ماعندي غيركم بالله ساعدوني

[Hana-117]

كيفكم حبيباتي ربي يسعد اوقاتكم
انا نزلت قبل ايام موضوع عرفت عن نفسي وبشكر كل الاخوات اللي ردو عليا فعلا ترحيبهم اسعدني
المهم اليوم بحكيلكم معاناتي
انا عمري 26 ومتزوجه من 8 شهور ولسه ماحملت
انا عارفه انو الوقت نوعا ما بدري على اني اشيل هم واقلق من تاخر الحمل
بس انا مشكلتي بدأت من قبل الزواج وتقريبا من اول مابلغت
عمرها الدوره ماانتظمت عندي ورحت لدكاتره كتير وكلهم اتفقو ان عندي تكيس وهرمون الحليب مرتفع
وقتها اخدت علاج علشان انظم الدوره وانتظمت فتره ورجعت اتلخبطت وسبتها على كيفها
وبعد ماتزوجت لازالت المشكله مستمره وبحثت عن التكيس في النت وبصراحه خوفني الكلام اللي قريته

عايزه اروح لدكتور بس زوجي شايف الوقت بدري
تنصحوني اصارحه بالمشكله اللي عندي عشان يقتنع بفكرة الدكتور؟
انا خايفه لوعرف يقولي ليه ماكلمتني قبل كده ويزعل
وخايفه اسكت والشهور تمر بدون ما اتعالج
اخواتي ارجوكم ساعدوني انا ماعندي احد استشيره غيركم اتا سافرت من بلدي بعد الزواج
وجيت مع بلد لاعندي فيها معارف ولا صديقات ماعندي غيركم بعد ربنا يساعدني

[احتشامي سر جمالي]

حبيبتي اللي من البداية المفروض تصارحين زوجك
من رأي انك تصارحيه وتكشفون عند دكتورة مختصة بهالامور
وربي يسعدكم ويوفقكم ويكتب لكم اللي فيه الخير يارب

[تَنْهِيدةٌ فَرحَ ❀]

بالنسبة للتكسيات أفضل حل لها شرب الماء بكثر بالذات وقت الدورة
وهرمون الحليب المرامية تممام بس طبعاً يختلف جسم كل وحدة
في ناس ينفع وفي ناس ماتنفع معاها
حبيبتيِ موضروري تقولي لزوجك عن مشكلتك قبل الزواج
لأنك ماتدري تقبله للكلام
ماكأنك تعرفي شي
الدورة الجاية قولي له حسيت بألم او الدورة دمها قليل أو أي مشكلة
عشان يوديك بمعنىَ اصح خوفيه على نفسك
وروحي للدكتورة وهي بتكشف عليك من اول وجديد
وتعطيك أدوية وتعالجك وماتدري يمكن كل هالأمور ماتاخذ منك وقت
الا وانتي تبشرينا بحملك يارب hwaml03

[يقيني بربي]

حبيبتي موضروري تحكيلو لانو مومعروف ايش يكون ردو المهم من الدورة الجاية احكيلو انو حاسة بالم في المبيض او الم في الصدر او اي شي من اعراض التكيس المعروفة وكدا راح يوديك واحكي انك خابفة يكون عندك مشكلة وتزيد وربي يرزقك يارب ويرزقني بالذرية الصالحة يارب العالمين

[أمل الأمومة]

أهلين حبيبتي
مو ضروري تقولي لزوجك عن مشكلتك قبل الزواج
وضروري تروحي لدكتور مختص علشان يشخص حالتك
ويعطي العلاج المناسب لحالتك سواء تكيس أو شيء ثاني

[M0ra]

بصراحة البنات وفو و كفو اعملى متل ماقالولك و ان شاء الله بتحملين عن قرب و تبشرينااااااااا

[احلام الامومه]

كلام البنات صح مو لازم تقولي له اشكي من الالم وروحي اكشفي وسوي تحليل وكل شي والله يقدم لكي اللي فيه الخير احسن تتعالجي من بدري عشان يسهل علاجك وان شاء الله تحملي وتفرحي الله يرزقكي سعاده وفرحوكل شي حلو تتمنيه ويرزقني ويرزق الاخوات يارب.

[السعاده بطاعة الله]

لاتقوليله ومع الدورة الجاية روحي اكشفي وتابعي مع الدكتورة ولاتخافي التكيس مابيمنع الحمل بإذن الله بس ممكن يأخره شوي...المراميه روعه لتنظيم الدورة..تستعمليها من بعدالدورة مباشرة الى موعد الدورة القادمة...ربنا يشافيك ويفرج همك ويرزقك بالذرية الصالحة...

[Orchid109]

حبيبة قلبي قللي له
انو انا اتلخبطت علي الدورة في اخر شهرين ولازم اروح الطبيب عشان اطمن على نفسي اخاف فييني شي
ومو ضروري حبيبتي تقوليله معاناتك في الماضي

[Hana-117]

مشكورين يابنات ماقصرتو
الله يرزقني ويرزقكم الذريه الصالحه واسمع بحملكم عن قريب ياارحم الراحمين يارب العالمين
انا حاطلب من زوجي اروح للدكتور
وانا اصلا بيجيني مغص فظيع مع الدوره حاشتكي لزوجي من المغص والم الضهر واروح واكشف واشوف ايش العلاج واقولكم