماحللت الا منزلي وكان زوجي مسافر وانتظره يرجع عشان احلل دم
والحمد لله على كل حااال والحين ما ادري اتوكل على ربي و اروح اشوف اذا عندي تكيس ولا لا لاني ماكنت واثقه في كلام الدكتووره اللي كل يوم لها راي ولا اتوكل على ربي بكل امرري وبدون وسوسه وانشاء الله مافيني الا العاافيه
جدا محتاااره ماودي افكرر بس غصب عني الله يعين
*دعواتكم ...

[صمتي عالم]

اولاً اهلا وسهلا فيك يالغلا
ثانياً مستعجله مرررررررررره لسااتك عرووووسه تمتعي باياامك ولاحقه على التفكيرر
حبيبتي اللي الله كلتبه لك راح تشوفيه المفروض ماتروحي للمستشفى الا بعد سنه من زواجك ولا صار فيه حمل
اما الوقت الحالي لسى بدري توكلي على الله وارتاحي الشهور هذي واذا الله كاتب لك حمل راح يحصل

واتمنى مااكون ازعجتك بكثر الكلام هههههههه

والله يرزقنا الذريه الصالحه




سبحان الله وبحمده

[ميادة على]

راى انك تتابعى مع دكتورة وبدون خوف او اى زعل اطمنى فقط على نفسك وسيبها على الله

[إنبثاقة أمل]

ياقلبي ربي يكرمك ويرزقك قررررررررريب من واسع رحمته

روحي راجعي وعالجي التكيس ازا باقي

لاتهملي حالك

وان شاء الله ربي يكرمك

[أم بندر الحلو]

لسه بدري عليكي ياقلبي لسه عرووووسة
بس تابعي مع دكتورتك عشان التكيس إذا موجود
الله يرزقك بالذرية الصالحة السليمة عاجلاً غير آجل
دعواااتك لي بأن أكون حامل هذا الشهر

[Dreemy]

انا كان عندي تكيس وهرمون الحليب مرتفع
التكيس كان خفيف وبالعاده اذا كان خفيف ماياثر مره على تاخر الحمل
بس استمري على الجلوكوفاج حتى تحملي
اهم شي هرمون الحليب يضبط

انا بعد ماضبط هرمون الحليب جلست فتره على الجلوكوفاج عشان التكيسات
حتى صار حمل واعملي تحايل كامله على كل الهرمونات


وحابه اقولك انتي لسا عروس وبدري على التفكير والهم انت خذي الادويه واستمتعي ياعروس
وترا اذا شلتي موضوع الحمل من راسك باذن الله يتم الحمل


ربي يوفقك ويرزقك الحمل في اقرب وقت

[Pinkesh210]

ليش ماتروحين حق دكتورة شاطرة تفحصج احسن
انا ما احب الدكتورة اللي تغير رايها كل شوي
ويارب الله يحقق مرادج وتحملين وتشوفين ذريتج

[لن اقنط من رحمتك يارب]

صمتي عالم
هلا فيج ياقلبي اي امي دايم تقول اني مستعجله انا كللا افكر هل راح احمل بدري ولا راح اقعد سنين هذا اللي مخوفني والله يرزقنااا ياااارب الذريه الصالحه
بتكل على ربي وبقعد هالشهر بدون دكتووره بتكل على ربي وحده ...وتسلمين على مرورج ^^

مياده علي
انبثاقة امل
ام بندر الحلو
مشكووورين على المروور انا بترك الدكتووره الشهر هذا وبشووف وع الشهر الجاااي بروحلها ويااارب ما احتاجها الا لمراجعة حمل ^^

Dreemy
Pinkesh210
مشكوريم على مروركم وبغير الدكتوره ان شاء الله انا اللي خوفني ان كل مرا لها راي وحبوب الجلوكوفاج صارت تقدم دورتي والمفروض ان تجيني بنفس الوقت
Dreemy الحبوب معاج كانت تقدم الدوره عندج ??? *

[فوشيآ]

حبيبتي ليش مستعجله

المفروض تكونين عايشه احلى ايامك بعالشهور وناسيه فكرة الحمل

انا صار لي سنه وشهرين ولسا ماحملت مع ان انا وزوجي سليمين وودي اعرف ليه ماصار حمل


بس لازم اقول الحمدلله لان عارف الاحسن لي


انا نفسك كل شهر اشتري تحليل واشوفه ونفسيتي تعبانه بس قررت الشهر هذا انسي الموضوع والتهي بشغلات ثانيه



وانتي امرك بسيط علاج سهل وكل شي تمام باذن الله

وروحي لدكتورة زينه




نوفقه غاليتي

[همسات شجن]

شوفي ياقلبي اول شي لازم تشوفين دكتوره شاطره والافضل استشاريه فاهمه واستقري عليها لا تكثري دكاتره وتشخيصات وكل واحد يلعب فيكي وقبل ماتروحي استخيري عشان ربنا يسخر لك بالدكتوره الطيبه مشكلة التكيس علاجها ميه في الميه انك تشربي مويه كثير اقل شي لترين في اليوم وحتشوفي وحتدعي لي وان شاءالله ربنا يرزقك بالحمل السليم

[قوتشي]

مرحبا فييك عروستنا *-*

تو الناس بدري مرره انبسطي وفليها ليه مستعجله !
انا كنت أقول بملكتي اني رح أجلس سنتين اسافر واستانس
بعدها رح نفكر انا وزوجي بالحمل لأني لاحقه ع ازعاج الصغار إذا كتب الله
بس الحين صار لي سنتين و 6 شهور وهالست شهور أتمنى فيها
إن الله يرزقني ماخليت شي ما سويته بعد ما كانت أموري تمام
والتبويض ممتاز وكنا نعمل عزل طبيعي ولحكمه مايعلمها الا ربك
طلع عندي ضعف مبايض وهرمون حليب وزوجي طلع عنده نقص بعدد
الحيوانات المنويه للعلم اني السنه الأولى من زواجي حملت طبيعي وأجهضت
بالشهر الثاني بسبب خطأ طبي العلم عند الله ..

نصيحتي لا يوسوس لك الشيطان
ما فيك الا العافية علييك بالتغذيه السليمه
ولازم يحلل زوجك دام أمورك تمام ,

و الحمدلله ع كل حال =)

[يارب أرزقني طفلااا]

حبيبتي انشالله بحق لا اله الا الله يرزقك الحمل السليم المعافى ويرزقني انا كمان وبدي قللك شغله انو انسى مو ضوع الحمل من راسك ما تلاقين نفسك
,.... الا حامل بأذن الله



.... دعواتك لي .... ها لشهر

[لن اقنط من رحمتك يارب]

فديييتكم وتسلموون على ردوودكم االله كريم سبحااانه اهم شي حسن الظن بالله كلنا ندعي ونحن موقنين بالاجااابه
الله يرزقنااا الذريه الصااالحه دعواتكم ودعااائي لكم الله يرزقنااا

[يارب رحمتك وعفوك]

انا رايي انك تخلين عنك الدكاتره وحوستهم
وربي ماوراهم الا وجع الراس والوسوسه
اجلسي شهرين لاتروحين لهم داومي ع الاستغفار ثم الاستغفار
ثم الجماع في ايام التبويض

والله يرزقك بالحمل السليم المعافى عاجل غير اجل يااااكرررريم

[Dreemy]

dreemy
pinkesh210
مشكوريم على مروركم وبغير الدكتوره ان شاء الله انا اللي خوفني ان كل مرا لها راي وحبوب الجلوكوفاج صارت تقدم دورتي والمفروض ان تجيني بنفس الوقت
dreemy الحبوب معاج كانت تقدم الدوره عندج ??? *
انا كانت الدورهً ملخبطه تجي على كيفها واخر مره جتني بعد شهر من وقتها وبعدها سبحان الله حملت
بس اهم شي عن تحربه استمري على حبوب التكيسات ولاتوقفينها لين تحملي
ومثل ماقلت انتي شكل تكيساتك خفيفه مثلي يعني التكيس لاتشيلي همه كثير اهم شي الهرمونات هرمون الحليب وبعض الاحيان يكون مع الهرمون الحليب الغده عشان كذا ضروري تكشفي على الهرمونات الانها لو ضبطت باذن الله تحملي
وربي ييسر لك دكتوره زينه وتبشرينا بحملك قريب

[لن اقنط من رحمتك يارب]

يارب رحمتك وعفوك ،،،،تسلمين حبيبتي ع المروور وجزاج الله خير
Dreemy،، انا كانت الدوره عندي تتقدم يومين وتتاخر يومين عن موعدها يعني عمرها ما تاخرت شهرر ومن خذيت الحبوب صارت تتقدم اربع ايام ولا ست ايام وخفت انها تاثر اذا ماكان فيني تكيس يعني لو بيكون حمل اخاف تاثر وتخلي الحمل مايثبت فهمتي علي 
فخليتها من شهرين تقريبا وهذا الثالث وان شاء الله مااا احتاجهاا ومشكووره 

[Dreemy]

ترا تقدم الدورها وتاخرها يوم يومين عادي وانشالله تحملي قريب
وبما انه الدوره ماتتاخر كثير يعني الهرمونات باذن الله زينه اكثرى من الاستغفار وتصدقي بنيه الحمل
وانتي لاتفكرى بحمل كثير رحاولي تنسي الموضوع وانشالله الشهر هذا تحملي
بس توكلي على ربي وخليك واثقه انه مابيرد طلبك ويمكن تاخرك شوى بالحمل خيره
قال الله تعالى
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)