أرهق نفسي بشغل البيت هل فيه ضرر على الجنين؟؟

[حبيبه]

بسم الله الرحمن الرحيم

السلام عليكم ورحمة الله وبركاته


خواتي .... حبيباتي ...اعضاء منتديات حوامل نسائيه ( منتداي الغالي )
لا تبخلون علي ولو بكلمه تنفعني او تخفف عني

لكل من يقراء موضوعي عليه ان يكتب شي ولو كلمه بسيطه تكسب بها اجر لعلى وعسى هالكلمه هذي هي التي تغيرني للافضل
فلا تبخلو علي


قصتي يا اخوات اني انتظر الحمل من اول ما تزوجت والحمد لله بعد ما كملت السنتين من الزواج حملت

بس المشكله اني وحده ما اعرف ارتاح واجلس ....كله شاغله روحي ومتعبه جسمي مره بزحم الكنبات ومره بغسل الارضيات ومره برتب المطبخ من والى وكله ابغي اطلع واذا طلعت تعرفون اني بكون جالسه فتره طويله وغير طلعة السوق اللي انبسط حيل ومشي
وغير جلست النت


نفسيتي اتعبت حيل ابغي احافظ على البيبي وابغي ادلع نفسي ما اشتغل وابغي ارتاح بس مين يساعدني في شغل البيت (الشقه) زوجي يكره شي اسمه يرتب الشقه او ينظف ومن هالقبيل
وانا اكره اني اجلس مكان فوضى ولا كأني احس واقوم ارتب وانظف
والبيبي في الطريق الله اعلم كيف اهو متحمل هالتعب اللي انا معيشته فيه

تخيلوا احيانا احس اني ابغي اصيح ...اصيح ابقوه ... احس عندي مسؤليات اكثيره ....ولا اعرف اديرها ....وخاصة هالبيبي ابغي اهتم فيه اشوي ابغي ارتاح ولو هالاربع الشهور الجايه

احيانا تجيني افكار ان البيبي بيصير له شي والسبب انا
ولما افكر هيك يجيني أرق واتعب نفسيا



اللي ابغي اعرفه هل طبيعي هالشغل اللي اشتغله ،،،ما في ضرر على البيبي

ثاني شغله شنو اسوي علشان ارتاح
بالعلم اني لما اكون مرتاحة عرفو أن الشقه راح تنقلب فوق تحت اغبار ووسخ وغيرو يعني لازم كل شي اول بأول والا الدنيا تصير دمار

بنااااااااااااات بليييييييييييز ساعدوني
هل في خطر على البيبي
وكيف اتعلم ارتاح ولا افكر بالشغل واللي ذابحني اكثر اتزحم الكنبات اذا ظليت ازحم وغير اماكنهم

[الفتاة الذهبية]

المفروض انج تنتبهين ولا تعبين روحج وايد

انا اشتغل في البيت بس اسوي شغلة وارتاح شوي وجذي لمن اخلص الشغل كامل

يعني سوي لج شغلة او شغلتين وارتاحي شوي وان شاء الله ما في خطر على البيبي

بس مب زين انج تشيلين شي ثقيل يعني الكنبات لا تغيرين اماكنهم لانه هذا يمكن يشكل خطورة على البيبي

تقبلي مروري البسيط

[نبض قلب حمني]

هلا يالغاليه
شوفي كلنا مرينا بمثلك
يعني انا زوجي مايحب يشوف شئ بالشقه لازم تكون نظيفه
ويدقق مره
المهم انا من حملت والين اليوم وانا ماشيه على نظام ومرتاحه فيه

عندي وقت انظف واشتغل فيه طبعا بدون جهد ومااسوي كل شئ بيوم واحد

طبعا المطبخ انا على طول من ناكل شئ غسلته عشان مايتراكم علي الغسيل

وكل يوم اسوي شئ يعني اقسم الشغل اللي اول كنت اشتغله بيوم صار بيومين بثلاثه
مو كل شئ بيوم واحد كان اموت من التعب
انتي سوي كذا كل يوم سوي نص الشغل اللي عندك
يعني الاشياء المهمه
في اشياء مالها داعي كل يوم
حاولي تنظمين لك جدول كيف تهتمين ببيتك
والوقت الباقي ريحي حالك لانه لازززم واهم شئ بدايه الحمل الراحه وبعدين بيجيك التعب
ولاانتي قادره تشتغلين اصلا

عشان كذا اهتمي براحتك ياقلبي ومثل ماقلت لك مولازم كل شئ تنظفينه بيوم
اهم شئ الاشياء المهمه بس
مثلي طبعا مريحه حالي ههههههه

يلا ان شاء الله تشوفين البيبي بالسلامه يارب ويكون سليم معافى تام الخلق يارب
وانا وياك بعد

[يارب ترزقني بطفل أضمه]

ياقلبي الله يتمم حملك ويحفظ جنينك انشالله بس هذا حمل عزيز يالغلا حافظي عليه
اشتغلي شغل خفيف لكن تسحيب الكنب وغيرة ليش كل نهاية اسبوع جيبي العاملات الاجار بالساعات وخليها تسحب لاتتعبين نفسك نصيحة يالغلا حتى لو مو حامل لاتشيلين شي ثقيل يتعب الرحم الظهر والله يسعدك ويريح بالك

[Mقمة البرااااائهM]

أختي......

بنت عمي بس شااالت صينية القهوه والشاااااي وأجهضت وأهي في الخاااامس....فماااا باااالج أنتي والمجهووود إللي تجتهدينه.....حراااااام.....بعدين محد في البيت غير أنتي وزوجج....يعني محد يخرب....ليش كل يوووووم تنظيف وجر وسحب....حرااااام هذاااا البيبي شووووذنبه......
أختي محد بينفعج غير ضنااااج.....وأنتي وضميييييرج.........

[« خ ـجل »]

حبيبتي لازم ترتاحيييين

اذا انتي تنتظرين الحمل من سنتينن والحمد الله حصل

انتبهي عليه فديتك لا يصير شي وتندمين عليه لاسمح الله

شغل البيت لاحقه عليه واذا اشتغلتي حاولي يكون شغل خفييف

الاشهر الاولى مرررا حساسه وخطيره لازم تنتبهين لنفسك يآقلبي

[روزا ليندا]

اختي انا زيك منتظره الحمل من وقت طويل والدكتوره حذرتني من شغل البيت الثقيل
قالت لا تشتغلي في البيت كثير ولا توقفي كثير ولا تمشي وانا في اشهر الخامس قالت هذا طفل عزيز وقالت اذا حسيتي بتعب نامي على ضهرك وارفعي رجلك ومن يومها وانا جالسه في البيت ولا خرجه وجبت شغاله طيب انتي في الشهر التاني يعني لازم راحه

[يارب عفوك]

ماايبغى له سؤال هالشي

اكيد يبغي لك راحه وعاد زوجك كيفه خليه يساعدك والإ يسكت..

انا بس وقفت يوم كثير ونزل علي دم كثير.. وتنومت

بس الحمدالله عده الحمل ع خير

[حبيبه]

حبيباتي
ألف شكر لكم على كل كلمه دخلت في قلبي ولا طلعت
تدرون جالسه واتحسف على الشهور اللي مضت ليش ما ارتحت بس جد
ما راح اضيع الفرصه عندي اربع شهور قدام ما راح اتعب نفسي وبدلع روحي برتاح وبنسى شي اسمه شغل بس بفكر بالبيبي
ندمانه حيل حيل ..... بس ما ينفه الندم الحين لازم اتغير والله يتمم لي على خير
انا بس ابغي اعرف شغله وحده ليش انا سويت كذا هذا المحيرني؟

[نور عيني]

الله يسهل عليك يااااارب
شوفي قسمي شغل البيت على حسب قدرتك يعني اذا حسيتي بتعب ولو خفيف اتركيه لبكره وكذا مثلا غسيل الثياب مو مره وحده والمطبخ غسلي اول باول ورتبي ومايتراكم عليك وارحمي نفسك والي في بطنك وكل شي بعدها لاحقين عليه

[Mقمة البرااااائهM]

هذاااا مش أنتي.....هذاااا الشيطااااااان......يحليلج الشي.........

[روح البنفسج]

حبيبتي لازم ترتاحي
الراحه ثم الراحه ثم الراحه
ليش تجهدي نفسك وتعرضي
ولدك او بنتك لخطر لا سمح الله
ايش ذنبه هو وايش بتفيديك الشقه المرتبه
اذا لا سمح الله صار في البيبي شي
قسمي شغل البيت وخلي زوجك يساعدك
ولا تزعلي حبيبتي كلنا حاسين فيك
مره مو حلو تشوفي بيتك مش مرتب
او مش نظيف او في حاجه مش في مكانها
بس لازم تخففي على نفسك واحسن حل تخلي
زوجك يساعدك اذا مو عشانك عشان ولده اللي
جاي بالطريق خلي يسوي الاشياء اللي ما تقدري
عليها يعني تنظيف المطبخ والملابس
وانتي عليكي الاشياء البسيطه اطبخي
حاجات خفيفه رتبي الفرش و اذا شقتك
صغيرونه اكنسي بالمكنسه الكهربائيه
واذا كانت الارضيه سيراميك كل يوم
غرفه ومسح على خفيف مو مره تتعبي
وزي كده وانشالله موفقه وربي يستر عليك
ويعدي الحمل على خير ويقر عينك بشوفة
اغلى الغاليين

[ملكة الاحساس22]

الراااااااااااااااااااااااحه ثم الرااااااااااااااااااااااااحه ثم الراااااااااااااااااااااااااااااحه يا اختي والله يتمم لك على خير

[حلمـ]

انتبهي لنفسك ..

هذا حمل بسرعه تخسرينه لو ماريحتي نفسك ..

وبعدها تندمي كل شي ممكن يتعوض من الشغل شوي شوي..

ربي يثبت لك ويحفظ جنينك

[حبيبه]

الله يعطيكم العافيه
بصراحة جالسه استفيد من كل كلمه قلتوها لي
مشكورين جميعا على مشاركتكم لي ونصيحتكم القيمه
مو عارفه شلون اعبر لكم عن مدى شكري لكم
كل يوم عن يوم احس اني اتغير للأفضل ونفسيتي بدت تتحسن بعد ما كنت خايفه وقلقانه ومتوتره الحين احس اني مبسوطه لإني حسيت بالبيبي وجالسه اقدمه على كل شي عندي
اهم شي عندي الآن اني اكون مرتاحه فقط
الف شكر لكم

[تمارا]

للأسف انا مااقدر افيدك لاني نفس الشيء والله العظيم نفسيتي تعبت اكره تراكم الشغل ومااقدر اخليه يتراكم اول بأول لازم طبعآ غير الطبخ والنفخ والله حاااااسه فيك وانا كمان انتظرت الحمل مده لكن ماارحم نفسي وش اسوي الظروف ماتسمح اجيب شغاله وبصراحه مااحب وجودهم في البيت يراقبوني ولااخذ راحتي الحل انك تسوين جدول للتنظيف وانا فكرت كذا يعني اشتغل وارتاح مع اني مااتحمل واحب اخلص كل شيء على طول الله يعين والله يثبته لك ويرزقك الذريه السليمه المعافاه آمين

[الود طبعي]

اختي اذا تقدرين تجيبين شغاله بالساعات كل يوم جيبيها تريحك من الشغل اذا انتي مو حابه الشغاله الدائمه جيبي الي بالساعات وربي ترتاحين غسيل وكوي ومسح وتنضيف وتروح ومتى ماحتجتيها تجيك وانتبهى على نفسك والبيبي فتره وتعدي

[ام جياد]

والله يااختي المفروض ماتعبي نفسك انتي بس انتي وزوجك يعني ماعندك بنت تطفش زيي والله انا بحملي الاول على بنتي كنت زيك اهلك نفسي بالشغل بس زي كلام البنات مااسوي كل شي بيوم واحد اقسم الشغل وعمري وانا حامل مادفيت كنبات ليه خلي شغاله اوبعد ماتولدي ان شاء الله والله انا محافظت على نفسي وزي ماقلت ليكي وزوجي اتعود وحملت ثاني مره وكنت اشتغل عادي بس طبعا غير لما يكون معاك طفل المهم الحمل ماجلس في بطني شهر ونزل والحمدالله بعد سنه الحين انا حامل الحمدالله بس صرت اطنش البيت وهو مومهتم بس اطبخ وغير كذا لا وطبعا اهتم ببنتي الله يحفضها والله يعين ويثبت حملي ياااااااارب

[نوددي]

ارتااااااااااحي وريحي بالك .. الحمل يبيله هداوه انا كنت مثلك والحين صرت امسك بريك اغصب نفسي غصب اني ارتاح ..الله يتمم عليك يااااارب ويقر عينك بالولد الصالح ..

[ياحبيبي يالله]

اشتغلي لكن لاترهقين نفسك بزياده ولاتشيلين شيء ثقيل او تطولين بالوقوف او تطمنين نفسك كل شوي
يعني كنس وغسل مواعين وشغل سطحي انا اشوف انه مايضر
بعد الوحده مو بس منسدحه وجالسه لازم الحركه وفي الحركه بركه
وان شاء ماتشوفين الا العافيه

[سومااا]

بسم الله الرحمن الرحيم


السلام عليكم ورحمة الله وبركاته


خواتي .... حبيباتي ...اعضاء منتديات حوامل نسائيه ( منتداي الغالي )
لا تبخلون علي ولو بكلمه تنفعني او تخفف عني

لكل من يقراء موضوعي عليه ان يكتب شي ولو كلمه بسيطه تكسب بها اجر لعلى وعسى هالكلمه هذي هي التي تغيرني للافضل
فلا تبخلو علي


قصتي يا اخوات اني انتظر الحمل من اول ما تزوجت والحمد لله بعد ما كملت السنتين من الزواج حملت

بس المشكله اني وحده ما اعرف ارتاح واجلس ....كله شاغله روحي ومتعبه جسمي مره بزحم الكنبات ومره بغسل الارضيات ومره برتب المطبخ من والى وكله ابغي اطلع واذا طلعت تعرفون اني بكون جالسه فتره طويله وغير طلعة السوق اللي انبسط حيل ومشي
وغير جلست النت


نفسيتي اتعبت حيل ابغي احافظ على البيبي وابغي ادلع نفسي ما اشتغل وابغي ارتاح بس مين يساعدني في شغل البيت (الشقه) زوجي يكره شي اسمه يرتب الشقه او ينظف ومن هالقبيل
وانا اكره اني اجلس مكان فوضى ولا كأني احس واقوم ارتب وانظف
والبيبي في الطريق الله اعلم كيف اهو متحمل هالتعب اللي انا معيشته فيه

تخيلوا احيانا احس اني ابغي اصيح ...اصيح ابقوه ... احس عندي مسؤليات اكثيره ....ولا اعرف اديرها ....وخاصة هالبيبي ابغي اهتم فيه اشوي ابغي ارتاح ولو هالاربع الشهور الجايه

احيانا تجيني افكار ان البيبي بيصير له شي والسبب انا
ولما افكر هيك يجيني أرق واتعب نفسيا



اللي ابغي اعرفه هل طبيعي هالشغل اللي اشتغله ،،،ما في ضرر على البيبي

ثاني شغله شنو اسوي علشان ارتاح
بالعلم اني لما اكون مرتاحة عرفو أن الشقه راح تنقلب فوق تحت اغبار ووسخ وغيرو يعني لازم كل شي اول بأول والا الدنيا تصير دمار

بنااااااااااااات بليييييييييييز ساعدوني
هل في خطر على البيبي

وكيف اتعلم ارتاح ولا افكر بالشغل واللي ذابحني اكثر اتزحم الكنبات اذا ظليت ازحم وغير اماكنهم

يعنى حبيبتى بتقولى الحمدل غالى عندك وجية بعد سنتين

ودى نعمة لازم تحافظي عليها

شوفى حد يساعدك بأمور البيت ولا تتبعى نفسك

[ام الخير]

حبيبتي دامك لوحدك مافي بزران يوسخون لك الا ريحي نفسك وتغذي كويس ونامي كل ما حسيتي بنوم نامي بس هااااااا اهم شي تاكلين مو تنامين وتجوعين نفسك عشان البيبي يكبر
والله يعينك حبيتي وكلي ربك ودلعي نفسك بتجيك ايام ما تقدرين تنامين النوم من التعب وارهاق الحمل فوفري التعب لبعدين لاحقه عليه استكتعي بكل شي حلوووووووو وموفقه

[صعب تنساني]

ارتاحي الراحه زينه للحامل ولنونو واشهر الحمل فتره وتعدي ليش ما تريحين روحج بهالفتره احسن مما تحملي شي وبعدين تندمين انه يوم اجهض ندمت ندم وبعدها ما فاد الندم انتي سوي الي تقدرين عليه بااااقساط والثقيل خلي احد يساعدج فيه مثل الكنبات الله يحفظه لج